هوا عشان أطلع رخصة .... لازم أدفع رشوة ؟؟؟؟؟؟؟؟؟؟؟؟؟؟

**Noha-Esmat** · 24-10-2008 01:51 PM

المشاركة الأصلية كتبت بواسطة muslimah_dentist

أنا الحمد لله طلعت الرخصة من غير لا واسطة و لا رشوة ، انتى بس اتوكلى على الله و اصدقى معاه سبحانه و ربنا هييسر لكى كل أمر عسير.

انتى رحتى انى مرور يا مسلمة؟؟؟؟؟ حد يطمنى و يقولى انه طلعها من غير لا واسطة و لا رشوة من مرور مدينة السلام

**SeiffoZ** · 24-10-2008 01:52 PM

المشاركة الأصلية كتبت بواسطة nohaesmat

أنا فعلا عملت كده عشان بس رحت فرع شيراتون عشان دى أقرب حاجة ليا .... بس برضة قالولى انى لازم هدفع فلوس ....... يا جماعة دى الناس اللى بتاخد فلوس معروفين بالاسم هناك

و بعدين مش الامتحان لازم يكون فى المرور اللى أنا تبعه ولا ايه؟؟؟؟؟ حد يقولى؟؟؟

بصى هو لازم يكون المرور إللى إنتى تابعة ليه ... إلا فى حالة واحدة لو هتتعلمى فى مدرسة تبع المرور و المدرسة دى تبع منطقة تانية .. يبقى هتمتحنى تبع المدرسة فى المرور التابع ليها ..
لكن اقولك حاجة ماتدفعيش مليم أحمر .. إنتى روحى قدمى على الإمتحان و لو عديت إمتحان الأقماع و عديت الكومبيوتر محدش هيقدر يقولك كلمة .. و الإمتحانات بسيطة مش صعبة يعنى ...

**blazer** · 24-10-2008 01:53 PM

المشاركة الأصلية كتبت بواسطة nohaesmat

أنا فعلا عملت كده عشان بس رحت فرع شيراتون عشان دى أقرب حاجة ليا .... بس برضة قالولى انى لازم هدفع فلوس ....... يا جماعة دى الناس اللى بتاخد فلوس معروفين بالاسم هناك

و بعدين مش الامتحان لازم يكون فى المرور اللى أنا تبعه ولا ايه؟؟؟؟؟ حد يقولى؟؟؟

انتى متاكده
اصل انا مدفعتش مليم هناك الا للرسوم و خلافه
و عموما اتعبى نفسك فى مشوارين لحد شارع التحرير و تطلعيها

**Noha-Esmat** · 24-10-2008 02:02 PM

المشاركة الأصلية كتبت بواسطة Relentless_mayhem

لكن اقولك حاجة ماتدفعيش مليم أحمر .. إنتى روحى قدمى على الإمتحان و لو عديت إمتحان الأقماع و عديت الكومبيوتر محدش هيقدر يقولك كلمة .. و الإمتحانات بسيطة مش صعبة يعنى ...

أنا شكلى فعلا هروح أتعلم فى مكان تانى كده كده عشان مدرسة المرور دى واضح ان هيا ملهاش لازمةأصلاً

أنا فاضلى حصتين و أخلص و لغايط دلوقتى مدوستش على البنزين مرة واحدة حتى:wacko::wacko:

و اللى عرفته ان مش هدوس عليه أصلاً عشان قال إيه ده كورس تعليم مبادئ بس

و زى ما أنت بتقوا مش هدفع مليم لحد

و اللى فيه الخير يقدمه ربنا

بس برضه محروق دمى

**Samir Elshahawy** · 24-10-2008 02:40 PM

شوفي أنا كنت بسوق و كويس كمان و عارف قواعد و اشارات المرور و طبعا بأفهم في الموتور و الميكانيكا بحكم عملي كمهندس بحري , وذهبت الي الامتحان دون اي واسطة و لم أدفع مليم واحد و هي دي كانت المشكلة ....

