رقم العضوية : 57010
تاريخ التسجيل : 26Dec2009
المشاركات : 1,614
النوع : ذكر
الاقامة : فيصل
السيارة: SUNNY 2010
السيارة[2]: 128 موديل 89
دراجة بخارية: no
الحالة :
كنت في عيد الفطر في راديسون بلو نبق باى 5 نجوم ومش هنكر ان فيه تصرفات غلط من مصريين لكن والله فيه اجانب زباله وعره وشوفت منهم ناس بتحط الاكل في علب وناس معفنه ومقرفه
بلاش العنصريه في النظر لكل ما هو مصري
I NEED YOU
رقم العضوية : 32627
تاريخ التسجيل : 10Feb2009
المشاركات : 1,939
النوع : ذكر
الاقامة : cairo
السيارة: اكسارا
السيارة[2]: فيات 128
دراجة بخارية: i hope
الحالة :
يقول اللورد كرومر فى مذكراته: لم اجد فى مصر الا المصريين فقط.. بعضهم يصلى فى المسجد وبعضهم يصلى فى الكنيسة لكن كلهم مصريون.
أبو كمال
رقم العضوية : 145205
تاريخ التسجيل : 13Jun2013
المشاركات : 341
النوع : ذكر
الاقامة : مصر, الإسكندرية
السيارة: ربنا كريم
السيارة[2]: ربنا كريم
الحالة :
يا اخوانا براحة على المصريين شوية
شوفت بعيني في سونستا بيتش خمس نجوم واحد ماشي بشبشب حمام و فانلة حمالات
و محدش كلمه عشان خواجة (روسي)
و في نفس الفندق شوفت السباك و النجار و مبيض المحارة
وبياخد سعر في الليلة ميحلمش بيه اي مصري و كمان (all inclusive)
و تلاقيه مش بيصرف 5 دولار في اليوم
لكن بيتشال على راسهم من فوق عشان اجنبي
يجي المصري و يزعلوا منه عشان اي حاجة
و الله العظيم حرام اللي بنعمله في بعض دا
رقم العضوية : 805
تاريخ التسجيل : 28May2007
المشاركات : 1,608
النوع : ذكر
الاقامة : Cairo
السيارة: Daihatsu Charmant 83 , Kia Rio 2011
السيارة[2]: Suzuki SX4 sedan 2009
دراجة بخارية: لا يوجد
الحالة :
صاحب الموضوع عنده حق في جزء كبير من اللي قاله .. لكن أسلوبه فيه بعض الاستفزاز والتجاوز .. كان ممكن يبقى نقد موضوعي عن كده
وكل الجنسيات فيه منها الكويس والوحش .. واخص بالذكر الروس لانهم اكتر سياح عندنا .. ولو قريتو في tripadvisor مثلا هتلاقي ان الانجليز والالمان مثلا بينتقدوا السياح الروس وتصرفاتهم وممكن مايجوش تاني بسببهم
والموضوع ده نسبي وبيفرق بين فندق والتاني .. يعني السنه اللي فاتت كنت في الغردقه واخترت ٣ فنادق اقضي فيهم الرحله عشان التغيير .. والتلاته كان فيهم مصريين .. بس فرق شاسع بين اللي شوفته في steigenberger ٥ نجوم وغالي و rotana ٤ نجوم ورخيص .. فرق شاسع بين المصريين ( والاجانب) اللي هنا واللي هنا .. وانا شخصيا طفشت من روتانا بسبب اللي شوفته من النزلاء المصريين والعاملين أيضا
بس برضو اتمنى ان المصريين تكون سلوكياتهم متحضره في كل حاجه واي مكان مش بس في السياحه
واي فندق عايز يحافظ على مستواه يطبق نظامه وقوانينه عالكل ويقدم خدمه عادله ومتساويه للكل بغض النظر عن جنسيته
سبحان الله وبحمده ... سبحان الله العظيم
تحياتي ,,,
أحمد مجدي
رقم العضوية : 35395
تاريخ التسجيل : 13Mar2009
المشاركات : 498
النوع : ذكر
الاقامة : Sharm Elsheikh
السيارة: New Accent2006
السيارة[2]: V.W
دراجة بخارية: no
الحالة :
سبحان الله.....ده لفه واحده فى القسم ألأجتماعى هتلاقى عشرات و عشرات من المواضيع اللى بتحكى و تتحاكى على مستوى ألأنحطاط اللى وصلنا ليه كشعب و كميه رهيبة من الموضوعات لناس عايزة تهج من البلد بعيالها بسبب التردى ألأخلاقى اللى الشعب وصل له. جينا عند الفنادق و الشعب المصرى بقى مظلوم و بقى شعب من الملايكه و الناس اللى بتشتغل فى السياحة بتتجنى عليه !!! يا ساده داحنا واخدين مركز من المراكز ألأولى على مستوى العالم فى التحرش و الفساد والفوضى و حوادث الطرق ....و كل ده بسبب السلوكيات الهمجيه و انعدام الضمير و ألأخلاق عند النسبة الغالبة من الشعب. هنيجى عند الفنادق و نقول أن النزيل المصرى مظلوم!
