مرور القليوبية بالنسبة لمرور النزهة مراحيض عامة

**AHMED12345678** · 11-09-2014 09:19 PM

المشاركة الأصلية كتبت بواسطة أبو يوسف

الغريب بقى انى اشتريت ورق الفحص من شباك المرور بـ 25 جنيه
وواحد تانى شارى نفس الورق بـ 15 جنيه
ولا الرشوة هناك عينى عينك والله العظيم قصاد عينى الموظفة منزله حبل فى شنطه
من الدور الثانى فى المرور وواحد بيحطلها الورق وهى بيتقوله حط مع الورق 50 جنيه
قالها مش كتير قالتله لأ مش كتير لو كتير روح اقف على الشباك
ودفع الراجل الـ 50 جنيه

حسبنا الله ونعم الوكيل فى من يستحل أموال الناس بالباطل والحرام والسرقة والرشوة
هى النوعيات دى مبتخافش من الاخرة وحساب ربنا
معندهومش عيال خايفين عليهم من المال الحرام
الله عز وجل هو المنتقم الجبار يمهل ولا يهمل

**AHMED12345678** · 11-09-2014 09:23 PM

على فكرة عندنا فى قسم مرور منيا القمح بمحافظة الشرقية عاملين تجديدات وحاجات فخمة وتكييفات ومراوح
وحبشتكانات وسماعات وكمبيوترات ومعرفش أية وأبصر أيه
وفى الاخر الخدمة برده زى الزفت والناس برده بيلطعوها على الشبابيك والخزنه
والاسم بس مرور مطور
ومطور شكليا فقط دون اى تقدم فى الخدمة المقدمة للناس
عامل كده زى المدرسة النموذجية والشهر العقارى النموذجى وكل حاجة نموذجية فى البلد والخدمه لا علاقه لها بالاخت نموذجية

**gade2** · 13-09-2014 01:17 PM

امتى بقى كل حاجه تبقى اليكترونى يعنى اروح افحص بس وكل قرش يبقى من خلال ماكينه او الانترنت

**S O P H O S** · 22-09-2014 05:40 AM

فرق مرور يا باشا طبعا
وفي الاحسن من النزهة كمان

**exelence** · 22-09-2014 09:32 AM

انا ان شاء الل هاعمل المشوار ده يا ابو يوسف بالظبط لانى هانقل ملكية عربية من النزهة لشبرا الخيمة بردوا ربنا معايا بس هو ما ينفعش اعمل اى طريقة و تفضل تابعة لمرور النزهة

**د.محمود صلاح** · 22-09-2014 09:51 AM

مرور المنيا :- موظف واحد للملاكي وموظف واحد للموتوسيكل وواحد للاجرة >> كل موظف امامه ما لا يقل عن 20 شخص طوال فترة العمل

فحص السيارة طابور طويل جدا وهذا الاجراء ياخدله من يوم الى يومين

الاستعلام الامني ايضا يوم كامل بحاله من شدة الزحام