المشاركة الأصلية كتبت بواسطة sala7
مافيش حاجه اسمها اعمل عمره كدا على طول
اولا : عربيتك و هي دايره و لو فتحت غطا تبديل الزيت ( بترطش زيت) ؟؟
ثانيا : هل بتاكل زيت بسرعه ؟؟ و لا بتاكل مثلا ١/٤ كيلو كل ١٠٠٠ كم ولا اد ايه ؟؟؟
ثالثا : فيه دخنه زقاء باستمرار و لا عند الشد و الجري بس ؟؟ هتقول هنعرف ازاي ان فيه دخنه زرقا و انا بجري ؟!
سيادتك هتقف ممور كدا في النهار و حد يدوسلك بنزين مستمر لمده ٥ دقايق على 3 rpm في الاول مش هيطلع دخنه لكن بعد الدقيق ٢ تقريبا لو عندك low compression الدخنه الزرقا هتبتدي تطلع خفيف و بعد كدا هتشد .
طيب امتى نقول ابدل ماكينه و اريح بالي ؟
الاجابه لما نفك القديمه الاول و نشوف الاتي :
١- الشميز معتب و لا لا .
٢- الغوايش بقت مسسنة الحواف ولا لا .
٣ - الشميز متعرج السطح ولا لا .
لاااااازم تتفتح الاول و نشوفها من جوه عامله ازاي
الشميز معتب و متعرج ( ارمي المكنه في اقرب حفره) حتى المخرطه مش هتعرف تجيب الخلوص مظبوط هيطلع متعرج بردوا
مع كامل احترامي للخراطين .. كتير خرطوا و فشلوا في الالماني
كما ان المواتير الالمانيه لا يصلح معها غير البستون و الرنج الاستاندرد .. حد بقا يفتيلك و يقولك نفرز على 0.5mm و الكلام الفاضي ده كله ماياكلش
ده مختصر الكلام
لكن عند اخذ القرار للتصليح
لابد من عمل خطواط مهمه جدا علشان نرجع الموتور لحالته القريبه من الحاله الاصليه
على فكره مواتير الالماني روحها طوووووويله اوي
و ان شاء الله هعمل موضوع طويل عريض عن عمره المواتير الالمانيه زي مقال كتاب فولكس