كنت فاتح صفحه كيا مصر علي الفيس بوك وكان فيه واحد بيسال علي الفوانيس الليدات فرد عليه ادمن صفحه كيا موتورز مصر
سعر الفانوس الامامى (ليد) تقريبا 6500 جنيه
سعر الفانوس الخلفى (ليد) تقريبا 5250 جنيه
ايه الكلام ده ؟ امال اسعر قطع الغيار ايه؟
عرض للطباعة
كنت فاتح صفحه كيا مصر علي الفيس بوك وكان فيه واحد بيسال علي الفوانيس الليدات فرد عليه ادمن صفحه كيا موتورز مصر
سعر الفانوس الامامى (ليد) تقريبا 6500 جنيه
سعر الفانوس الخلفى (ليد) تقريبا 5250 جنيه
ايه الكلام ده ؟ امال اسعر قطع الغيار ايه؟
ايوه بسعر فوانيس اليد تجيب فيات 128 بس انا كان الفانوس اليد بتاع الشنطه مش بتاع الرفرف قالي 2000 يعني الجنب الواحد 4000 رحت الحرفين جبته 650 هو مش غالي التوكيل بس الي بيستهبل مش اكتر
انا اظن ان السعر المبالغ فيه ده مقصود
و السبب بسيط، علشان يحافظ على سعر و بيع الهاي لاين بتاعتو.
تخيل لو الاربع فوانيس ب 3500 او حتى 4000 كمية الناس اللي ممكن تجيب فئة اقل وتغير طقم الفوانيس
انا اصلا من الاسباب اللي حببتني جدا في شكل السيراتو هي الفوانيس الليدات الخلفية
الفونيس هي اكتر حاجة ملحوظة من على بعد تميز الهاي لينز (الجنوط من الجنب فقط، فتحة السقف هتشوفها و انت واقف على رجلك غالبا مش و انت في عربية تانية
هو ينفع يبقى معايا فئة اقل .. واغير الفانوس واركب الفانوس الليد؟ هل ده ممكن؟
سعر الفانوس الخلفي شنطه ورفرف 5750 أنا كنت لسه فى أبورواش وسألت وأتصدمت
كنت بفكر اغير الفوانيس العادي وأجيب ليدات والأمامي تمام 6500
قولت اجيب من السعوديه وسألت فى التوكيل هناك
برده بحوالي 2500 ريال ( يعني هيا هيا )
انا كنت هجيب السيراتو خلاص لأنها كعربيه كويسه والناس بتشكر فيها بس بصراحه لما عرفت وقت الشراء ثمن الفوانيس أنسحبت بهدوء وقل يعني لو بتاع موتسيكل بس ريح علي فانوس هدفع 6500 جم زي الباشا وطبعا المعلم هيكون ولا عنده اي إندهاشة
الفانوس ينقسم الي جز ئين واحد في الشنطه وجزي في الرفرف سعر الجزى الواحد جديد من محلات كيا في شارع مرسيد س كان 1200 وانا جمبته استيراد علي 650 بعد فيصال من 800 بس الصراحه معرفش اسمه انا شارع المرسيدس كان امامي خت جمين ومشيت طوالي هو محل ليه نزله بسلم طويل لتحت واعظروني اني مش حافظ الحرفين غير لما اكون فيها اصلي من المنوفيه فمش حافظها قوي
متابع
طيب مينفعش نركب ليدات فى المكان الفاضى للفانوس فى الفئة العادية ؟ افتكر يوما ما هيكون فى حل للموضوع دا .. بس هيطلع الضفيرة من الضمان وش
فوانيس السيراتو ممكن يبقي تركبها صعب عشان ال drl او الاضاءة النهارية
بتحتاج تغير زرار او تزود وصلة في الضفيرة
الحل الاسهل والالطف والاجمل انك تركب فوانيس ليد برضوا plug & play شكل مختلف .. اسعارهم للجوز مش حتعدى ال 3000 جنية من غير الاضاءة النهارية اللى ملهاش لازمة اصلا !
ذى دول مثلا
http://nileup.com/up/uploads/nilemotors_14104484211.jpg
http://nileup.com/up/uploads/nilemotors_14104484212.jpg
http://nileup.com/up/uploads/nilemotors_14104484213.jpg
اليد الخلفي هيحتاج لعب في الضفيره لانهم عباره عن فيشتين كبار شبيه بالي بتتوصل بكمبوتر العربيه وعلي العكس الاضاءه النهاريه مهمه وغير شكلها الجمالي وعايز تعرف مهمه ازاي شوف وانتا ماشي في الطريق ويكون فيه عربيه فيها اضءه نهاريه وبص في المرايه شوف انهي هتكون اوضح في المرايه وملفته لانتباه اكتر
يا جماعة كلامكم جميل بس عايزين فوانيس ليد بردو هههههههه
كان فى واحد هنا فى المنتدى عامل اعلان عن شغل بيعملوا فى الفوانيس و المرايات اسمه باسم طه من المنصورة
انا ركبت عنده اشارات فى المرايات فى عربيتى السابقة
شغله ممتاز و انسان محترم
و مش هتقدر تعرف انهم معمولين يدويا
ممكن تلاقيه فى قسم الاكسسوارات
و لو عايز تكون فى السليم هاتلك فنوسين صينى جرب فيهم
هما الفوانيس الصيني بكام