-
برجله فى الار بى ام
السلام عليكم
عندى مشكلة بدات تزيد وهى لخبطه فى الار بى ام والعربية بارده ولو دوست بنزين وزودت شويه الموتور يبرجل والار بى ام قرايته تطلع وتنزل بسرعه وممكن تنزل للزيرو مع ان الموتور شغال .. ولو شيلت رجلى من على دواسة البنزين يفضل على الزيرو لثوانى ويطلع على 1.5 وساعات يعمل نفس الحركة لو دوست فرامل ينزل للزيرو والموتور شغال عادى ويرجع لقيمته الطبيعيه اول ما اشيل رجلى من على الفرامل والموضوع ساعات يحصل وساعات لا حتى والعربيه سخنه بس البرجله بتاعة الموتور بتحصل والعربية بارده وغالبا الصبح بس
وطبعا سحب العربية مش كويس بس ساعات تسحب وساعات لا وخصوصا فى المطالع تبقى سحبها وحش
ملحوظه : العربية لانوس اتوماتيك
ده كده الايدل عايز يتنظف ولا ال tps بيخرف ولا حاجه تانيه
-
كل المشاهدات دى وما فيش ولا رد ..
انا كنت مسافر ولسه راجع .. نضفت الايدل وعملت ايدل ليرن
فى الايدل ليرن بدون احمال الار بى ام بدا على 1500 ونزل بعد 3 دقايق ل 850 بالتدريج
ولما فتحت النور والتكييف صوت الموتور على بس الاربى ام نزل للصفر والموتور شغال وعالى وبعد 3 دقايق تقريبا الموتور صوته هدى بالتدريج برضو بس الار بى ام على الزيرو
بطلت العربية ودورت كل حاجه مضبوطه ما عدا الزيرو فى الار بى ام مع الاحمال او لما ادوس فرامل ولما العربية سخنت موضوع الفرامل اختفى
مش عارف ده طبيعى ولا ايه
-
انا لسه شايف الوضوع دلوقتى و كنت هقولك نضف الايديل بس حضرتك عملته على العموم شوف العداد ذات نفسه ممكن يكون هو اللى فيه مشكلة و ربنا يكرمك و تحلها
Content Relevant URLs by
vBSEO 3.6.0 PL2