الموضوع: مواتير الكوري عمرات ولا استيراد ( شورت بلوك )

السلام عليكم ورحمه الله وبركاته

سمعت كتير اقوال من اي حد ان بالنسبة للكوري مفيش حد بيعمر مواتير وانها مش بتعيش و جيب شورت بلوك وركب وامشي
فهل الكلام ده استسهال من الصنايعية لتوفير وقت ومجهود عليهم و برضه كسبان كسبان
ولا لقله خبره الصنايعية ونتائج العمرات مش مضمونه مع اي صنايعي

عن رأيي مقتنع باني ليه استبدل حاجه مهمه بحاجه فيها شك في عمرها الافتراضي بمعنى ان الشورت بلوك او القطعه الاستيراد ايه المانع انها تفضل شغاله كويس لحد ما فتره التجربة ما تخلص وبعد كده تظهر عيوب فيها

ليه مش نعمل صيانه للموتور القديم ونستبدل الاجزاء المتهالكه باجزاء جديده ونشوف الاجزاء المتطلب استبدالها بالمره بمعنى ناخد موتور جديد جوه بلوك قديم ( مع مراعاه اختيار قطع الغيار مثلا اغلبها من الموزعين المعتمدين او التوكيل )

حد له تجارب مع عمرات الكوري ؟؟ وعاشت معاه؟؟

طبعا العمره افضل بس المهم
1- ميكانيكي فاهم
2- خراط بلوك فاهم وبيشتغل فى البلوك بس
3- خراط بيشتغل في وش سلندر فقط
4- وتكون واقف علي ايد الميكانيكى
واهم حاجه ما تسترخص