بولونيز

**amruzo** · 24-10-2008 03:48 AM

ياريت من خبراء التعديل من غير تريقه لانى بحب عربيتى جدا بس ايه اوجه التعديل المتاحه فى البولونيزوفين ومن غير تحديد تتكلف اد ايه تقريبا وشكرا

**mrghost** · 24-10-2008 08:02 AM

هى اولا عربيه محترمه بكل المقاييس موتور وصاج وعفشه بس ممكن توضح هتعدل الشكل ولا الاداء؟
لو الشكل تركب كساحه اماميه فى الحرفيين بس متكونش كبيره علشان متبوظش شكل العربيه وكذلك واحده فى الاكصدام الخلفى وتلغى الفوانيس الخلفيه خالص وتعمل التعديل اللى فى الصوره ده

وبالنسبه للاداء اولا تركب كاوتش عريض وجنوط عريضه علشان تزود ثبات العربيه وتركب صب وكام سماعه وجى ام
وطبعا فى حاجات كتير ممكن تتعمل وبالتوفيق

**amruzo** · 24-10-2008 12:18 PM

بالنسبه للجنوط انا مركب 14 وكاوتش معقول والسماعات والجى ام راكبين برضه انا بتكلم بالنسبه لاداء الموتور الصالون مش حابب موضوع الكساحات

**a_hashad** · 24-10-2008 06:10 PM

hi amurozo
check out this link and , it's a polish forum specially the one added by me (Hashad)

http://www.fsoptk.pl/forum2/viewforum.php?f=21

feel free to ask any thing , but please be specific
hope you'll find what you looking at!
yours
hashad

**OZYDREAMS** · 24-10-2008 07:41 PM

هى لو العربيه ايه ؟؟

**noni67** · 25-10-2008 08:38 AM

دى بعض التعديلات للجسم والصالون اتمنى تعجبك

**Ahmed_Elkhateb** · 26-10-2008 12:33 PM

يا جماعه سبحان الله البولنيز ديه مش عارف ليه مش بيليق عليها اى حاجه ليييييييييييه عامة انت اهم حاجه تسأطها شويا علشان العربيه ديه عاليه اووووووى مع الجنوط الشكل هيبقى تحقه مع اكصدمات عموله قدام وورا وتلعف فى الفانوس اللى ورا على اد ما تقدر والفانوس اللى قدام هتخليهم اربعه مدورين فانوسين كبار مدورين واتنين صغيرين وادهن العربيه كلها شكل وااااااااحد بالنسبه للمتور انت ممكن تسقطلها متور احسن مع انى مش بحبز حكاية التسيقيط ديه والعفشه طبعه هتها كونى بالسوست بتعتها وربنا يوفقك يا حوبى

**amruzo** · 29-10-2008 12:17 AM

اولا العربيه لونها بيج وشكرا على السايد بتاع البولو نيز اول مره احس انها عربيه

**a_hashad** · 15-12-2008 04:53 PM

على فكره ممكن تلاقى صور كتير على النت ابحث على Google و هتلاقى حاجات كتير اما بالنسبه للمواتير ممكن تسقط المواتير الاتيه :
1- فيات 132 1800و2000
2- فيات 131 2000 فلوموكس
3- روفر 1400 K-Type أو 2000 M-Type بس ده مشكلته الحراره بس هورس باور معدى 160HP و الـ K-Type 140 HP و تركيبه اسهل و موجود الـ 2000 فى عزبه شلبى بالمطريه و يخلص على 1500 جنيه
بالنسبه لمواتير الفيات لا تحتاج الى تعديل كبير فقط مكان عصايه الفتيس يتفتح علشان الفتيس ارضى موش زى البولونيز بميل و يركب عمود الكردان الجزء الأمامى فيات و الخلفى بولونيز
بالنسبه للشكل انا افضل ان احافظ على نفس شكلها مع تحديد سوك الصاج و دهان كويس و تهبيط موش كتير

**Bubbles** · 15-12-2008 05:17 PM

عندي مشكله في الكرونه ,,,بتون جامد ,, بولونيز89
يصراحه انا بحب البولو و ناوي أزبطها ن سعرها نازل قوي في السوق ف بفكر اسقطلها موتور 131 و كرونه
هل في أي مشاكل او تعديل ميكانيكا حيتعمل و لا مجرد شيل و حط؟؟
شكرا