تجربة شراء و قيادة byd l3 2015 الجديدة - تقييم l3

**dedi** · 13-09-2014 02:46 AM

المشاركة الأصلية كتبت بواسطة Moe Khodairy

شكرا لكل السادة و الاخوة الزملاء على دعمهم لأول تقرير ليا و ربنا يبارك لكم جميعا... و ان شاء الله اعدكم بتقرير اخر عقب صيانة الألف

هعمل بنصيحتك دي ان شاء الله يا أستاذنا

[SIZE="5"]هل ده حقيقي؟ معلوماتي القليلة بتقول ان العربيات كلها في المجمل بتتأثر بالتكييف.[/SIZE]

أنا كلمت الضمان بالرقم اللي على كارت الضمان و حددولي معاد يوم الاربعاء اللي جاي، الشركة في مدينة نصر في عباس العقاد.
بالنسبة للضمان فهو 100,000 كيلو أو ثلاث سنوات.

بالنسبة للسادة الزملاء اللي سألوا عن ايه اللي يميزها عن الايمجراند، و الكلام اللي جاي ده وجهة نظر شخصية قد لا تمثل اي قيمة ... انا كنت ناوي اجيب الايمجراند و نزلت اتفرجت عليها مرتين، و اتفقت مع الراجل اللي في المعرض على كل حاجة و كنت مقتنع بيها و سألت ناس كتير و كنت كل ما بلاقي حد راكبها في الشارع كنت بوقفه و اسأله عليها.
الايمجراند عربية شكلها فخم فعلا و شيك وانا بحبها بس لاقيت جدال كبير حواليها و ناس بتشتكي و ناس لأ و اللي بيشتكوا كل واحد فيهم بشكوى مختلفة عن التاني يعني المشكلة مش في باتش واحد مثلا، لا ده في مشكلة فعلا اكبر من كده، فحسيت انها زي البطيخة و اتقفلت منها و في ناس كانت بتقول انها بتحك في المطبات، و كمان انا لما ركبتها و ركبت ال l3 و شفت التقفيل حسيت ان في فرق و كمان حسيت ان في فرق في الدهان.
ده زائد الاوبشن الزيادة اللي في ال l3 زي ال ( Navigator و كاميرا الباركينج و التليفزيون و مفتاح البصمة و الستارت انجين و فتحة السقف)
و زي ما قلت هي اذواق و لولا اختلافها لبارت السلع و ربنا يبارك لأي حد معاه الايمجراند

يا باشا الف مبروك وفعلا هى برقبة الايمجراند ياراجل دة موضوع الصى كفيل انة يدمر سمعة اى عربية زيرو ومصدى يا نهار مهبب وبعدين مشاكل وبلاوى والتوكيل مطنش وقال يسنفر مكان الصدا ياريت حتى يغير الاجزاء المصدية
وطبعا اوبشن زيادة ممكن تشرح شوية الاوبشن الذيادة يعنى navigator لة اشتراك والتليفزيون ازاى بيشتغل وفتحة السقف زى مثلا اللانسر ولا مختلفة وبالكهرباء وهل قعدة الكراسى مريحة والدواسات مريحة فى وضع القدم لانة فية ناس اشتكت من دواسة الايمجراند
شكرا

**hamedksa** · 13-09-2014 08:08 AM

السلام عليكم - الأخ ابو ياسمين

مع شديد احترامي لحضرتك بس كلامك مافيهوش التالى :
- حضرتك ما كلفتش خاطرك انك تروح تشوف اللي انا شفته وهوا اكيد مازال موجود بدل ما تكلمني عن خط انتاج كل مصر عرفت انه اتحرق وان المصنع اتحرق من فترة قصيرة وتجيب لي صور ترد بيها عليا وانا باحكى على منتج نهائى معروض في معارض الشركة مش صور وحكايات الف ليلة وليلة.
(على سبيل المثال فيه عربية لونها موكا واقفة في معرض شارع النزهه لما تفتح غطاء الشنطه هاتلاقي في دواخل العربية من فوق على الشمال فوق الجوان حته مكشوفه من الدهان حوالى 2 سم في 1 سم)

