الموضوع: القواعد الذهبية للذهاب الى شرم

يا جماعة الخير بلاش تحامل على كاتب الموضوع ........الراجل بيقول رأية اللى كثير مننا بيشوفة فى اماكن كتير وسفريات برة وجوة والواحد بيبقى فى نص هدوة من تصرفات بعض الناس
وفعلا احنا عندنا مشاكل كتير فى فنون التعامل بين الناس ومش بنعرف نقول شكرا لاى مقدم خدمة ولا بنعرف نقف بنظام فى اى طابور ولا عندنا فن التسامح مع الاخر ,,,,,,ولازم نفضح نفسنا عشان نحاول نتغير
المصريين زى شعوب كتير فيها الحلو وفيها اللى مش أد كدة ,,, بس المشكلة ان سمعة المصرى فى الخارج بتتأثر فلازم نحاول نوجد مناقشات وحلول لعشر او عشرين سنة قادميين

ولكاتب الموضوع كل الشكر

أحييك على هذا الموضوع.. أنا قيمته تقييم ممتاز وإن شاء الله باقي الأعضاء يقيموه.. حتى تعم الفائدة


كلامك صحيح وإن كان لا يخلوا من التعميم..



نتمنى أن يفهم أي مواطن بأنه سفير لبلده وإن كان داخلها، خصوصاً في الأماكن السياحيّة..

كلامك ارفعله القبعة ولكن احمد ربنا انهم مبيجبوش الحمير والأحصنة يحموها في البحر زي مبيعملوا في جمصة وراس البر واسكندرية .
انا شوفت صور متداولة على الفيس بوك ان فيه راجل لابس فانلة بحمالات في بوفيه فندق في شرم

على فكره انا شفت سياح اجانب بيححطوا الاكل من البوفيه فى شنط معاهم

واكتر من مره

فالموضوع ان فيه فكل شعب الكويس والوحش

وفيه الفندق اللى شاغلين فيه بعرفوا يعنى ايه خدمة عملا ومحترمين ويحترموا النزلاء سواء كانوا مصريين او اجانب

وفيه فندق العمالين فيه مبيحترمش المصرى وعندوا الاجنبى ده ايه فرخة بكشك

اللى عايز اوصلوا ان الجوانب السلبية موجودة سواء فى نزلاء الفنادق مصريين او اجانب او ادارة الفنادق نفسها بالعاملين اللى فيها

انا زميلي ف السكن الماني
بالصدفه امبارح كنت بعمل كيكه
بعد ما خلصت تقليب ف المكونات - جاي بيقولي ممكن الحس الطبق
بقوله ليه هبقي اديك حته - قالي لا اصل انا متعود اعمل كدا مع امي
فعلا اخد الطبق وقعد يلحس فيه المؤرف زي الكلاب
السلوكيات لا تتبع شعب معين
في مواقف ليا كتير اوي مع اجانب مؤرفين بطريقه لا تتخيلها
ف الفنادق برده لما يكون ف اكل مجاني بياكل مرة واثنين وثلاثه وبريطانيين وامريكان والمان ع فكره