الموضوع: عملت 3 حوادث في يوم واحد , ايه اللي بيجري علي الطرق ؟؟

المشاركة الأصلية كتبت بواسطة دموع الثلج

انا فى دماااااغى سؤال من زمان مش لاقيه له اجابه

ما هى فائده الاشارات (( اليمين والشمال ))

v

V

V

V

V

V

V

الاجابه ان ملهمش فائده طبعا ااااااااا

والسواقه هنا بالدراع بدليل انك لو اديت اشاره يمين او شمال اللى وراك يعمل عبيط واعمى وفجاءه يزود السرعه ومتعرفش تعدى غير لما تطلع له دراعك وراسك وفاضل تطلع له رجليك من الشباك عشان يسمحلك بالانتقال من حاره لحاره او الدخول ليوتيرن

لا طبعا ليهم فايدة

اولا انك متفاجئش حد ان سعاتك داخل يمين او شمال


ثانيا فى اعتقاد خاطئ عند 90% من سائقى مصر ان طالما انا اديت اشارة يبقى انا خلاص هعدى اتصرف انت بقى و الحق نفسك......لكن الصح مش كدة خالص المفروض هى مجرد تنبيه او تحذير لحد متيجيلى فرصة و اغير فيها مسارى

المشاركة الأصلية كتبت بواسطة SE_coralsea

صباح الخير ..

بالامس قضيت يوم عصيب , كنت مسافر الي الاسكندرية في عمل و رجعت في نفس اليوم

بصراحة حصلتلي 3 حوادث في يوم واحد , نعم ياسادة 3 حوادث

الحمد لله جت سليمة و الحوادث كلها لم تسبب تلفيات بالسيارة بس أعصابي بصراحة باااااظت

في الصباح تحركت في السادسة و النصف من البيت الي الاسكندرية عن طريق السويس - الطريق الدائري - طريق الاسكندرية , و في منتصف الطريق الدائري كان هناك زحام شديد و بينما كنت احاول التغيير من الحارة الوسطي الي الحارة الشمال (و طبعا عاطي اشارة) اذا بأتوبيس في الشمال يحتك بالرفرف الخلفي شمال توقفت و نزلت للاطمئنان علي السيارة لكن الحمد لله لم يحدث شئ سوي اثار من البوية قمت بازالتها بعد ذلك اثناء الرست في الطريق الصحراوي

و علي الطريق الي الاسكندرية (حوالي 50 كم) و بينما كنت في الحارة الوسطي بسرعة 120 كم/ساعة, اذا بميكروباص امامي في الحارة الشمال ينحرف الي اقصي اليمين و بدون ـي سابق انذار لمجرد انه لمح 2 ركاب اراد ان يتوقف لأخذهما , طبعا دوست فرامل و انحرفت الي جهة اليسار لمفاداة الميكروباص الغير عابئ بالسيارات التي خلفه لمجرد انه رأي 2 جنيه علي الطريق أراد التقاطهما

المهم أثناء العودة و علي الطريق الدائري الذي كانت حركة السير عليه شبه متوقفة , كانت هناك سيارة 127 تحاول الخروج من الحارة التي علي يميني و بصراحة وجدت سائقها في منتهي الذوق و الادب ( اشارة شمال - طلب مني الافساح له بادب شديد) فبدأت اتجه انا ايضا جهة اليسار بحذر و عندما كانت سيارتي في منتصف الحارة اليسري اذا بي اسمع صوت ارتطام بالباب الذي خلفي لاجد سيارة نصف نقل هذه المرة ملتصقة به المهم ايضا لم تحدث اية تلفيات سوي علامات من البوية اسفل الباب من اثر هذا الاحتكاك

الغريب يا حضرات ان هذا الموقف تكرر بعد ذلك ثلاث مرات مع سيارات مختلفة و لكن بدون احتكاك لكن احداها كادت السياراتان ان يقبلا بعضهما و علي سرعة عالية و طبعا كنت دائما استخدم الاشارات يمين أو شمال علي حسب الموقف أمامي لكن السيارات التي خلفي كانت لاتأبه لمثل هذه الاشارات

المهم وصلت الي البيت بعد ان قضيت يوم عصيب علي الطريق لمدة تزيد عن ال8 ساعات

بالله عليكم هل أخطأت في أي من هذه المواقف ؟ أم أن زمن الاشارات ولي مع القانون الجديد ؟

الناس فكرة الاشارات ده للمنظرة :k41: ملهاش فائدة يعنى

يا باشا حمدا لله على سلامتك

المشاركة الأصلية كتبت بواسطة دموع الثلج

انا فى دماااااغى سؤال من زمان مش لاقيه له اجابه


ما هى فائده الاشارات (( اليمين والشمال ))


الاجابه ان ملهمش فائده طبعا ااااااااا

والسواقه هنا بالدراع بدليل انك لو اديت اشاره يمين او شمال اللى وراك يعمل عبيط واعمى وفجاءه يزود السرعه ومتعرفش تعدى غير لما تطلع له دراعك وراسك وفاضل تطلع له رجليك من الشباك عشان يسمحلك بالانتقال من حاره لحاره او الدخول ليوتيرن

يا دموع الناس هنا بتعتبر إن الإشارات دى من قبيل التعبير عن مشاعر البهجة و الفرحة.
مش إنتى لما بتكونى سايقة فى مصر بتكونى برضه سعيدة و فرحانة و مبتهجة ؟؟

طول عمري بعطي اشاره علشان الف مثلا شمال مافيش حد بيسمحلي ابدا
شغل زراع