عرض للطباعة
من 4 شهور عملت عملية ظفر غائر في مستشفى ب 6أكتوبر مع جراح مدرس بطب القصر العيني
أنا لما شفت العملية دي بتتعمل ازاي على النت عرفت إن العملية متعملتش كويس
وواضح إن الدكتور أول مرة يعمل العملية دي تقريبا مع انه حراج ناس كتير بتشكر فيه
علشان كده بعد شهرين ونصف رجع الظفر تاني وعمل التهاب وورم ووجع قلب في النوم ومش بقدر البس اي حاجة في رجلي فبضطر اروح الشغل بشبشب
لو حد عمل العملية دي قبل كده عند جراح كويس يقولي ربنا يخليه
في أي مكان كم الاماكن دي:
أكتوبر - الهرم - فيصل - وسط البلد - المهندسين - الدقي
اولا شفاك الله وعافاك
ثانيا انا عملتها تلات او اربع مرات خلال ١٩ سنه
وفي الاخر بطلت عمليات واشتريت طقم عبارة عن مقص معووج الطرف وكناشة كده زي قصافة الكهربا وقصافه عاديه وكل اسبوعين تلاته اقص الاظفر من الحكجانب الداخلي بالكامل واحط بيتادين ومرهم فيوسيدين لان الموضوع ده حله بازالة الاظفر بالكامل والكي وده مؤلم طبعا وهتقعد شهرين في البيت
لو عايز جراح محترم قوي ومش بتاع شغل يعني هيقولك تعمل ولا متعملش
الدكتور اشرف محسن في عباس العقاد بجوار عمارة شارب
بالنسبة لشيل الظفر بالكامل والله أنا معنديش مانع بس في دكتور قال إنه ممكن يطلع تاني
لأن الموضوع لو خليه واحدة فضلت موجودة هيرجع تاني
كمان أنا شكل صباع رجلي مشوه تماما وكمان مؤلم لو أي لمسه جات ناحيته
على العموم .. شكرا على الرد وإهتمامك وجزاك الله خيرا شفاك الله وعافك من كل سوء