| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 16 1 2 3 4 5 6 11 ... الأخيرةالأخيرة
النتائج 1 إلى 10 من 153

  1. #1

    الصورة الرمزية Moe Khodairy

    رقم العضوية : 164114

    تاريخ التسجيل : 19Aug2014

    المشاركات : 126

    النوع : ذكر

    الاقامة : الجيزة

    السيارة: Ritmo 1984

    السيارة[2]: BYD L3

    الحالة : Moe Khodairy غير متواجد حالياً

    Thumbs up تجربة شراء و قيادة byd l3 2015 الجديدة - تقييم l3 - Facebook Twitter whatsapp انشر الموضوع فى :

    hasad">

    السلام عليكم و رحمة الله و بركاته

    هذا هو التقرير الذي و عدت به عقب شرائي byd l3 مانيوال و تجربتي بعد 500 كيلو،في الحقيقة انا لسه مكاملتش ال 500 كيلو بس في زملاء كانوا عايزين التقرير بسرعة فكتبته على عجل و اتمنى انه يكون وافي و بيرد على كل تساؤلات السادة الزملاء بشأن العربية و طبعا انا تحت امر أي حد عايز يسأل في أي حاجة.

    أولا: مواصفات السيارة (لمن لا يعلم) :

    - سعة الموتور 1500cc
    - هورس باور 107 حصان
    - مانيوال
    - فتحة سقف
    - مفتاح بصمة ذكي لتدوير السيارة و فتح السيارة من ثلاثة اماكن و هي الشنطة و الابواب الامامية
    - Navigator و به مجموعة برمجية من الادوات المساعدة مثل الالة الحاسبة
    - الكاسيت يشغل DVD, USB, AUX FM,AM
    - تلفزيون رقمي يستقبل القنوات الارضية Digital TV
    - تارة القيادة Multifunction بها ازرار تحكم في الصوت و تغيير mode و القنوات او المحطات
    - مخدع امامي به مكان للتخزين و به مدخل ال AUX و USB و مخدع خلفي
    - 5 جنوط سبور 15
    - فرامل ABS وEBD
    - 2 Air bags للسائق و للراكب الامامي
    - ايموبيلايزر و جهاز انذار
    - حساسات للركن Parking sensors
    - كاميرا خلفية للركن تعمل تلقائيا مع المارشدير Rear camera
    - تكييف (طبعا)
    - 4 زجاج كهربائي و ضبط كهربائي للمرايات
    - زجاج خلفي و زجاج جانبي خلفي ملون
    - تثبيت لكرسي الاطفال
    - فتح الشنطة و تانك البنزين من الداخل
    - العربية معاها كوريك و مفتاع عجل و مثلث

