فى حد معرفة قال قدامى إن النترا موديل 2012 ( السنة ديه بالذات ) فيها مشاكل
هل الكلام ده مظبوط ؟
عرض للطباعة
فى حد معرفة قال قدامى إن النترا موديل 2012 ( السنة ديه بالذات ) فيها مشاكل
هل الكلام ده مظبوط ؟
مفيش فيها ايموبلزر لحد نص 2013
علبة دركسيون وورد كوبلن ومساعدين ورا ولو في الضمان بيتغيروا ببلاش
مع حضرك في علبة الدريكسيون كعيب شائع فيها .....بس انا غيرتها مره في فترة الضمان و كان شكلهم مستنيني اجي اول ما اتكلمت غيروهالي هههههههه غير كده بتبقي حاﻻت فرديه .انا داخل على 90 الف و الحمد لله مافيش مشاكل مع الصيانه الدورية كل 5000 وتغيير قطع الغيار اﻻصليه في مواعيدها اللي في كتالوج العربيه مش على حسب سرقة التوكيل !!!!
حسب معلوماتى كان فى مشكلة فى كفائة التكييف ، نتيجة وضعية هوايات التكييف فى التبلوة (كانت اسفل التبلوة تقريباً وبالتالى لم تكن فى مستوى الراكب) والمشكلة اتحلت اعتباراً من موديلات 2014 لانهم غيروا وضعية هوايات التكيف واصبحت فى مستوى الراكب.
اسرع عربيه تتسرق زي السيراتو 2010
الحرامي لو وقف ادامها وقال لها افتح يا سمسم هتلاقي السنتر فتح والكونتاكت دار كمان ولا اي اندهاش !!!
ما اقدرش اوافق حضرتك علي موضوع كفاءة التكييف ده :colsmil: دا موضوع قوة التبريد بتاعته و توزع الهواء في السياره هو من اميز الحاجات اللي في العربيه دي !!!!! انا بقول كده بعد استهلاك ثلاثة سنين ونص كلهم تقريبا التكيف شغال وما شاء الله لا قوة الا بالله لا مشاكل .....
وبالنسبه لموضوع ان ما فيهاش ايموبلايزر فعلا صحيح بس انا اتصرفت في الموضوعين الاتيين
httpwww.nilemotors.netNile353485-md.html
httpwww.nilemotors.netNile360968-md.html
حضرتك دي مش مشكلة دا عيب تصميم. والتكييف لما بيشتغل شوية خلاص مش فارق انت موجهه لفين
وعيب التصميم دا ان المكيف بيوجه على ايديك مش على وشك او جسمك وبالتالى علشان اخليه على وشي بضطر اسوق بايد واحدة والطرق هنا كلها سرعات :d
انما فى مشاكل فعلا فىالعفشة الخلفية وعلبة الدريكسيون الحمد لله علبه الدريكسيون عندي مفيهاش مشاكل من اسبوعين وانا فى صيانة ال 30 غيروالي قنطرة ومسامير ميزان وشوية مسامير كدا مش فاكرها والعربية فعلا فرقت بعدها كتير سواء فى الباور او فى تخبيط العفشة من قدام خصوصا لو الطريق مكسر
هى بس فيها عيب صغير مش هايضايقك
العربية بتتسرق فى ثوانى :biggrin:
أول ما العربية بتتطلع بيبقى فيها مشاكل زى الميجان 2005 و زى الفلوانس وزى الصنى وزى عربيات كتير يفضل أنك ما تشتريش العربية اللى الموديل لتاعها أول ما بتنزل العربية