مشكلة في وصلات خراطيم تانك البنزين - سيفيك 92
السلام عليكم .. ازيكم يا هونداوية
انا اشتريت عربية سيفيك 92 بس فيها حبة مشاكل في توصيلات الخراطيم اللي جاية من التانك ..
1 - خرطوم البنزين وده واصل بطرمبة كهربا (لان الطرمبة الميكانيكا ملغية لان الموتور متغير)
2 - خرطوم الراجع وده ملغي لان طرمبة الكهربا مافيهاش راجع (بتاخد من التانك للكاربيراتير بدون راجع)
3- خرطوم بخار البنزين وده واصل بعلبة تقريبا اسمها كانيستر .. بس الخرج بتاع العلبة دي مش واصل بالكاربيراتير لانه برضه متغير ومافيهوش مكان لسحب بخار البنزين من العلبة (يعني الخرج بتاع العلبة دي يعتبر مفتوح)
حاسس ان الدنيا متلخبطة مع ملاحظة استهلاك بنزين زيادة ومش عارف اعمل ايه في رقم 2 و 3 دول ؟؟؟؟
حد عنده اقتراحات؟