- فيه عربية تانية لونها فيرانى واقفة في معرض الشركة اللي جنب مركز الخدمة بتاع القطامية شوف كبوت العربية دي ودواخل الرفارف الأمامى والخلفى هاتلاقي الصاج باين (الصاج لما بيكون ظاهر اكيد هايعمل صدا والبارومه هاتسرح في العربية مع المطر والرطوبة)

- شوف اي عربية واقفة وافتح كبوتها وشنطتها زي ما انا قلت في مشاركتي وشوف حروف الكبوت والشنطه هاتلاقي حتت مدهونة وأخرى غير مدهونة و الصاج بتاع العربية باين من تحتها.

- بالنسبة لمركز الخدمة فيه اكتر من مشاركة على المنتدى هنا بتقول نفس الكلام اللي انا باقوله وممكن اي حد يروح مركز الخدمة ويتكلم مع العملاء هناك ويشوف كلامهم . ده انا باسأل واحد ولسه قبل ما يرد عليا لقيت واحد تاني ما سألتوش انفجر وقال العربية لسه عاملة 6000 كيلو ومطلعين عيني وباجي لهم على العيب مرة واتنين. وفيه واحد قاللي بالحرف ان الماكينة بتاعة العربية بتسخن لدرجة انه يقدر يعمل عليها فنجان قهوة وهما بيوزعوه ويقولوا له العربية كده حلوة وهوا مصر ما يستلمهاش الا لما يصلحوا العيب.

- انا أقسم بالله العظيم معايا الفلوس وكل ما اروح مكان اشترى منه الاقي نفس العيوب الخطيرة دى اقوم امشى واقول هاشترى من مكان تاني.
هدفى ان الشركة تحسن منتجها علشان نعرف نشتريه يا إما ندور على ماركة تانية نحط فيها فلوسنا.

لو حضرتك ليك رد ارجو انه يكون رد من خبرة واقعية وانك تروح تشوف العيوب دي بنفسك قبل ما ترد على كلامى.

**mnashat77** · 13-09-2014 08:43 AM

تقرير اكثر من هايل،ربنا يحافظلك عليها

**ابو ياسمين** · 13-09-2014 01:18 PM

هل تعلم ما هو اسؤ شئ يصادفك فى الحياة

ان يطلب شخص ما المساعدة
وعندما تحاول مساعدته تجده غاضبا ولا يفهم انك تساعده !!
لأنى لم يخطر فى بالى ابدا مهاجمتك
بل قلت ان الزميل قلق ويسأل عن شئ يهمه فمن الواجب ان اجيبه
ولذلك فقد بنيت كل ردودك بعدها على اعتقاد خاطئ تماما
وادعوك لقرأة كلامى بهدوء مرة اخرى وستتأكد انك تسرعت فى الرد
ولكن مادمت تقول الذى قلته فى مشاركاتك التالية فهذا ردى عليه

انت تقول انى اهاجمك !!
فلماذا لا تقول اين هو هذا الهجوم ؟

[quote=ابو ياسمين;3875747535]

عزيزى hamedksa
اما عن قصة الباروما !!!
هذا اخر ما تخاف منه فى جميع سيارات byd
لأن خط دهان البو الجديد الذى تكلف 100 مليون جنية
يمنع تماما مثل هذه الأشياء التى تجدها فى سيارات اخرى يبيعونها مصدية جاهز !!

ولكن اذا كنت غير مرتاح نفسيا فاشترى سيارة اخرى

ولا تنسى ان تستخير الله من قبل ومن بعد وبالتوفيق

وأذا كان لك اى سؤال اخر انا تحت امرك ونحن هنا أخوة ونساعد بعضنا

[/quote]

فأين الهجوم فى هذا الكلام !!!!!