و الله العظيم فيه سياحة أردنيه و سعودية فى شرم الشيخ فى منتهى ألأحترام و النظام و فى زياده مضطرده و الفنادق بترحب بيهم .
رقم العضوية : 3914
تاريخ التسجيل : 31Dec2007
المشاركات : 9,343
النوع : ذكر
الاقامة : العباسية المنطقة .... مش المستشفى
السيارة: فيرنا 2007
السيارة[2]: سيراتو 2011
دراجة بخارية: مش وش ذلك ههههه
الحالة :
بص يا استاذ مهاب
انا بردو من الناس اللي بتنتقد تصرفات بعض المصريين والعرب في الاماكن دي
وده طبيعي جدا ....
لكن ان الموضوع يوصل لفصل علي اساس الجنسية .... هنا يبقي الامر دخل منحني تاني خالص
فيه حلول تانية
مثلا ان امن الفندق يمنع اي تصرف غير لائق سواء من مصري او عربي او اجنبي
او يغلو سعر الفندق علشان النزلاء يبقو اقل
...
انا اعتراضي الوحيد اننا نطالب بعمل مكان لجنسية دون الاخري
تفرق اني ما أروحش المكان ده عشان ضد عاداتي وتقاليدي وبين انه يتم منعي من دخولها قسرا
ارجو اني اكون قدرت اوصل اللي عاوز اقوله
وتقبل خالص تحياتي
يظن الناس بي خيرا وإني ... لأشقى الناس إن لم ترض عني
ومالي حيــلة إلا رجــائي ... وعفوك إن عفوت وحسن ظني
محاسب / احمد ابراهيم
رقم العضوية : 1027
تاريخ التسجيل : 19Jun2007
المشاركات : 824
النوع : ذكر
الاقامة : مصر
السيارة: ???
السيارة[2]: Matrix 2009 Auto
دراجة بخارية: no
الحالة :
قمت بتقييم الموضوع خمس نجوم
تصرفات عموم المصريين وليس كلهم وخاصة في الغردقة - سليمة تماما كما وصفهم كاتب الموضوع , وقد يكون وصف حرفي لما شاهدته طوال 8 سنوات في الغردقة - ومرة واحدة شرم ولم تعجبني..
انا شفت بعينى وكنت في اوتيل خمس نجوم , واحد نازل البحر بعوامة كاوتش سوداء بتاع العربيات ..... كنت عاوز .....
* ملحوظة تضاف للموضوع ولاحظتها ان معظم هذه التصرفات تأتي من مجموعات من المصريين في رحلات خاصة بعملهم في شركات - بنوك - مصانع وليست اُسر بمفردها ....
كف الاذى عن الناس ....عباده
رقم العضوية : 5254
تاريخ التسجيل : 05Feb2008
المشاركات : 1,186
النوع : ذكر
الاقامة : القاهرة
السيارة: يا مسهل يارب
السيارة[2]: هيونداي
دراجة بخارية: لا
الحالة :
حضرتك ليه مش كاتب ان الموضوع منقول من الفيس بوك
رقم العضوية : 35395
تاريخ التسجيل : 13Mar2009
المشاركات : 498
النوع : ذكر
الاقامة : Sharm Elsheikh
السيارة: New Accent2006
السيارة[2]: V.W
دراجة بخارية: no
الحالة :
يا باشا محدش يقدر يمنعك قسرا من دخول أى مكان أنت تنور و تشرف أى حته, يمكن أنا فى حالة ألأحباط اللى حاسس بيها من جهة الموضوع ده كتبت بشكل انفعالى و موصلتش الفكرة صح...أنا بفكر فى منتجعات تكون مفيهاش كحوليات و تكون بأسعار و امكانيات و اصطاف يقدر يتعامل مع مجموعات المصريين و يهندل مشاكلهم و يبقى عارف انه شغله كله هايكون مع نزلاء مصريين فهيكون ده أفضل ليه و للنزيل و فى نفس الوقت مش هايكون فيه تعارض بين سلوكيات النزلاء لأن كلهم هيقدروا يتعاملوا مع بعض . و من ناحيه تانيه الفنادق التانيه متمنعش حد بس اللى هايروح يبقى عارف ان فيه ناس بتلبس مايوهات و فيه كحوليات و فيه نظام ماينفعش يخالفه فى البوفيه و فى ازعاج غيرة و خلافه من السلوكيات المرفوضه.
