-
احب اقول الكلمتين اللى عندى فى صورة نقط علشان تسلسل الافكار
1- تعتمد مدن بأكملها مثل شرم الشيخ و الغردقة و الاقصر و اسوان على السائح الاجنبى و لو الساحة وقعت اغلب العاملين لا يجدوا شغل و اماكن بتتقفل
2- لو الفنادق غيرت من سياستها و فكرت تنمى السياحة الداخلية بس على اساس مش عروض و تنزيل اسعار و خلاص
يعنى لو على مدار مدة من الزمن الفندق الواحد عمل قائمة بالزبائن المصريين المحترمين و فضل متابعهم فى التليفون و الايميل على الاسعار و العروض اللى عنده فده ممكن يخليهم يرجعوا الفندق تانى و يقولوا لناس محترمين يجوا هم كمان
3- لو الفندق تعامل بشفافية مع الناس مش اكون دافع فى الليلة الواحدة الف جنيه و اعرف من اللى جانبى واخدها ب 300 جنيه فى اليوم و ح اكون مبسوط حتى لو واخد اوفر فبرده ده بيخلينى مضايق و مش طايق نفسى
4- فى مرة من المرات كنت حاجز اوضه يومين عن طريق موقع و بعدين حبيت ازود يومين كمان روحت على الاستقبال علشان ازود اليومين فضل لطعنى جانبه نص ساعة و بعدين فى الاخر يقولى ح نبقى نتصل بيك علشان بتوع الحجز مشيوا قلت له ماشى و طلعت اوضتى و حجزت يومين كمان من الموقع مافيش خمس دقايق الاقيه بيتصل بيا و يقوللى حضرتك حجزت يومين كمان؟ قلت له اه قاللى ماشى بس مش ح تبقى فى نفس الاوضه ح تروح المبنى التانى اللى لسه بيشطبوا فيه و بعيد عن الفندق قلت له ده انا ابهدل الدنيا فى الموقع و شرطة السياحة و ح تشوف ايه اللى ح يحص قاللى خلاص يا افندم زى ما انت عاوز
-
للاسف .... وباقول للاسف
لو كنت حطيت لبتاع الاستقبال 50 او 100 جنيه كان ظبطلك كل حاجة
ودي حاجة معروفة حتي الاجانب عارفينها
10 دوﻻر في الباسبور بتحللك كل المشاكل
ده كلام السياح علي المواقع ونصائحهم لبعض ع النت
فضيحة دولية يا باشا
-
للاسف .... وباقول للاسف
لو كنت حطيت لبتاع الاستقبال 50 او 100 جنيه كان ظبطلك كل حاجة
ودي حاجة معروفة حتي الاجانب عارفينها
10 دوﻻر في الباسبور بتحللك كل المشاكل
ده كلام السياح علي المواقع ونصائحهم لبعض ع النت
-
مع إحترامي لصاحب الموضوع ،،،
النصائح دي ممكن تكون سليمة و مفيدة من عشر سنين مثلا ،،،
دلوقتي لأ ،، و اللي شايفه إن سلوكيات السائح المصري أتحسنت و خلاص ثقافة التعامل في الفنادق
بقت موجودة ،، و فاهم يحجز امتي و يسأل علي آيه و يخرج آمتي و يأكل إزاي ،،،
ده يعني خلاص فيه ناس بقت بتقضي الويك إند في الغردقة أو شرم ،، غير فنادق السخنة
مشكلة الفنادق مع السائح المصري العادي بس إن إنفاقه مش عالي ، يعني هوا بيكتفي بإستخدام الخدمات المتاحة من الفندق اللي دافع تمنها في الأوضة
و ده لأن أغلبهم مبشربوش بيرة و خمور ،، و دي اللي فيها المكسب
-
الى صاحب الموضوع :
النصايح دى نسخة بالكربون كانت متداولة ع الفيس من شهر...هو حضرتك ناقلها ولا كاتبها؟
-
انا مجرد ان احط ف البوكس بتاع التبس ولو عشره جنيه بلاقى اهتمامهم زاد
وفيه اماكن واماكن تحس انك احسن من اى اجنبى ف الفندق وفنادق تانيه
تحس انهم مش طايقينك ومش بيبقى كل الاسطف بصراحه
لو الفندق حط شروط لمستخدميه وقاطنيه ونفذه ع التخين كله هيرتاح
-
بعض الأسئلة اللولبية
1- مين الي فاتح الفنادق في مصر كلها ومشغلها وبيصرف على العاملين فيها من 2011 لغاية الوقت الحالي؟؟؟ مش المصرييين؟؟
2- إيرادات السياحة الي بيتكلموا عليها عبارة عن ايه؟؟ مش ايرادات المنشئات السياحية كلها بما فيها المطاعم الي 99% من مبيعاتها للمصريين؟؟؟
3- لما القانون يقول ان المصري له تخفيض 50% ويتم التحايل عليه بأن ال50% تتحسب من سعر الراك الي ماحدش بيشتغل بيه لأن تعاقدات الأفواج ممكن يوصل الخصم فيها ل 90% من سعر الراك يبقى ده اسمه ايه؟؟؟
4-
5-
6-
7-
انا ممكن اكتب 10 صفحات من الأسئلة دي - للأسف الي بيشتغل في السياحة ويتعامل مع الأجانب بيفتكر انه بقى منهم ويبدأ بالتهكم على المصريين
-
كلامك مية مية
بس متنساش تكتب شوية نصائج كمان للعاملين فى شرم
اللى بيكفروك فى عيشتك وانت ماشى فى خليج نعمة بالعروض والشد علشان تقعد على الكفايهات
ولا النصابين بتوع التايم شير
ولا التاكسى واستغلالها
-
هو كل الناس اللى داخله عماله تقول المصريين بيسوا وبيخلوا لا وكمان عاوزين يعملوا فنادق اللاجانب وفنادق تانيه للمصريين زى ايام التفرقه العنصريه لما كان فيه اماكن للبيض واماكن للسود ممكن اعرف هما جنسيتهم ايه
Content Relevant URLs by
vBSEO 3.6.0 PL2