محمد حسان يفتى بحرمة شهادات قناة سويس

**swimmer25** · 09-09-2014 03:14 PM

الموضوع بسيط ونسيبنا من محمد حسان وغيره
هي مش الفائدة هي الربا وخصوصا لما تكون ثابتة
يعني بغض النظر المشروع بينجح اوي بيخسر او بيكسب اكتر او اقل من المبلغ المتفق عليه في الفائدة...البنك أو شهادة الإستثمار هتديني نفس نسبة الفائدة

بالظبط زي ما أخد من حد فلوس ويقولي بدل ال 100 ترجع 120..دا ربا
دا غير إن مثلا واحد صاحبي بيعمل مشروع وأقوله أنا هشترك معاك بنسبة في المشروع وفي نهاية السنة يتحسب التكاليف والدخل ويتقسم الربح بنسبة الفلوس اللي إتدفعت من كل شخص ولو فيه خسارة بتطبق علي كل شخص بنفس النسبة...ده إستثمار

**Hossam_Hassan** · 09-09-2014 03:38 PM

هو لسه فى حد بيصدق اللى زى حسان و الحوينى و امثالهم؟

**swimmer25** · 09-09-2014 03:44 PM

المشاركة الأصلية كتبت بواسطة trise2

لا يا باشا كلامك غلط
فيه حاجه اسمها تضخم ( يعني الفلوس قيمتها بتقل ..لبسطاء التعليم ) بعد الفايده دي يدوب هتبقي بتاخد قيمة فلوسك الحقيقيه ان لم يكن اقل

أه يعني تاخد ال 100 - 120 عشان التضخم مش فايدة يعني
دا كلام جديد دا مسمعتش بجوازه في اي فتوى في حياتي فياريت لو توثق كلامك

أي زيادة في المال في القرض هو ربا بغض النظر عن قيمة هذا المال الأن أو بعد حين

الكلام دا في السلع جائز لأنه تجارة ومش شرط عشان التضخم
ممكن اروح معرض وأختار غسالة مثلا ب 2000 جنيه
وأطلب من المعرض يحسبهالي قسط..فيقولي الغسالة لو قسط تبقى ب 3000 جنيه وتدفعه بعد 3 سنوات كل سنة 1000 جنيه...ولكن بدون غرامات تاخير والكلام الفاضي دا...زي ما اتفقت زي ما تدفع

لكن الدين او القرض في المال يكون برقم المبلغ وليس قيمته
والله أعلم

**abdulkhaleq** · 09-09-2014 03:52 PM

المشاركة الأصلية كتبت بواسطة الفجر

لمن يكذب الخبر ولا اعرف فى عالم النت وجوجل كيف تسطيع ان تكذب فى خبر موثق!!

اللينك اهوة ولا اعرف هل الادارة تسمح بكدة ام لا؟؟

بالفيديو «محمد حسان»: شهادات الإستثمار ربا محرم ولن نقول إلا مايرضي الله - أخبار ليل ونهار

فعلا مشكله
في عالم النت وجوجل اصبحت هذه الوسائل متاحه للجميع
فالبعض لايستطيع التثبت من صحة خبر من عدمه

موقع خبرك اسمه (توصيله)
العنوان فيه كلام منسوب للشيخ

والفيديوهات واحد من 2011 والتاني من 2010 !!!!!!!!!!!

وكل اللي استفدناه من موضوعك
ذنوب الكذب
وذنوب السباب اللي الشباب قالوها عنه

الف مبروك

**#MAAM#** · 09-09-2014 04:01 PM

أنا مش عارف ليه حضرتك يا صاحب الموضوع تضع هذه المواضيع

http://www.nilemotors.net/Nile/439606-a.html

http://www.nilemotors.net/Nile/438219-1.html

http://www.nilemotors.net/Nile/433229-a.html

http://www.nilemotors.net/Nile/432998-a.html

http://www.nilemotors.net/Nile/423646-a.html

http://www.nilemotors.net/Nile/420359-a.html

دائما الاخ صاحب الموضوع يطرح مثل هذه المواضيع التي لا فائدة منها سوى الجدال الفكري العقيم الذي لافائدة منه غير التشاحن بين الناس

**الفجر** · 09-09-2014 04:04 PM

المشاركة الأصلية كتبت بواسطة abdulkhaleq

فعلا مشكله
في عالم النت وجوجل اصبحت هذه الوسائل متاحه للجميع
فالبعض لايستطيع التثبت من صحة خبر من عدمه

موقع خبرك اسمه (توصيله)
العنوان فيه كلام منسوب للشيخ

والفيديوهات واحد من 2011 والتاني من 2010 !!!!!!!!!!!

وكل اللي استفدناه من موضوعك
ذنوب الكذب
وذنوب السباب اللي الشباب قالوها عنه

الف مبروك

للفيديو القديم المضاف للموضوع للاستشهاد براى الشيخ السابق فى شهادات الاستثمار عموما وليس شهادات قناة السويس فقط

واما الخبر الحديث هو تعليق الشيخ حسان على شهادات الاستثمار قناة السويس كتابة وليس فيديو !!

والخبر منتشر فى اكتر من موقع اخبارى وابحث بنفسك !!!

**الفجر** · 09-09-2014 04:26 PM

الخبر ايضا على جريدة كل المصريين والجريدة ليست لها اتجاهات سياسية واضحة ولا اعرف سر تحول الموضوع الى موضوع سياسى !!!!! رغم انى فى الاصل اسال على فتوى دينية لانى بالفعل كنت انوى انى احول فلوسى من البنك الحكومى الى البنك الحكومى الاخر لشهادات قناة سويس لفؤائد اعلى كما يفعل اغلب المصريين الان والصفوف بطوابير الان

واخيرا ملحوظة اخيرة وهامة جدا .............. انى لا احترم فتاوى اى شيخ خصوصا فتاوى الشيخ حسان وفتاوى الازهر ولكنى ابحث عن صحة الفتوى من عدمها نفسها فى نقاش راقى معكم لانة حديث الساعة بطبع

“محمد حسان” شهادات استثمار مشروع قناة السويس تعتبر ربا محرم..و“لن نقول إلا مايرضي الله ورسوله"