لقد طلبت رأى الأعضاء فى مستوى الدهان وهل سيؤدى للصدء والباروما

فأجبتك عن سؤالك وشرحت لك خطوات العزل ضد الباروما على خط دهان البو الذى تقول انه احترق

ولم تكلف نفسك بقرأة ثلاث موضوعات سابقة تحتفل بأعادة تشغيل الخط

وأخرها يوم 13-8-2014 الماضى

[quote=emad habib;3875705346][gdwl][gdwl]تم بحمد الله افتتاح خط الدهان العملاق بمصانع شركه الامل بالعاشر من رمضان للتصدير الى كل انحاء العالم و دهان السيارات البى واى دى بكل الطرازات والانواع الموجوده والطرازات الجديده والمتنوعه[[/gdwl]/gdwl][/quote]

وقد بذلت جهد للشرح بالصور ليكون مفهوم لباقى الزملاء حيث اننا نكتب فى منتدى عام
ورغم انها لم تعجبك فقد سجل زملاء لك فى المنتدى اعجابهم بالمشاركة

ومع هذا فأنك تطلب ان يكون كلامى عن خبرة
وانا موافق . اذا فلنتكلم عن الخبرة

رغم ان اى شخص عنده ذرة من الخبرة يعرف ان معالجة جسم السيارة بالغمر على نظام البو يحميها من الصدء
حتى لو كان بها خرابيش او اماكن داخلية ضعيفة من اللون النهائى

ولوعند شخص ذرة من الخبرة سيعرف ان الدهان هام جدا للحماية من الصدء فى السيارات المدهونة بالطريقة التقليدية

ولكن مع الألبو يبقى مجرد لون لأن الحماية بالكامل تأتى من العزل الكهربى بالغطس فى حوض الألبو

والطريقة الوحيدة لأزالة حماية الألبو هى حرق الصاج تماما كما تفعل ورش السمكرة

هذا ما يعرفه كل من كان فى KG1 السيارات

ولا نحتاج ان نتحمل فيه مسؤلية احد

ومع هذا فمنكم نستفيد ومستعد للتعلم من جديد
مع انى اعاين السيارات فى مصر وبعض الدول الأخرى
قبل ان يولد الكثير من اعضاء المنتدى من ابنائى الأفاضل والأعزاء والمحترمون

وانا لا احتاج للف على فروع التوكيل لأنى اخبرتك بانى عاينت 6 سيارات
وللعلم قمت بتصويرهم فى المعرض فهل تحب ان ارفع صورهم لتتأكد من انى عاينتهم ام مازلت لا تحب الصور !

اما عن السؤال عن مركز الخدمة فلا احتاج لذلك
ولو كنت اتعبت نفسك ونظرت فى مشاركاتى السابقة لوجدت انى انتقدتهم كثيرا وشكرتهم فى مرات اخرى حسب الموقف
فهذا هو التوازن والأنصاف واعطاء كل ذى حق حقه

وكما قلت بأختصار هو ليس مثالى ولكنه ليس بكل هذا السوء

ومع هذا احب ان تعرف انى اقوم بالصيانة فى مركز الأسكندرية
وهو بكل وضوح من افضل مراكز الصيانة التى تعاملت معها فى مصر واتحدى لو وجدت شكوى واحدة منه فى المنتدى وستجد بالعكس سيل من الشكر والتقدير

ثم الأهم انى لا اعرف مدى سلامة تقيمك وتفسيرك لما رايته فى السيارات ولم نراه جميعا بما فينا الزميل العزيز الذى استلمها فعلا

على العموم موضوعك هذا يذكرنى بزميل كتب عندما نزلت السيارة f3
وقال ان لحامات حوض الموتور فيها سيئة جدا ومتعرجة ومظهرها فضيحة
وكنت لم اشتريها بعد فذهبت للمعرض
وبمجرد فتح غطاء المحرك ضحكت وكتبت فى المنتدى

حدث جدل كثير على لحامات الحوض .. وقال البعض أن مظهرها سئ ..