    ثانيا: تجربة الحجز و الشراء

    قمت بزيارة معرض شركة الأمل -مرة أولى- الموجود بشارع نزيه خليفة خلف الحرية مول بالكوربة لمشاهدة السيارة انا و زوجتي و قمت بركوب السيارة و تدويرها و تجربة التكييف و خلافه و فعلا اعجبت بالسيارة و اقتنعت بها دونآٓ عن السيارات الاخرى في فئتها مثل الايمجراند و الانفي و M11 و لا مجال للمقارنة مع الفيرنا و اللانوس مع الاحترام للجميع طبعا.
    سألت الموظف المسؤول عن السعر فقال 88,000 فقلت له من الاخر كام؟ فقال -من غير تحوير-: ممكن ننزل ألف جنيه. طبعا انا لما لاقيته قال كده على طول قلت في نفسي المرة اللي جاية لما اجي احجز ممكن يبقى في كلام تاني.
    المهم، رحت مرة تانية علشان احجز و ادفع عربون و اختار اللون كنت رسيت في المرة الاولانية على اللون النبيتي لانه هو اللي شفته و شفت السيلفر و الفيراني بس لاقيت اللون الاحمر معروض المرة دية و مكانش موجود المرة اللي فاتت و دخل دماغي جداو قررت اني اختاره ، و انا بتكلم مع الموظف في السعر قلتله ها اخر كلام ايه؟ قاللي زي ما قلنا المرة اللي فاتت مش هينفع انزل اكتر من الف جنيه، يعني السعر هيبقى 86,000 !!! :D
    المهم، انا ماعلقتش و قلتله يعني ده اخر كلام ده انتوا حتى مش بتدوا اي هدايا؟ قاللي و الله هو ده اللي هقدر اعمله و ده السعر النهائي.
    دفعت ألف جنيه و جيت اختار اللون الاحمر قاللي بس الاحمر ممكن يتأخر لمدة عشر أيام قلتله مش مشكلة، قاللي طب قول لون تاني يبقى احتياطي و ألح في الطلب بس أنا رفضت لأني حسيت انه ممكن يكون عنده ستوك في المخزن او عربية في المعرض من الوان تانية و عايز يخلص منهم او عايز يفضي المخزن شوية بدل مايطلع من المصنع بحجة ان اللون هيتأخر!! و فعلا طلع عندي حق و استلمت بعد 3 أيام!! فنصيحة اختار اللون اللي انت عايزه و ما تتنازلش.

    ثالثا: تجربة الاستلام

    كنت حجزت يوم جمعة لاقيته بيكلمني يوم الاثنين الصبح بيقولي العربية وصلت! رحت في نفس اليوم اتفرجت عليها و دفعت باقي المبلغ ناقص الف جنيه و قلتله اني هستلم بكرة الثلاثاء.
    و انا بفحص العربية استعنت بموضوع قديم هنا على المنتدى عن كيفية استلام f3 للاخ الاستاذ ابو ياسمين و وضعه الاستاذ باسم نجيب استعنت بيه كمرجع لترتيب افكاري و عملت للموضوع كوبي على الايباد معايا و استخدمته ك check list و انا بفحص العربية.
    اطمنت انه كله تمام و مفيش مشاكل تقفيل خالص و فعلا العربية تقفيلها جيد، الموظف جربلي ال navigator و قالي فكرني بكرة اديك الميموري كارد بتاع الخرائط -و قد كان-
    لاقيت زيت الباور ناقص شوية خليته تاني يوم اشترى زيت و كمله لحد Max و لاقيت خربوش صغير جدا ناحية باب السواق و قاللي هعملهولك باللبوليش بس ما راحش ، هو اصلا الخربوش لايذكر بس الواحد و العربية جديدة بيبقى حاسس ان العالم كله شايفه : D
    الموكيت بتاع العربية كان متوسخ بلون اسود تقريبا من المصنع بس هما في المعرض نضفوه.
    العربية كانت عاملة بتاع 34 كيلو تقريبا.
    رحت تاني يوم فعلا و كان معايا واحد صديقي استلمت و دفعت الباقي و اخدت ضمان الكاسيت و المانيوال و ورق العربية و جواب المرور، الموظف قاللي 50 جنيه علشان الورق اديتهمله و اديته 100 جنيه اكرامية ليه و للناس اللي في المعرض.

    رابعا: تجربة القيادة:

    كنت قلقان من رحلة العودة للهرم و خايف مااخدش بسرعة على الدواسات و ابعاد العربية بس القلق ده تلاشى تماما بعد ما ركبت العربية و زبطت المرايات و وضعية الكرسي و طلعت على البنزينة اللي بجوار المعرض فولت ب 130 جنيه -التانك 50 لتر- و القلق و الخوف تلاشوا فعلا حتى قبل ما اكون على صلاح سالم، العربية سواقتها سهلة جدا و ناعمة و سلسة و الباور حلو جدا.
    صوت الموتور هادي و عزل السيارة جيد
    قعدة العربية مريحة و الكراسي جلد و مريحة و بامكانك التحكم في ارتفاع كرسي السائق، كمان اشتريت مسند الظهر من كافور و مريحني في السواقة (ب 17 جنيه)
    التكييف جيد جدا ليلا (على واحد) و جيد نهارا (ممكن واحد او اتنين أخري)
    سحب العربية جيد جدا و بيتأثر بالتكييف ، طبعا انا لسه في التليين فآخري في rpm بيكون 2 و ماعدتش 100 كيلو/ساعة
    الفرامل هايلة، طبعا ممنوع الفرملة المفاجئة او القرص على الفرامل في التليين بس انقذتني في موقف وحيد و انا شايف ان في المجمل ادائها هايل.
    العربية عالية الى حد ما، بمعنى مش بتحك في المطبات خالص، سواء قانوني او مطبات اهالي
    العفشة سلسة مش ناشفة ولا طرية و ده بشهادة كذا حد ركب جنبي.
    درج التابلو صغير شوية و يتعوض بان المخدع الامامي به مكان للتخزين و كمان الابواب الربعة فيهم اماكن تخزين.
    الإضاءة تحفة، النور الواطي ليه 5 مستويات يتم التحكم فيهم من بكرة في لوحة التحكم على يسار التارة بيخلوك كاشف الطريق كله ، النور العالي مفيش وصف ليه ده طبعا غير الشبورة ورا وقدام.
    المفتاح الذكي ده اخترااااع، كنت في الاول مش حاسس بقيمته بس مع الاستخدام بقيت مبسوط بيه جدا، مش بحتاج اني اقعد ادور في جيوبي على المفتاح و خصوصا لو كنت شايل ابني الصغير او شايل حاجات كتير، بضغطة واحدة تفتح العربية و بضغطة تقفلها ( طبعا العربية مش بتقفل لو نسيته جوة )
    بالنسبة لزرار Engine Start فده خلاني النهاردة اهرب من السايس امبارح بسرعة اسطورية :D
    الزرار ليه 3 ضغطات: الاولى للكاسيت و التانية للكهرباء كلها و التالتة للتدوير مع دوسة الفرامل.
    صوت الكاسيت حلو ( 4 سماعات و 2 تويتر ) مع امكانية التحكم في توزيع الصوت.
    الشنطة واسعة جدا
    الموكيت فاتح جدا و لازم يتعمله فرش في اقرب فرصة

    خامسا: المشاكل

    -باسمع صوت خبطة خفيفة في الناحية اليمين قدام لما بنزل في نقرة
    -البكرة بتاعت ضبط ارتفاع الكرسي اتخلعت مع اني استخدمتها مرة واحدة بس، هي عاملة زي دراع رفع الزجاج يدويا في التركيب، مشرشرة و بتركب كبس.
    - ال navigator بطل يشتغل و بعد كده اشتغل بعد ما عملت reset للجهاز و دلوقتي التليفزيون عامل نفس الحركة، تقريبا في مشكلة في الsoftware بتاع الجهاز و لسه هكلم الضمان.

    سادسا: الترخيص (مرور فيصل)

    ضريبة 3 سنوات : 850 جنيه
    تأمين اجباري 3 سنوات : 320 جنيه
    طفاية و شنطة اسعافات : 200 جنيه
    ملف : 65 جنيه
    اكراميات و باركينج و حافظة ورق و مسامير نمر (ايوة مسامير نمر علشان اشترتها من بره لانهم سلموني النمر من غير حتى مسامير! ) : بتاع 120 جنيه

    خد بالك:

    و انت بترخص لازم تبقى عارف ان الموديل ده L3 لسه جديد و محدش تقريبا عارفه فالموظفة طلعتلي الرخصة F3! و كان حوار، امين الشرطة بيقولي ما تمشي حالك و اعملها انت بالقلم! قلتله يعني يبقى معايا فيرنا و ارخصها اكسنت؟ راح مبلم، طبعا دخلت للموظفة و فهمتها و جبتلها الملف تاني و وريتها الفحص و جواب المرور و قعدت من تاني و استنيت دور جديد، و طلعت الرخصة فيها الموديل : L3 GS-1 ، هو انا مش عارف هو ايه GS-1 ده بس احسن ما تطلع عربية تانية خالص، الحمد لله... ربنا ينجينا كلنا من المنظومة الفاسدة دي.

