العربية ما بتدورش غير لما الفيتيس يكون علي الوضع p أو الوضع n

السلام عليكم و رحمة الله
عندي عربية كيا برايد 2001 اتوماتيك , العربية ما بتدورش غير لما الفيتيس يكون علي الوضع p أو الوضع n
المشكلة بأه أنها أحيانا بتعلق و مدرضاش تدور لازم تقعد تحرك الفيتيس من أول الوضع 1 إلي الوضع p كذا مرة ( و أنت و حظك في عدد المررات )
هي المشكلة ده كهرباء و هل لازم أفك عصاية الفتيس
أنا بفكر أعمل زرار تشغيل في التابلوه هل ده يعتبر حل؟

ادا الصح انها مدورش غير ف p او n
عشان السيفتي و متخبطش حد
لو بتهيس ف الاتنين دولا , ترجلش او تغير
الانهبيتر سويتش راكب عىالفتيس

شكرا علي الد
هو إيه الانهبيتر سويتش ؟
هل فيه اسم تجاري ليه ؟

ماهو ده الطبيعي في اي عربيه
ايه المشكلة !

المشكلة أنها ساعات مبترضاش تدور و لا علي p و لا علي n
لازم تفضل تحرك الفتيس في كل الأوضاع كذا مرة علشان تلقت

https://www.google.com/url?sa=i&rct=...10613382648713

الموضوع ملهوش دعوة بالفتيس اوتوماتك المارش ضعيف تقريبا ومحتاج يتعمله كت اوت عند الكهربائى (كانت معايا نفس العربية وفيها نفس المشكلة وبتعمل صوت تكة بدل ماتدور)

المارش ضعيف ملهوش دعوةالفتيس اوتوماتك موضوع بسيط عند اى كهربائى

اقتباس:

---

المشاركة الأصلية كتبت بواسطة the_master848

الموضوع ملهوش دعوة بالفتيس اوتوماتك المارش ضعيف تقريبا ومحتاج يتعمله كت اوت عند الكهربائى (كانت معايا نفس العربية وفيها نفس المشكلة وبتعمل صوت تكة بدل ماتدور)

---

بلاش تفتى وتدى معلومه غلط

العربية عملتها معايا و وقفت تماما مرضتش تدور لا علي الوضع p او الوضع n
روحت لكهربائي و قولتلوا في ماكينة تحت عصايا الفتيس او علي الفتيس نفسه ، و هو شغال حسيت انه اول مرة يمشي ورا المشكلة ديه المهم لقيت فعلا الماكينة علي الفتيس و وخده من المرش قومت قولتله الغيها خالص انا لا عاوز اجيب جديدة او اصلحها لاحساسي ان فكها صعب و مش هلاقي جديد ، المهم فعلا لغاها و عربية بطلت تعلق بس بدور علي اي وضع و انا باه اللي اخد بالي قبل مادور ان الفتيس علي الوضع p

اقتباس:

---

المشاركة الأصلية كتبت بواسطة khaled_tec

العربية عملتها معايا و وقفت تماما مرضتش تدور لا علي الوضع p او الوضع n
روحت لكهربائي و قولتلوا في ماكينة تحت عصايا الفتيس او علي الفتيس نفسه ، و هو شغال حسيت انه اول مرة يمشي ورا المشكلة ديه المهم لقيت فعلا الماكينة علي الفتيس و وخده من المرش قومت قولتله الغيها خالص انا لا عاوز اجيب جديدة او اصلحها لاحساسي ان فكها صعب و مش هلاقي جديد ، المهم فعلا لغاها و عربية بطلت تعلق بس بدور علي اي وضع و انا باه اللي اخد بالي قبل مادور ان الفتيس علي الوضع p

---

يا تركب المفتاح تانى او تنتظر حادثه عن قريب لا قدر الله وبلاش شغل توكلنا على الله ده انت كده راكب قنبله موقوته معاكش فلوس ما تركبش عربيه

اقتباس:

---

المشاركة الأصلية كتبت بواسطة buhana

يا تركب المفتاح تانى او تنتظر حادثه عن قريب لا قدر الله وبلاش شغل توكلنا على الله ده انت كده راكب قنبله موقوته معاكش فلوس ما تركبش عربيه

---

لتنصح و تناقش باسلوب محترم او متكتبش حاجة

خلاص افتكر داييما قبل ماتدور تحطها في p
ودوس فرامل
السويش احيانا بيسيب من مكانه
عشان كدا بنرجلشه قبل ما يتغير خالص
ربنا يعينك

اقتباس:

---

المشاركة الأصلية كتبت بواسطة khaled_tec

لتنصح و تناقش باسلوب محترم او متكتبش حاجة

---

دا اسمه استهتار بارواح الناس ممكن ينسى ويدور العربيه ويموت واحد دا معناه استهتار واللى ودانا فى داهيه هو الاستهتار !!!!! ودا الرد الطبيعى للمستهتر وامثالك اللى بيمشوا عكس الاتجاه ويركنوا فى الممنوع طالما انت بتدافع عن واحد مستهتر

استهتار و عكس الاتجاه و يمشوا عكس الاتجاه و يموتوا واحد
متعملش كده في نفسك ،
افرض انا قلبتها مانوال و هتدور علي اي غيار في حد شريكي ؟

اقتباس:

---

المشاركة الأصلية كتبت بواسطة khaled_tec

استهتار و عكس الاتجاه و يمشوا عكس الاتجاه و يموتوا واحد
متعملش كده في نفسك ،
افرض انا قلبتها مانوال و هتدور علي اي غيار في حد شريكي ؟

---

القانون شريكك بس للاسف المسهترين كتير