وهذا غير صحيح .. لأن لحامات الحوض مغطاة تماما بأشرطة عزل سليكونية .. فلا تقلق فأن ما تراة هو مظهر العازل وليس مظهر اللحام ..

وفى الواقع لم يشاهد أحد أبدا لحامات الحوض فى السيارة byd f3 لأنها مغطاة تماما بالعازل ..

وهذا فارق الخبرة وهو ان يستطيع الشخص فهم وتقيم ما يراه ومعرفة حجم تأثيرة

ثم لماذا كل هذا الغضب لأنى قلت انك عملت كوبى من المشاركة
انت تقول ان احد لم يرد عليك فاخبرتك بانى قمت بالرد فى الموضوع الأخر وان ردى هذا كوبى مثلما فعلت انت
ولكنك تاخذ كل كلمة بحساسية شديدة وغريبة وتستخدم من البداية اسلوب غير لائق مثل

الف ليلة وليلة - هجوم - اتق الله

وهو اسلوب لايقارن بما قلته لك

تحت امرك - احنا اخوة - نساعد بعض - بتوفيق الله

وبالمناسبة لك جزيل الشكر بأنك تذكرنى بتقوى الله سبحانه وتعالى
فقد امرنا رسول الله صلى الله عليه وسلم بان نعين بعضنا على تقوى الله
فجازاك الله على هذا بكل خير
لذلك اتوقع ان تشكرنى كما شكرتك الأن عندما اقول لك انت ايضا

اتق الله

**hamedksa** · 13-09-2014 04:50 PM

.................................................. ..........................

- صلب الموضوع هو أني شاهدت بعيني عيوب خطيرة في (جميع) السيارات التي شاهدتها وهناك من يحاول اقناعى بكتابة كلمات أو ارفاق صور وأخبار أو يتهمنى بعدم الخبرة أو يبادر بالهجوم على شخصى لكى اكذب ما رأت عيناى. ويرفض أن يذهب ويشاهد بعينية ما ذكرته. إني أرفض هذا الأسلوب فلن يرهبنى أحد من أن أخذ حقى.

- طلبت صراحة لقاء من يريد واظهار الدليل على تلك العيوب ولكن كنت أعرف ان الرد لن يكون ابدا بالموافقة بل بكلام آخر وصور أخرى (وربما فيديوهات أو افلام سينما ومسرحيات) ومحاولات تجريح في شخصى بدلا من الذهاب ومشاهدة العيوب.

.................................................. ..........................

.................................................. .............

- جميع ما ذكرته في مداخلتى يحمل الأدلة الدامغة على صدق كلامى لأنها تعتمد على المعاينة والنظر واللمس وليس كلام مرسل وصور وخلافة من وسائل الإقناع والتدليس المختلفة.

- ذكرت عيوب محددة في سيارات محددة موجوده بمعرض الشركة ولم يكلف أحد نفسه الذهاب والتحقق من الأمر.

- قبل أن انهى كلامى أعلم علم اليقين أن أحدا لن يتكلم في صلب الموضوع ولن يذهب أحد لمشاهدة العيوب بل اني اتوقع كلمات وصور وهجوم ومحاولات ارهاب أكثر عنفا أو اى شئ غير كلمة الحق.

- لو تم وضع كل الكلام والفيديوهات والصور والأخبار في كفه والمعاينة في كفة أخرى فكل هذا الكلام لا يساوى شيئا امام المعاينة. (الحقيقة واضحة لمن يريد الحقيقة يذهب ويراها) ولا مزيد من الكلام.