    الخلاصة:

    السيارة رائعة بكل المقاييس شكلا و مضمونا و بتقدم حل حقيقي عملي للسوق المبالغ في اسعاره و الفقير في امكانياته و كمالياته فهي تتفوق على جميع اقرانها من نفس الفئة السعرية و حتى غيرها في الفئات الأعلى حتى 150,000 جنيه...بتدفع فلوس بتاخد قدامها اداء و كماليات و ماركة زي الغول هتاكل السوق السنين اللي جاية بدل ما تدفع فلوس و تاخد ماركة بس! و اعتقد اننا سنراها في الشوارع كثيرا في العام القادم دون حتى التسويق لها من قبل الشركة الوكيلة. ربنا يدينا خيرها و يكفينا شرها انا و اسرتي و الناس اللي ماشية في الشارع.

    يا رب يكون التقرير كان وافي و شامل لجميع الجوانب المهمة و تحت امر الجميع في الاسئلة.

    ملحوظة: تعمدت عدم وضع صور لان الاخوة في المنتدى هنا كانوا قايمين بالواجب و زيادة و مقدمين موضوعات عن العربية فيها صور و اعتقد ان الناس هنا عارفين شكل العربية كويس من جوة و من برة.


  2. #2

    الصورة الرمزية Omar2017

    رقم العضوية : 144837

    تاريخ التسجيل : 05Jun2013

    المشاركات : 643

    النوع : ذكر

    الاقامة : الاسكندرية

    السيارة: Verna 2008

    السيارة[2]: Lanos 2000

    دراجة بخارية: NO

    الحالة : Omar2017 غير متواجد حالياً

    افتراضي -

    تقرير ممتاز وانا بدأت افكر فيها


    أبو تريكة خط أحمر


  3. #3

    الصورة الرمزية akmm

    رقم العضوية : 117583

    تاريخ التسجيل : 08Dec2011

    المشاركات : 7,814

    النوع : ذكر

    الاقامة : cairo

    السيارة: mercedes

    السيارة[2]: mazda

    دراجة بخارية: no

    الحالة : akmm غير متواجد حالياً

    افتراضي -

    الف الف مبروك .................. وربنا يديك خيرها ويبعد عنك ازاها وشرها .


  4. #4

    الصورة الرمزية Mohamed.Ramah

    رقم العضوية : 40298

    تاريخ التسجيل : 14May2009

    المشاركات : 5,965

    النوع : ذكر

    الاقامة : Heliopolis- Masr El Gedida

    السيارة: I do not have

    السيارة[2]: لا

    دراجة بخارية: I do not have

    الحالة : Mohamed.Ramah غير متواجد حالياً

    افتراضي -

    ألف مبروك لحضرتك ربنا يبارك لك فيها

    [img3]http://s11.postimg.org/5u651o4eb/bsmlhe41104899dnj0zx5.gif[/img3]


