السلام عليكم ورحمة الله وبركاته
يبدو ان الله لم يكتب لى الراحة مع فيفورتى حيث انه كانت هناك مشاكل متعدده بعد تسقيط الموتور بس كان الاولى الترخيص واثبات الموتور الجديد وكنت ماجل بعض المشاكل وهى الكاربرتير والحمد لله ربنا شفاه وعافه**
المشكلة الثانية فى العفشة انى باسمع وان ماشى صوت ونة مع الحركة بتزيد مع السرعات الى ان اصل الى 80 كيلو يصبح الصوت مزعج كانك راكب ماكينة رى اضطر انزل من على ال80 علشان الصوت يهداء مش عارف غلبت قالو بلية غيرت بلية بعد 15 يوم عملت فرح وبوشت والطنبورة حكت فى شاسية الفرامل قالو الطنبورة فيها رفه عاوزه تنخرط خرطها برضو المشكلة قالنا خلاص نغير الصورة بالكامل ماش جبت واحدة استيراد بعد غلب وترجيع اكتر من واحدة وبعد تركيبها اكتشفت انها صورة 14 مش 13 بالصاروخ جلينا الزور علشان الفردة تركب ركبت قال مسمار الفرامل معوج غيرناه قال التيل دا وحش غيرناه وكنت شاكك فى كوبلن داخلى وصليبة كوبلن اشتريت صليبة روحت للباشا رجعنى قال الصليبة دة وحشة وكان عندى شاسية صليبة شفها قال دى حاكمة تما بس يخسارة البليى بتاعها والظروف قلت مش مشكلة جمعت ليها بلى وركبت ليها ظروف وبقت 10/10 ورجعت للباشا تانى قال تمام بس يستحسن نجيب جديدة مهو مش غرمان حاجة مع انى شايف ان اللى انا جمعتها افضل بكتير من الجديدة اليوم رجعت من الشغل قلت خلاص حعملها لوحدى رفعت العربية فكيت الكوبلن وغيرت الكوبلن الخارجى وغيرت الزراع والصليبة والكوبلن الداخلى لاقيته 10/10 وركبت وجربت آخر انهار نفس الصوت ياترى تفتكرو المشكلة فين وهل حد صادف هذا المرض اللعين **
انا شاكك فى حاجتين**
جلدةطلومبة المية**
او الفتيس
لو حد تعرض لنفس المشكلة ياريت يساعدنى لأنى خلاص اتخنقت ويبدو اننى سافكر فى بيعها واركب عجل احسن***