الموضوع: هل انا كدا ساكت عن الحق ولا الصمت افضل

أنا متوقف عند موضوع الحبوب دي أكتر
حاول تعرف نوعها إيه لإن دي مصيبة أكبر
السرقة تهون قدام المصيبة التانية
واللي بياخد منه إيه عقولهم ممسوحة خالص ؟
أنا شايف إنك تحاول توصل لعينة من الحبوب ولو تبين إنها من المخدرات ودا إحتمال كبير
تبلغ فورًا

المشاركة الأصلية كتبت بواسطة احمد المصرى

وصلنى المعنى ال بين السطور وطبعا مش هعرف ادافع عن نفسى لانك ولا تعرفنى ولا اعرفك يبق نسيب الجزئيه دى لله هو ال مطلع عليها وربنا هو العدل بين كل الناس



بس ال اعاتب حضرتك فيه .... معنى كلامك ان حضرتك لو شفت حرامى بيسرق شقه جارك هتقول وانا مالى اعتقد نفس التشابه بين الحالتين مع اختلاف طبيعه الموقف

ال بيخلينى اتنرفز هو الجهر بالسرقه يعنى لو محدش يعرف هو حر فى نفسه بس بيتباها بيها كمان دى ال جديده بصراحه


اخيرا الراجل دا بعيد عنى اساسا مش قريب وذى ما قلتلك الله مطلع

حضرتك قلت انة بعيد عنك اساسا وف نفس الوقت حضرتك بتقولى لو شفت حرامى بيسرق جارى حسكت !!!
حضرتك هنا اللبس
لو جارى (شخص يهمنى امره ) اكيد مش حسكت وحقلب الدنيا دة طبيعى علشان كدة سالتك عن قربك او علاقتك بالشخص دة ومعرفش يمكن حضرتك بتشتغل ف كارفور وف الحاله دى معاك كل الحق اكيد
بالنسبه للجهر عموما
ابسط حاجة وحضرتك سايق لما بتشوف سواق ميكروباص جاى مخالف ولا بيكسر اشاره وحضرتك مخدتش نمرته وروحت بلغت لو بنفس منطقك فمصر كلها واولهم حضرتك شيطان اخرس
انا عارف ان الموضوع مزعج وبعتذرلك ان كنت فهمت ما اى شىء بين سطورى عليه علامات تعجب بس انا شايف من وجهه نظرى اللى ملهاش اى قيمه ان الموضوع ملعبك ومش حلو لحضرتك وللطرف التانى ف حال انك اخدت اى اجراء . مش حتزعل لما يعرف ويشنع على حضرتك ف الشغل كله انك اشتكيته او بلغت عنه مثلا علشان حضرتك (هوه حيقول انك محرووووق او متغاظ او ..... علشان هوه بيجيب العروض دى وانت مش عارف تعمل زيه ) ف الحاله دى انت مطالب انك تقنع كل واحد ف شغلك (على علاقه مباشرة وغير مباشره بيك) بنيتك . وفى الاخر اللى حيصدق واللى لاء واللى حيعود عليك وجع الدماغ وصاحبنا الراشى او الحرامى ولا حيفرق معاه دة لان من الاساس قابل انة ياكل بيته حرام على حد قوله وبيجاهر بيه .
ملحوظه تانيه ممكن تكون غائبه عن حضرتك
فى ناس كتير مريضه نفسيا وبيتباهوا بالفهلوه من باب انة يظهر انة مش عبيط او انة مش معاه فلوس
ممكن صاحبنا دة يبقى من النوعيه دى
يعنى معاه فلوس وف نفس الوقت مش عايز يعرف اللى حواليه ف الشغل ويبين اكتر انة فهلوى وصاااايع ويألف التاليفه دى
تحياتى ليك واسف مره تانيه
انا بفكر معاك بصوت عالى على ما ستؤول اليه الاحداث مش على المدى القصير

بافتراض انك متأكد تماما انه بيعمل كدة وبعد ما نصحته بالبعد عن الطريق ده يبقى تبلغ ادارة كارفور طبعا باللى بيحصل علشان لو معملتش كدة يبقى تهاون وسكوت عن الحق.
لو هتكلم ادارة كارفور من تليفون يبقى تستخدم خط تليفون غير تليفونك علشان ممكن يكونوا شلة ورقمك اللى اتصلت منه يتعرف للشلة دى وممكن يضايقوك
الله يوفقك لما فيه الخير