الموضوع: تجربة شراء و قيادة byd l3 2015 الجديدة - تقييم l3

مشكلتها الوحيدة انعدام الدعاية زى ما قال اخونا الاستاذ / ابوياسمين

شكرا لكل السادة و الاخوة الزملاء على دعمهم لأول تقرير ليا و ربنا يبارك لكم جميعا... و ان شاء الله اعدكم بتقرير اخر عقب صيانة الألف

عزيزى انصحك عن تجربة ان تحتفظ فى السيارة بورقة وقلم
وتكتب فيها فورا اى ملحوظة تجدها فى السيارة حتى لا تنسى شئ يوم ذهابك لأول صيانة ان شاء الله

هعمل بنصيحتك دي ان شاء الله يا أستاذنا

والسحب فى byd لا يتأثر اطلاقا بالتكيف حتى اثناء التلين فلا تنسى ابدا فى الصيانة ان تصر على ضبط السيارة
وان تقوم بالتجربة بنفسك

[SIZE="5"]هل ده حقيقي؟ معلوماتي القليلة بتقول ان العربيات كلها في المجمل بتتأثر بالتكييف.[/SIZE]

اما عن جهاز المالتى ميديا فلا تتنازل ابدا عن ان يؤدى عمله بطريقة سليمة تماما أو يستبدله لك التوكيل اذا كان به اى عيب لا قدر الله

واحب ان اسألك عن فترة الضمان كم سنة وكم كيلومتر

أنا كلمت الضمان بالرقم اللي على كارت الضمان و حددولي معاد يوم الاربعاء اللي جاي، الشركة في مدينة نصر في عباس العقاد.
بالنسبة للضمان فهو 100,000 كيلو أو ثلاث سنوات.

بالنسبة للسادة الزملاء اللي سألوا عن ايه اللي يميزها عن الايمجراند، و الكلام اللي جاي ده وجهة نظر شخصية قد لا تمثل اي قيمة ... انا كنت ناوي اجيب الايمجراند و نزلت اتفرجت عليها مرتين، و اتفقت مع الراجل اللي في المعرض على كل حاجة و كنت مقتنع بيها و سألت ناس كتير و كنت كل ما بلاقي حد راكبها في الشارع كنت بوقفه و اسأله عليها.
الايمجراند عربية شكلها فخم فعلا و شيك وانا بحبها بس لاقيت جدال كبير حواليها و ناس بتشتكي و ناس لأ و اللي بيشتكوا كل واحد فيهم بشكوى مختلفة عن التاني يعني المشكلة مش في باتش واحد مثلا، لا ده في مشكلة فعلا اكبر من كده، فحسيت انها زي البطيخة و اتقفلت منها و في ناس كانت بتقول انها بتحك في المطبات، و كمان انا لما ركبتها و ركبت ال l3 و شفت التقفيل حسيت ان في فرق و كمان حسيت ان في فرق في الدهان.
ده زائد الاوبشن الزيادة اللي في ال l3 زي ال ( Navigator و كاميرا الباركينج و التليفزيون و مفتاح البصمة و الستارت انجين و فتحة السقف)
و زي ما قلت هي اذواق و لولا اختلافها لبارت السلع و ربنا يبارك لأي حد معاه الايمجراند

السلام عليكم ورحمة الله جميعا
انا اتفرجت على العربية دى l3 فى أكتر من مكان ، اتفرجت عليها في معرض شركة الأمل في شارع النزهه وفي معرض الشركة اللي جنب مركز الخدمة بتاع القطامية واتفرجت عليها في معرض خاص بره.
لاحظت شئ مهم جدا ارجو من الأخوة في المنتدى التعليق عليه.
العربية فيها عيوب خطيرة في الدهان وده لاحظته في كل عربية شفتها مع العلم اني شفت جميع الِألوان ، والملاحظات كالتالى :

- افتح الكبوت ومشى بإيدك على حروف الكبوت هاتلاقي خرابيش واصلة للصاج نفسه وده مؤشر خطير ان العربية ممكن تجيلها بارومه وصدا بسهوله جدا خصوصا مع تعرضها للمطر والرطوبة.

- افتح غطاء الشنطه وشوف حروفه وشوف دواخل العربية من تحت الغطا هاتلاقي حكات وخرابيش مش مدهونة كويس في الدواخل وفي حروف غطاء الشنطه ايضا. وده برضه هايعمل نفس المشكلة

- في عربية انا شفتها في أحد المعارض الاكصدام مقشر من تحت الفانوس وباين لونه الاسود من تحت الدهان.

- طبعا انا ما عرفتش ارفع عربية منهم علشان ابص على الدهان بتاعها من تحت والعتب وانا متأكد لو تعمقت في القصة دي هاطلع عيوب أخرى في الدهان.
ارجو من الاخوة الاعضاء في المنتدى بيان العيوب دي وايه حلها وهل الواحد ممكن يستلم على كده ولا ايه ؟ لأن بالشكل ده انا مش هاعرف استلم عربية ابدا من النوعية دي وفيها عيب واحد من العيوب دي.

للعلم انا رحت مركز الخدمة بتاع القطامية وسألت معظم الناس اللي بتصلح هناك وكانوا كلهم معاهم f3 وما لقيتش ولا واحد معاه الـ l3 علشان اسألة عليها. بس الكل أجمع ان العربية ممتازه ومركز الخدمة في غاية السوء (لمؤاخذة زي الزفت) وان العيب ما بيتصلحش تقريبا من مرة واحدة وفيه ساعات عيوب خطيرة مش بتتعالج زي سخونة الماتور .

متابع

أخي العزيز الاستاذ أبو ياسمين... مش عارف أقول لحضرتك ايه