انا اللى بيحزننى جدا لما حد أجنبى بيسردلى لسته انتقادات و أنا ببقى فى نص هدومى و فى نفس الوقت ماقدرش أقوله انتوا عندكوا كده برضوا لأن هما ماعندهمش كده و هنا اللى بيتصرف منهم تصرفات خارجة بتكون نسبته قليلة جدا جدا...بمعن أن السياح النسبة الغالبة منهم ملتزمة و جزء بسيط جدا بيكون مثير للمشاكل و ده بنعرف نتعامل معاه و بيتشد و و بيتزعق فيه و بينطرد من الفندق بدون مبالغة. و العكس بالعكس بالنسبة للمصريين..أن النسبة الغالبة بتكون فوضوية جدا و جزء بسيط جدا ملتزم. و الفوضويين الفنادق جربت معاهم كل الطرق من عمل لافتات و من توجيه بطريقه لطيفه ألخ..بس للأسف بتلاقى زعيق و صريخ و انا هاعمل و اسوى و أنا دافع فلوس( و الله لسه من أسبوعين بتعشى فى فندق وتابعت نزيلة مصريه أخدت التورتة كلها من على البوفيه و حطيتها على ترابيزة قاعد عليه 6 أفراد و مدير المطعم انتظر لما خلصوا خالص و خدوا بعضهم و قايمين و خد الراجل على جنب بعيد عن الناس و أنا شايف اتسامة مدير المطعم على وشه علشان ما يحرجش النزيل و لفت نظره أن التورتايه هاتترمى بالشكل ده لأن مستحيل تتحط على البوفيه تانى(ماكلوش أكتر من جزء بسيط منها و طبعا بهدلوها من كل ناحيه) فما كان من النزيل المصرى الا انه عمل فضيحة فى المطعم لمدير المطعم....ده موقف من مواقف كتير جدا بيصعب عليا فيها عمالة الفنادق. و الله العظيم شوفت عائلة مصريه كامله رايحين الغرفة و معاهم حامل حقائب واحد و شادد وراه 3شنط كبيرة و بيعافر مع الشنط و تيجى النزيله تقول لأبنها اللى زى الحيطه أنت شايل الشنطه ديه ليه(شنطه هاند باج خفيفة) و تقول لأبنها بمنتهى الجحود اديهاله ماهوا ده شغله...هيا كده بتعلم ابنها الجحود و القسوة فى التعامل مع الناس...
طيب علشان أختم كلامى...النزيل المصرى المحترم بيتقال عليه من ساعة لما بيسكن قدام الرسيبشن" الناس ديه كويسة لازم يتظبطوا" زى ما يكون الأصطاف لقى حاجة نادرة و بيبلغوا بعض..خلى بالك مع غرفة كذا الناس ديه محترمة(مش ماديا بس معنويا أن النزيل مايتعاملش معاهم وحش ).
أنا مش بشتغل فى فندق بس كل يوم بخش فنادق كتير و عايش الواقع ده و بسمع للمديرين فى الفنادق لما بيتكلموا بمرارة عن السياحة الداخليه و ازاى انهم بيشيلوا الهم طول الصيف وفى ألأعياد.
و تحياتى الطيبة لشخص حضرتك الكريم و اوعى تزعل منى ان كنت فى مشاراكات سابقة أسأت اختيار بعض مفرداتى فى عرض وجهة نظرى.
رقم العضوية : 150584
تاريخ التسجيل : 25Oct2013
المشاركات : 633
النوع : ذكر
الاقامة : Alex
السيارة: Pssat
السيارة[2]: Hyundai santafy
الحالة :
متابع
المفضلات