انذار ووقف اسبوع لمخالفة القاعدة 12
يرجى مراجعو قواعد المنتدى
7:49pm 13/9/2014
م.ع.4

**azkol2005** · 13-09-2014 04:53 PM

عاوز اجيب l3 اشوفها فين ؟؟
وهي بكام ؟؟
وهل منها اتوماتيك ؟؟

**alaa elden** · 13-09-2014 06:06 PM

تقرير ممتاز وبصراحة انا اقتنعت بنسبة 100% بيها وان شاء الله ناويت اجيبها بس على الله مايزيدش سعرها

**lonedoctor** · 13-09-2014 11:52 PM

سيارة رائعة بكل المقاييس وتستحق الشراء دون تفكير وهذا ما نويت عليه ان شاء الله فى القريب العاجل بس يارب سعرها ما يزيد اكتر من كدة
تحياتى العطرة للاستاذ ابوياسمين واعتذر للتاخر فى الرد على سعادتكم فى المشاركة الاخرى لكن يعلم الله كم انا مشغول هذه الايام ودخولى للمنتدى اصبح قيل جدا وخاصة انى خارج مصر ولم انزل اى اجازة فيما يقترب من سنتين تقريبا
سبحان الله التاريخ يعيد نفسه وكما تشرفت بنصائح حضرتك الغالية عند شراء f3 تشرفت بانطباعكم الرائع عن الجميلة l3 وستكون الموديل الاوتوماتيك ان شاء الله
همسة فى اذن اخينا الكبير الاستاذ الفاضل ابو ياسمين (لا تهتم كثيرا ان تعلق على امور لاتستحق الاهتمام ) فمكانتكم وقدركم لدينا فى منتدانا الغالى معروفة ولا تحتاج الى تعريف
تقبل تحياتى

**Moe Khodairy** · 14-09-2014 04:03 AM

المشاركة الأصلية كتبت بواسطة dedi

يا باشا الف مبروك وفعلا هى برقبة الايمجراند ياراجل دة موضوع الصى كفيل انة يدمر سمعة اى عربية زيرو ومصدى يا نهار مهبب وبعدين مشاكل وبلاوى والتوكيل مطنش وقال يسنفر مكان الصدا ياريت حتى يغير الاجزاء المصدية
وطبعا اوبشن زيادة ممكن تشرح شوية الاوبشن الذيادة يعنى navigator لة اشتراك والتليفزيون ازاى بيشتغل وفتحة السقف زى مثلا اللانسر ولا مختلفة وبالكهرباء وهل قعدة الكراسى مريحة والدواسات مريحة فى وضع القدم لانة فية ناس اشتكت من دواسة الايمجراند
شكرا

الله يبارك فيك و ربنا يخليك...
- ال Navigator مش باشتراك ولا حاجة هو في كارت ميموري عليه الخرايط و بيحدد موقعك مع الاقمار الصناعية و بيقولك انت فين على الخريطة.
- التليفزيون بتشغله بزرار و بيتولف اتوماتيك زي الرسيفر و بيقرا القنوات الارضي اللي هي من الاولى للتالتة و قنوات النيل و النايل تي في، حوالي اتناشر قناة و بتقلب بينهم من الجهاز نفسه او من التارة.
- قعدة الكراسي مريحة و الفرش خامته حلوة و الدواسات مريحة و دواسة البنزين مرتاحة مش مزنوقة زي الايمجراند.
- فتحة السقف كهرباء طبعا بس مش اتوماتيك يعني مش ضغطة واحدة و بتفتح فتحة كاملة للخلف و و فتحة بزاوية عشرين لفوق من ورا.
- في حاجة كمان و هي وجود سينسور لحزام الراكب الامامي يعمل حين ركوب الشخص فقط.
- معدل استهلاء الوقود اللي هو شئ مهم جدا : 9.9 لتر لكل 100 كيلو يعني بتعدي 500 كيلو في التفويلة مرتاحة و ده اقل واجب و ذلك مع استخدام التكييف.