هحكيلكو عن تجربتي مع ال glk250 2014
اليوم قررت احكيلكو عن تجربتي الخاصه مع مرسيدس ال glk 250 موديل ٢٠١٤
اولا العربيه بصفه عامه ما شاء الله لا غبار عليها ولا كا اداء ولا الشكل فهي بتيجي فئتين القئه الاولي classic و دي فيها كل حاجه تقريبا من الرفاهيه و التانيه ال premium و دي الفرق مبينها و مبين العاديا ٥ حاجات اولهم السقف بنوراماو تاني حاجه فونيس ليدات تالت حاجه كراسي كلها كهرباء رابع حاجه فرش جلد لون مختلف عن اسود و بيج و غالبا بيكون لونه احمر زي الx1 sport و خامس حاجه اختراع جديد اسمه city safety زي بتاع الفولفو مرسيدس اخيرا طبقته طبعا مكنتش محتاج كل الرفاهيه الزياده دي
نيجي في تجربتي الشخصيه اول انطباع بعد ركوب العربيه حسيتها من جوه رياديه جدا بتحسيسك بالثقه جواها لان هي واخده ما بين الارتفاع و الثبات طبعا مكنتش عارف بتتحرك ازاي بسبب ان الفتيس في الدركسيون و كان شكلي وحش :rolleyes: طبعا كانت ازمتي اني مبحبش اي عربيه عاليه لعدم وجود الثبات بجد العربيه دي تفوقت علا نفسها في النقته دي
نبدا بالسياره من الداخل
طابلوه اكتر من تحفه روعه بجد فيه ابنوس و في كاربون واجد ما بين الكلاسيك و السبورت طبعا طاره خياجه مسله بتخليك متحكم فيها و متغطيه بالجلد الطبيعي و لايقه جدا مع الفضي الي جوه الطاره فيها تحكم في كل حاجه
طبعا ساشه ٧ بوصه في نصف الطابلوه جيه بطريقه انسيابيه محافظه علي شكل الطابلوه
شاشه في العدادات فيها كل حاجه وراسمه العربيه جرافيك بطريقه راوعه حصلي حاجه غريبه و انا راجع من الاسكنديه كنت بنام لقيتالعربيه نورت باللون الاحمر و كتبتلي take a break طبعا انا قلت انا بحلم ولا ايه صورتها لاكن للاسف الصوره مش معايا هنزلها ان شاء الله و هعمل عن الحوار دا موضوع
. الكراسي مريحه جدا جدا مبتحسش بالمشوار حتي لو طويل و في عز الحر ضهرق مبيعرقش مع انو جلد بس في نظام تهويه في الكراسي
شنطه كبيره بس لما بتشيل الستاره الخلفيه
شيفات في الطاره و دي كانت عجباني جدا و سريعه الاستجابه
كراسي قابله للطي
٥ راكب مرتاحين فيها
نيجي في الي معجبنيش جوه
كان نفسي الشاشه تكون داخليه و غير خارجيه لان لما تشوفها تحس انها بتتقفل و حد كان هيكسرهالي بالطريقه دي
تاني حاجه العربيه مريحه لاكن ديقه سنه للي راكب ورا انا مثلا بحب ارجع الكرسي اوي الي ورايا بيكون مدايق بس مس سيئه
تالت حاجه هي كمبرسر تكيف واحد مش اتنين هو انا محستش ان التكيف وحش بالعكس ساقع جدا ما شاءالله بس بردو
رابع حاجه الزراير بتاعت النور في النص حسيتها بتاعت لانوس مشزي الفئه e مثلا لاكن كويسه مش وحشه
غير كدا مفيش اي ملاحظات علي الصالون او المقصوره الداخليه فهي ممتازه جدا اديها بصفه عامه ٨.٥
خارجيا السياره لا غبار عليها الي في الشكل هي عجباني بس مبتعجبش ناس كتير هي ازواق عجبني الفونيس الخلفيه وعجبني رسمه الباب مديه انسيابيه بدون سوكه في الباب
نيجي في الموتور و الفتيس
هو موتور ٢٠٠٠ تيربو اول مشوفتها قلت اكيد ضعيفه اول مركبتها انبهرت من سرعه العربيه و سرهع الفتيس في السبع غيارات سرعه تجوف هي بتجيب ال١٠٠ في ٧ ثواني عن تجربه اللهو اعلم هي المعلن كام فيها نظام eco و دا موفر جدا جدا في البنزين فا انا سفرت بيها الاسكندريه رايح جي و لف جوه لتفويله ٩٢ و كان اداء السياره ممتاز
وفي نظام ال sport و دا بتحس فيه بصوت العربيه مع التيربو بتحس بقوه و عزم العربيه
الي معجبنيش موضوع الفتيس الي فالدريكسيون دا يمكن مش متعود
بصفه عامه اقل ما يقال عليها عربيه ممتازه و جميله جدا جدا جدا
الشاشه و رفاهيه عاليه جدا
العفشه
العفشه روعه لاكن الجنط ال ١٨ بس هو الي مخلي فيه دبه في المطبات
خامات الكونسول جميله جدا نضيفه الي الحته بتاعت النور الي فالنص دي
العدادات روعه
في اخر الموضوع انا تعبت فيه و دا اول تقرير ليا و يا رب اكون قدرت اني افيدكو