  5. #5

    الصورة الرمزية Ahmed abdkarim

    رقم العضوية : 155495

    تاريخ التسجيل : 02Feb2014

    المشاركات : 604

    النوع : ذكر

    الاقامة : Mansoura

    السيارة: يا مسهل

    السيارة[2]: Chevrolet Lanos

    الحالة : Ahmed abdkarim غير متواجد حالياً

    افتراضي -

    تقرير ممتاز


  6. #6

    الصورة الرمزية Ḿɨ dÕ MaĦmoud

    رقم العضوية : 163747

    تاريخ التسجيل : 09Aug2014

    المشاركات : 38

    النوع : ذكر

    الاقامة : القاهرة

    السيارة: new Sunny 2013

    السيارة[2]: 128

    الحالة : Ḿɨ dÕ MaĦmoud غير متواجد حالياً

    افتراضي -

    موضوع جميل جدا


  7. #7

    الصورة الرمزية bassemali

    رقم العضوية : 3275

    تاريخ التسجيل : 18Nov2007

    المشاركات : 1,753

    النوع : ذكر

    الاقامة : حاليا ... السعوديه

    السيارة: لايوجد

    السيارة[2]: إسبرانزا 516 2012

    دراجة بخارية: لايوجد

    الحالة : bassemali غير متواجد حالياً

    افتراضي -

    الف مبروووووووووووووووووووووو ك .. وصفك ممتاز في التقرير .

    أنا لا أعطي مفتاحين لأحد :
    مفتاح سيارتي ......
    ومفتاح قلبي .......


  8. #8

    الصورة الرمزية mirra

    رقم العضوية : 95806

    تاريخ التسجيل : 22Apr2011

    المشاركات : 479

    النوع : ذكر

    الاقامة : tanta

    السيارة: lada2107

    السيارة[2]: fiat128

    دراجة بخارية: لا يوجد

    الحالة : mirra غير متواجد حالياً

    افتراضي -

    الف مبروووك.


  9. #9

    الصورة الرمزية Moratoz

    رقم العضوية : 123385

    تاريخ التسجيل : 19Apr2012

    المشاركات : 2,752

    النوع : ذكر

    الاقامة : القاهرة

    السيارة: اوكتافيا2007 A5

    السيارة[2]: New accent

    دراجة بخارية: no

    الحالة : Moratoz غير متواجد حالياً

    افتراضي -

    ربنا يبارك لك فيها


  10. #10

    الصورة الرمزية Moe Khodairy

    رقم العضوية : 164114

    تاريخ التسجيل : 19Aug2014

    المشاركات : 126

    النوع : ذكر

    الاقامة : الجيزة

    السيارة: Ritmo 1984

    السيارة[2]: BYD L3

    الحالة : Moe Khodairy غير متواجد حالياً

    افتراضي -

    hasad">

    الله يبارك في الجميع، انا شاكر ليكم كلكم و و انا اسف مش عارف ارد على الرسايل لاني لسه عضو جديد و مشاركاتي لم تتعد الخمسين اللي عايز يبعت على الخاص يبعت رقم موبايله وانا هكلمه
    الاستاذ Mohamed. Ramah تحت امرك في شئ



 
صفحة 1 من 16 1 2 3 4 5 6 11 ... الأخيرةالأخيرة

المواضيع المتشابهه

  1. تجربة قيادة مرسيدس-بنز C180 Classic 2015
    بواسطة NaderNabil في المنتدى أخبار السيارات في مصر والعالم
    مشاركات: 27
    آخر مشاركة: 04-11-2014, 10:58 AM
  2. حصرياً: تجربة قيادة مرسيدس-بنز C180 Classic 2015
    بواسطة NaderNabil في المنتدى مــــرسيدس
    مشاركات: 21
    آخر مشاركة: 07-08-2014, 03:15 PM
  3. أول تجربة قيادة لمازدا 3 الجديدة .. موديل 2015
    بواسطة Hunting_Eagle في المنتدى مــــــازدا
    مشاركات: 23
    آخر مشاركة: 24-07-2014, 05:34 PM
  4. تجربة قيادة من مارسيليا لـ Mercedes C-Class 2015
    بواسطة M7amD_7amDy في المنتدى مــــرسيدس
    مشاركات: 4
    آخر مشاركة: 27-06-2014, 07:54 AM
  5. تقييم تجربة قيادة اكسنت ار بي 2014
    بواسطة mahmoudahmed في المنتدى هيــونــداى
    مشاركات: 33
    آخر مشاركة: 23-10-2013, 03:02 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2