الموضوع: سؤال علي الستيترونك

الاستيبترونيك مش زى المانيول

بس هو وسيلة للتحكم فى الفتيس الاتوماتيك يدويا مش الكترونيا

يعنى تنزلى بالجير بمزاجك علشان ال rpm يعلى وتأخذى عزم اكبر مفيد فى التسارع

وان كان الكنترول يونت بتاع الفتيس بيتدخل فى الوقت المناسب (لحماية المنظومة) بمعنى انك اذا كنت على الجير 3 مثلا وزودت السرعة حتى دخل الـRPM فى الريد زون مثلا ينقل الفتيس الكترونيا الى الجير 4 والعكس صحيح يعنى لو انت على الجير 4 وسرعة العربية نزلت لـ40 كم ينقل الفتيس الكترونيا الى الجير 3 (الاقل ) وهكذا

وكان فيه موضوع عن الفتيس الاستبترونيك بتسئل فيه نهى عن كيفية القيادة بالفتيس ده

وكان ردى عليها

حبيت اشارك فى الموضوع بس بعد ماجرب الوضع الرياضى (زى ماهو متسمى فى مانيول العربية) وطبقا لما هو مكتوب يمكن ان تذهب على الوضع الرياضى ( +/ -) فى اى وقت من النقطة D سواء العربية متوقفة او ماشية وجربته النهاردة وانا رايح الشغل كنت ماشى تقريبا على سرعة 80 كم ولما جبته على الوضع ( +/ -) كانت العربية واخدة الجير الرابع والار بى ام كان على 2100 لفة/د وحركت عاصية الفتيس فى اتجاه ( - ) العربية سقطت نقلة واصبحت على الجير التالت والار بم ام بقى عند 4000 لفة/د وجابت سرعة 125 كم من سرعة 80 فى ثوانى معدودة وفضلت ماشى بالشكل ده حوالى 5 دقائق والعربية مانقلتش للسرعة الاعلى (المانيول بيقول هتنقل للسرعة الاعلى اتوماتيكيا اذا تجاوزت الريد زون) وانا طبعا لم اتجاوزها ولما بطئت السرعة حتى 40 كم العربية نزلت على الجير التانى اتوماتكيا .... بس خلاص ورجعت على الـ D تانى وتقريبا كده ان اسلوب عمله مشابه لزرار الاوفر دريف فى الاتوماتيك العادى مع التدخل الكترونيا لتقليل الجير اذا ابطئت او زيادته اذا دخلت فى الريد زون لحماية الموتور. ومعاكى حق فى ان الكيك داون كأنك بتصحى واحد نايم فجأة فبيتخض !!! ويقوم مفزوع . والتأخير ده فى اعتقادى فرق الزمن مابين دوسة الكيك داون وتنفيذ الامر ان الفتيس متحكم به الكترونيا وعلى مايستجيب الفتيس لامر وحدة التحكم اكيد بايأخذ زمن انا ها ابحث عن النقطة دى واجيب لكم تفاصيل علشان يبقى كلام صح مش مجرد اعتقاد

الموضوع تلاقيه هـــنا

موضوع تانى ممكن يكون مفيد هـــــنا