عرض للطباعة
السلام عليكم جميعا
انا قبل ما اكتب هنا قريت مواضيع كتير في القسم هنا و عجبتني افكار ناس كتير و معرفتهم و خبرتهم في نفس الوقت
انا في فكره عجيبه شويه في دماغي
هو ينفع الواحد يعدل عربيته يخليها 4wd او 4*4
انا بتكلم عن جولف 4 لان هي دي اللي بدور عليها حاليا عشان اشتريها و الفكره جت في دماغي قولت اشوف رأيكم ايه و ايه المزايا و العيوب لو ده ينفع
و طمع بقي بالمره حد من البرنسات هنا يقولي ايه الحاجات المتاحه لتظبيط الجولف 4 في مصر
طماع انا معلش :049:
االجولف اتومبيل صغير و المكنه بالعرض
كل اللي شوفتو 4x4 المكنه بالطول
ومحتاج ٢ دفرانسيه وعمودين كردان وفتيس فيه ترانسفير كايس
وصرر فيها لوك حسب part time او full time
ومحتاج دراع او سيليكتور كهربا لل 4x4
ابسط ترتيبه شوفتها ف subaru imperiza ودي AWD
فتيس سبيشيال بيطلع كبالن للعجل الامامي وعلي كردان خلفي لكرونه وتعليق مستقل
اعرف ناس ركبت موتور سوبارو علي خنفسه
مشروع حلو فيه شغل بس العربيه هتبا كاستم بيلت
متابع
انا اللي عرفته لما دورت انه بيخلي عزم الموتور يقل عشان قوة الموتور متوزعه علي 4 مش 2 و كمان بيبقي فيه استهلاكيه اعلي للبنزين و هو كويس للطرق الوعره و دي مش موجود منها في مصر يعني تقريبا اللي هيعمل التعديل ده مش هيفيده هو ممكن يبقي منظره
و بيقولوا ان احسن نضام اللي هو ال fwd اللي هو الامامي لانه موفر للبنزين و بيخلي التحكم في الملفات افضل
الكلام ده علمي و مشروح علي مواقع كبيره بالانجلش
بس اللي انا مستغربله ازاي و البي ام خلفي و بيتفاخروا بده و الناس بتقول ان الخلفي بيدي ثبات اكبر في الملفات و السوبارو مثلا awd و هي فعلا بيقولوا انها بتاكل بنزين زياده شويه بس العربيه قويه و مش ضعيفه خالص خصوصا علي المواتير الكبيره اللي بتنزل بره
ايه رأيكم ف الكلام ده