انا عندى عمارة ملك فبطبع هاخد لنفسى واحد واحتمال كبير للعمارة كلها كمان
فعايز كل ما عندك سواء نفذ ام لا لانى هتعامل معك فى كميات كتير وممكن اكون موزع كمان فى محافظتى ليك
عرض للطباعة
ماعلش انا موش عارف انزل الصور فية مشكلة حجم الصورة 3 ميجا ولما باحاول احملها بتظهر رسالة انة يجب ان يكون حجم الملف للتحميل 2 m b
ولكن ممكن اشرح لحضرتك ولو فكرة عن شكلة
هو عبارة عن فريم حديد مرصوص علية انابيب مفرغة لتسخين المياة وهى اخر واحدث تكنولوجيا لتسخين المياة فى العالم ومن مميزاتها انها حساسة جدا فى تخزين الشمس لتصل درجة المياة الى 95 درجة مئوية ولا تصدى من الداخل وبفضل شكلها الاسطوانى فهى لا يتجمع عليها اتربة مثل الشكل القديم وعمرها الافتراضى يصل الى 20 الى 25 سنة
اعلى هذة الانابيب جسم اسطوانى اى مدور وهو لتخزين المياة بحسب السعة وهو استانليس داخلى وخارجى 304 درجتة كما شرحت من قبل ولهذا فانة امن للطعام موجود اعلاة تانك مساعد استانليس ستيل بردة مزود بعوامة بردة استانليس ستيل وهو ليعمل كنفس فكرة السيفون او خزان المياة لتعبئة التانك الرئيس
اتمنى انى اكون تمكنت من توضيحة حتى اشوف كيف يمكن تحميل الصور
تحياتى الى حضرتك
دة شئ يسعدنى وتحت امرك لو عايز ابعت لك فلايرز ومطبوعات ممكن بس قل لى ازاى هو حضرتك من محافظة اية
بخصوص الوزن تقريبا 53 كيلو طبعا موزعة الاحمال موش مركزة فى مكان واحد دة تقريبا متوسط الاوزان
زى ماقلت لحضرتك لا توجد اى قلق من ناحية الوزن لانة كلام فاضى فى اوروبا بيثبتوة على الاسقف الخشبية
كان فية احد الاخوة الافاضل كلمنى فى التليفون وكان سالنى عن التوزيع فى الصعيد وعدد الانابيب التى تسخن
بخصوص عدد الانابيب 130 لتر 12 انبوبة - 165 لتر 15 انبوبة - 220 لتر 20 انبوبة
نحن لدينا عمالة مدربة ومهندسين لتغطية اى مكان مع ملاحظة اهم شئ وهو توافر قطع الغيار
بخصوص التوزيع نحن نرحب باى حد عاوز يتعاون معتا فى التوزيع او كوكيل لنا وموش شرط وجود مكتب او محل بل يكفى ان تكون لة دائرة علاقات جيدة وذو سمعة طيبة
تحياتى
حبيت افكركم بالسخانات الشمسية وكان فية احد الاعضاء المحترمين سالنى عن قطع الغيار المستهلكة بعد فترة من الوقت
على استعمال السخان الشمسى
اولا فعليا لا توجد استهلاك فى اى شئ ولكن للامانة بعد فترة من السنين قد يستهلك عامود الماغنسيوم وهو لا يؤثر فى شئ ولا يؤثر على عمل السخان وهو فايدتة تجميع الاملاح من المياة وهو متوافر جدا لدينا وسعرة تقريبا 40 جنية للحجم الكبير
تحياتى للجميع واى استفسار تحت امركم
ربنا يوفقك ويرزقك من حلال
هل الاسعار زى ما هى
أستهلاك 5 أفراد محتاج سخان كام لتر
ولو الشقة فى الدور الارضى والسطوح فى الدور العاشر ... لما أجى افتح الحنفية الاقى مية سخنة مباشرة ولا لازم استنى لما المياة اللى فى الماسورة من الدور العاشر للأرضى تفضى من المية العادية
ونوع المواسير أية اللى جاية من السخان نوع خاص مثلا ولا ترموبلاستك عادى
وياريت لو فية لحضرتك رقم أتصالات تكتبة
وشكرا جزيلا لك
اهلا وسهلا بحضرتك وشكرا لزوقك
الاسعار حاليا زى ماهى ولكن متوقع ذيادة
5 افراد 150 لتر او 200 لتر يعتبر مناسب
طبعا مع بعد المواسير يفضل السعة الاكبر للسخان ويفضل تغطية المواسير بصوف زجاجى ودة فايدتة الاحتفاظ بحرارة المواسير كما هى ساخنة حتى فى الشتاء
لو سيتم تغطية المواسير بالصوف الزجاجى يمكن استخدام المواسير البولى الخضراء العادية واذا لم يتم التغطية يفضل المواسير البولى الاسود
لا توجد مواسير مع السخان
رقمى الاتصال 01228464929 - 01005789446
تحياتى لحضرتك ولكل الاعضاء الكرام
شكرا جزيلا لك يا أخى