مساعده في تسعير الماتريكس
السلام عليكم ورحمة الله وبركاته
عندي عربيتين ماتريكس ...لاني من اول الناس اللي اشترت الماتريكس وعرفت قيمتها
وسع وراحه بس طبعا مع التقدم والعربيات اللي بتنزل بفكر اغير
الاولى ماتريكس 2006 مانيوال توكيل ..رخصه سنتين - عداد 178 الف كم
فابريقه بره وجوه...تكييف -باور-زجاج كهرباء -مرايات كهرباء -فرش جلد فوق الاصلي
طبعا كباقي عربيات مصر شويه خدوش بسيطه وفيه خبطه في الباب اللي ورا السواق
تترد على البارد بس انا سايبها للعين بصراحه ... يا ترى دي تعمل كام ؟؟؟
التانيه ماتريكس 2011 اتوماتيك ...عداد 11 الف عشان كنت جايبها لمراتي بس في ظروف البلد انا مانعها تسوق والعربيه واقفه على طول في البيت
فابريقه بره وجوه-تكييف -زجاج كهرباء -باور-مرايات - الفرش الاصلي بس طبعا بحالة الفابريقه
ماشاء الله ولا قوة الا بالله - العربيه كانها فابريقه ... يا ترى دي تعمل كام كمان ؟؟
انا مش تاجر ومبحبش التجار... يا ريت النصيحه لوجه الله و كتر خيركم جميعا