شكلهم بوظوا الفرامل فى التوكيل و لا إيه رأيكم ؟؟؟
السادة الافاضل
السلام عليكم ... نبتدى القصة من الاول علشان تبقوا معايا فى الصورة .. تمام
أنا معايا ياريس سيدان ال1500 الجديدة حاليا عاملة 1700 كيلو تقريبا
فى صيانة الالف طلبت منهم يبصوا على فرامل اليد علشان حاسس ان البوش بتاعها عايز يتظبط
و للعلم الفرامل كانت ممتازة و الدواسة تحت رجلك بالمسطرة و زى الفل بس زى ما قولت لما بتشد الهاند بريك بتاخد مسافة طويلة و تكات كتير علشان تمسك ... المهم
بعد ما استلمت العربية لقيت الهاند بريك على الشعرة يعنى يدوب بس تشدها .. المهم خدت العربية و انا خارج من التوكيل فى محرم بك كان فى تصليح فى الشارع المهم بهدى شوية الاقى العربية كلبشت
فى الارض زى ماكون دايس فرامل للأخر الحمد لله ما كانش حد جاى ورايا كان خبطنى
قولت يمكن علشان لسه ماتعودتش عليها بعد الرجلشة و كمان مشوارين و لا حاجة و تتظبط !!
روحت البيت و بعدها بكام يوم جاى من سموحة بعدى المزلقان على السريع بدوس فرامل علشان اهدى لقيت الدواسة بتنزل لتحت و الفرامل ما بتمسكش كويس و بتاخد و قت المهم كلمت التوكيل
تانى و حجزت و روحت قابلنى مهندس محترم جرب العربية و قالى فعلا الفرامل مشدودة زيادة عن اللزوم و هاظبطها و عندك حق و الكلام ده ... بعدها استلمت العربية و طلعت جربتها و كانت تمام مافيش يومين و الفرامل بقت أسوأ مرة تكلبش فى الارض و مرة تدوس للاخر علشان تقف
امبارح كنت هادخل فى عربية قدامى بسبب الحركة دى عايز اروحلهم بس حاسس انهم مش فاهمين فى الصيانة كويس و ان الموجودين خبراتهم ضعيفة جدا ..
و برضه لو روحت لحد بره ممكن اخرج من الضمان ...
السؤال .... لو فى عيب تصنيع أعرفه إزاى ؟؟؟؟
و ممكن يكون العيب ده فى الماستر و لا حاجة تانية ؟؟
و لو كانوا همة اللى بوظوا الفرامل مش ممكن طبعا هايقولوا .. و فى الحالة دى أعمل ايه ؟؟
و شكرا لردودكم مقدما .. و الله انا مستخسر العربية فى التوكيل ده .. ما شاء الله العربية حلوة
و حاسس انه هايخربوها و الله