استفسار لأصحاب الخبره . . أوكتافيا a5

بإختصار . . اوكتافيا a5 2007 تيبترونك . . استعمالي ليها خفيف جدا جدا
من 3 أيام جربت ادورها دارت عادي خالص . . النهارده كنت رايح اغير زيت ركبت العربيه جيت أدورها بسمع صوت المارش بس مش عايزه تلقط وحاولت كتير مفيش فايده !
جبت ميكانيكي وصل كابل للبطاريه طبعا بردو مدارتش عشان مستحيل تكون مشكله بطاريه طالما فيه صوت مارش
لما بحاول ادور العربيه مش بتلقط خالص وبسمع صوت تحذيري 3 مرات !!!
بص علي الفيوزات تحت الكبوت و جنب الباب كله سليم !
بس أنا مش بسمع صوت الزنه لما بشغل اول تكه كونتاكت "صوت طرمبه البنزين " !!!!!
قولت الطرمبه باظت بس هو بيقول ان مفيش كهربا واصله للموتور
طيب دا عيب ايه بالظبط علما اني شلت كابل البطاريه ربع ساعه وعملت ريسيت وبرضو نفس المشكله ؟؟؟

هل الصوت التحذيرى ده معاه اى لمبه فى الطابلوه


وهل العدادات صفرت (عداد الكيلومتر)

اقتباس:

---

المشاركة الأصلية كتبت بواسطة طارق _عبد السلام

هل الصوت التحذيرى ده معاه اى لمبه فى الطابلوه


وهل العدادات صفرت (عداد الكيلومتر)

---

الانوار كلها بتشتغل بعدين بيختفوا ما عدا : البطاريه و فرامل الهاند و epc دول بيفضلوا ظاهرين ولما بحاول أدور بسمع beep beep beep

عندك نسخه مفتاح تانيه تجرب بيها

كلامك سليم وجه علي بالي
بس للأسف جربت المفتاح التاني و نفس المشكله بردو !!
شاكك ف حاجه معينه ؟

اقتباس:

---

المشاركة الأصلية كتبت بواسطة adnfalcon

كلامك سليم وجه علي بالي
بس للأسف جربت المفتاح التاني و نفس المشكله بردو !!
شاكك ف حاجه معينه ؟

---

مش عارف انا مش عايز افتى لان المشكله مصلتش قبل كده معايا
بس حصلت مره مع صديق لى وكان ماشى بالعربيه وعملت حاجه شبه كدا وكانت طلمبه بنزين

بس انا قلت افكر معاك فى الحلول السهله

ولو كنت غاسل العربيه امبارح ولا حاجه ممكن يكون فيه مياه عملت كده لكن الاحتمال ده محصلش فتقريبا والله اعلم طلمبه

بس اتأكد الاول ان البطاريه اللى الميكانيكى جابها قويه وبردوا لو بعد سماع صوت الصفاره الانذار كل الانوار بتنطفى فده ممكن يكون عيب بطاريه مع تصفير العداد وتحس ان الامبير بيرعش بتاع السرعه

اقتباس:

---

المشاركة الأصلية كتبت بواسطة طارق _عبد السلام

بس اتأكد الاول ان البطاريه اللى الميكانيكى جابها قويه وبردوا لو بعد سماع صوت الصفاره الانذار كل الانوار بتنطفى فده ممكن يكون عيب بطاريه مع تصفير العداد وتحس ان الامبير بيرعش بتاع السرعه

---

لا كل الأعراض دي مش موجوده والبطاريه تمام
ممكن حساس كرنك او طرمبه بنزين ؟

معلش هوا موضوع بعيد بصيت علي السوائل وزيت الموتور
حاول تحرك عصاية الفتيس ولو جزئيا كده مع اي حد يحاول يهز العربيه لقدام ولورا وجرب تدور ساعات مكنه الاستوب بتبقي معلقة والعربيه مش واخده التعشيقة

اقتباس:

---

المشاركة الأصلية كتبت بواسطة طارق _عبد السلام

بس اتأكد الاول ان البطاريه اللى الميكانيكى جابها قويه وبردوا لو بعد سماع صوت الصفاره الانذار كل الانوار بتنطفى فده ممكن يكون عيب بطاريه مع تصفير العداد وتحس ان الامبير بيرعش بتاع السرعه

---

بعد ما عملت كل الحلول وجربنا حاجات كتير . . قلت للميكانيكي هات الكابل تاني عايز أجرب حاجه كده
جابه روحت جبت مفاتيح عربيه والدي و وصلت ع بطاريتها ودورت عربيتي دارت !!! هيه هيه
اتضح ان البطاريه لما بتضعف بتهيس ال ecu !!
متشكر جدا جدا استاذ طارق تخمينك كان ف محله

اقتباس:

---

المشاركة الأصلية كتبت بواسطة moratoz

معلش هوا موضوع بعيد بصيت علي السوائل وزيت الموتور
حاول تحرك عصاية الفتيس ولو جزئيا كده مع اي حد يحاول يهز العربيه لقدام ولورا وجرب تدور ساعات مكنه الاستوب بتبقي معلقة والعربيه مش واخده التعشيقة

---

الحاجات دي كلها كانت تمام التمام بس بطاريه الميكانيكي هي اللي زاولتني جامد وتفكيري دخل ف حساس كرنك وطرمبه بنزين بس الحمدلله جت سليمه

اقتباس:

---

المشاركة الأصلية كتبت بواسطة adnfalcon

بعد ما عملت كل الحلول وجربنا حاجات كتير . . قلت للميكانيكي هات الكابل تاني عايز أجرب حاجه كده
جابه روحت جبت مفاتيح عربيه والدي و وصلت ع بطاريتها ودورت عربيتي دارت !!! هيه هيه
اتضح ان البطاريه لما بتضعف بتهيس ال ecu !!
متشكر جدا جدا استاذ طارق تخمينك كان ف محله

---

الحمد لله انها جت بسيطه اصل بينى وبينك الاوكتافيا مش من العربيات اللى بتعمل فصول بايخه عربيه ماشاء الله

اجرى على طول هات بطاريه تانيه ونضيفه لان الموضوع هيتكرر لو مغيرتش البطاريه


الحمد لله

اقتباس:

---

المشاركة الأصلية كتبت بواسطة طارق _عبد السلام

الحمد لله انها جت بسيطه اصل بينى وبينك الاوكتافيا مش من العربيات اللى بتعمل فصول بايخه عربيه ماشاء الله

اجرى على طول هات بطاريه تانيه ونضيفه لان الموضوع هيتكرر لو مغيرتش البطاريه


الحمد لله

---

جبت واحده acdelco 74 امبير اول ما عرفت ان البطاريه هيست القديمه كانت نوع ايطالي و فضلت شغاله سنتين و 8 ايام !!