البيه الظابط امتحني في كل اشارات المرور , انا الوحيد بين اللي كانوا واقفين و لما جاوبته جاء دور المهندس ليسألني عن الموتور و طرق تبريده المهم بدأت أجاوب و لما سأل اسئلة اخري اكتر صعوبة تدخل احد سائقي النقل و قاله "ده جاي يطلع رخصة خاصة مش درجة اولي و لاتانية - ده ملاكي يابيه" و لكن رد المهندس كان "معلش ده مهندس و لازم يجاوب" و فعلا جاوبته باجابة لم تخطر له علي البال أو الخاطر لانه اصبح موظف متجمد و متحجر فقال لي " طيب هانشوف هاتعمل ايه في العملي "

و فعلا في العملي دخلت بالعربية بين الاقماع بدرجة عالية من التحكم في السيارة اعجبت الكثير من اللي كانوا واقفين , و لزيادة صعوبة الامتحان قرر السيد المهندس اني ارجع بالعربية زي مادخلت و فعلا بدأت ارجع بضهري و عند اخر قمع لمحته في المراية الشمال و هو بيدفعه برجله علشان يقلل علي المسافة فأصطدمت به , لكن من غيظي كملت عليه باقصي سرعة و فرمته

طبعا حضراتكوا كده عرفتوا نتيجة الامتحان - سقطت طبعا و الظابط قالي "ابقي قابلني لو طلعت رخصة "

هنا ياسادة لجأت الي الواسطة وواسطة جامدة كمان و ذهبت تاني يوم و حصلت علي الرخصة و ذهبت الي حضرة الظابط علشان يشوف الرخصة و قولت له " اديني طلعت الرخصة و جيت قابلتك":k16:

**Noha-Esmat** · 24-10-2008 03:03 PM

المشاركة الأصلية كتبت بواسطة SE_coralsea

هنا ياسادة لجأت الي الواسطة وواسطة جامدة كمان و ذهبت تاني يوم و حصلت علي الرخصة و ذهبت الي حضرة الظابط علشان يشوف الرخصة و قولت له " اديني طلعت الرخصة و جيت قابلتك":k16:

بس اللى معندوش واسطة ;)

**Samir Elshahawy** · 24-10-2008 03:08 PM

ربنا يكون واسطته

**Noha-Esmat** · 24-10-2008 03:11 PM

المشاركة الأصلية كتبت بواسطة SE_coralsea

ربنا يكون واسطته

100 100 صح كده

**ibrahimsaad** · 24-10-2008 06:16 PM

عندنا فيه ناس متخصصين يجيبلك الرخصه وانت قاعد فى بيتك من غير امتحان ولابهدله فى مقابل 300 ج يتم اقتسامهم بين الوسيط والمرور

هى دى مصر

بس الحمد لله انا رحت واخدت دوره وبعدين سقطت فى الامتحان عن عمد منهم طبعا فاضطررت لانجاز الاحتبار بالواسطه مع شده تضررى منها

**SeiffoZ** · 24-10-2008 06:22 PM

المشاركة الأصلية كتبت بواسطة nohaesmat

بس اللى معندوش واسطة ;)

يا نهى الإمتحان بقى كمبيولر بعنى مابقاش فى مجال إن حد يديكى الدرجة ... الكمبيوتر جاوبتى صح هيديك درجة ... ما جوبتيش خلاص ...
فإنتى روحى إتوكللى على الله و كله تمام ... حتى العملى لو موقعتيش إفماع و الله لو الظابط عايز إيه مش هيقدر يمنعك من الرخصة ....
إسمعى كلامى و روحى و خليكى قوية واثقة من نفسك و دافعى عن حقك

الموضوع: هوا عشان أطلع رخصة .... لازم أدفع رشوة ؟؟؟؟؟؟؟؟؟؟؟؟؟؟

LinkBack

أدوات الموضوع

عرض

-

-

-

-

-

-

-

-

-

-

المواضيع المتشابهه

من فضلكم عايز أطلع رخصة خاصة

أنا مش من القاهرة !! و عايز أطلع رخصة رياضية

عايز أطلع رخصة بالواسطة

الكلمات الدلالية لهذا الموضوع

المفضلات

المفضلات

ضوابط المشاركة