هوا عشان أطلع رخصة .... لازم أدفع رشوة ؟؟؟؟؟؟؟؟؟؟؟؟؟؟

**calipha3** · 24-10-2008 07:46 PM

هي مسأله حظوظ انا رحت اطلع رخصه شفت العجب و لسه مطلعتهاش بقالي سنه اهو اول حاجه امتحان الكمبيوتر وده كلام فارغ ليهم موقع و تشتري كارته و تشوف الاسئله بس برضه ناس كتير سقطوا فيه و الامتحان العملي معظم الناس سقطت يعني و احد سمي و ركب و لسه هيطلع الضابط قله انزل ساقط و احد تاني العربيه كل شويه تقف منه و سواقه هباب بس نجح اصل الضابط كان بيكلم واحد و مخدش باله هو في اليومين الي رحتهم كل يوم من 8 الصبح ل 5 العصر و في الاخر سقطنا :k17:

**SeiffoZ** · 24-10-2008 07:46 PM

المشاركة الأصلية كتبت بواسطة MedoMurcilago

وبصراحه بما انك بنت معتقدش انك بارعه دي

ا

أعترض .... فى بنات جامدين جدا فى السواقة أجدع من أى ولد بس قليلين ..
عشان عدد البنات إللى قلبهم ميت قليل ..
و يا جماعة لو إتعلمت سواقة و روحت إمتحنت هتنجح .. مش كيمياء هى ... شوف الإمتحان العملى عامل إزاى و إتدرب عليه قبل الإمتحان و إن شاء الله هتعديه من أول مرة ..
النظرى كمبيوتر يعنى مافيش مجاملة بس محتاج إنك تكون فاهم كويس و هتحتاج منك مثلا يومين تقرا الكتاب الأزرق و تشوف كده فى المواقف المختلفة إيه الصح ....
الواسطة دى للكسول إللى مش عايز أصلا يمتحن ...
زمان كان فى واسطة فى النظرى بس دلوقتى بقى كمبيوتر .

**Noha-Esmat** · 24-10-2008 07:49 PM

المشاركة الأصلية كتبت بواسطة meramor81

طيب انا عاوزه اعرف اية افضل مدرسه بتعلم وبتسلم الرخصه وممكن عنوانهاانااخدت كورس بس عاوزه ممارسه حتي اتمكن اكتر اناتبع مرور عبود

ممكن تعملى بنصيحة blazer و تروحى المدرسة اللى فى شارع التحرير دى

المشاركة الأصلية كتبت بواسطة blazer

اعتقد فى حل :)
لو انتى روحتى مدرسه المرور اللى هى فى شارع التحرير(دا هو الفرع الرئيسى)
تقدمى انك عاوزه تاخدى كورس تعليم القياده وتدفعى الرسوم بتاعتها اللى هى حوالى 150-200 جنيه
وتجيبى 6 صور و كام حاجه كدا هيطلبوها منك
بعد ما تخلصى الورق هيدوللك مواعيد اللى هتتعلمى فيها السواقه (عاوزه تروحى روحى ومش مشلكه لو كبرتى و مرحتيش خالص لانى عملت كدا )
اهم حاجه تعرفى معاد الاختبار هتروح وتعرفى مين المفروض اللى كنتى تتعلمى معاه و تروحى معاه للاختبار هتمتحنى و تنجحى و تطلعى الرخصه و على فكره محدش بيسقط هناك الا لو معرفتيش تعدى من الاقماع

بس مش عارفة هيا تبقى قريبة منك ولا لأ

**SeiffoZ** · 24-10-2008 07:51 PM

المشاركة الأصلية كتبت بواسطة calipha3

هي مسأله حظوظ انا رحت اطلع رخصه شفت العجب و لسه مطلعتهاش بقالي سنه اهو اول حاجه امتحان الكمبيوتر وده كلام فارغ ليهم موقع و تشتري كارته و تشوف الاسئله بس برضه ناس كتير سقطوا فيه و الامتحان العملي معظم الناس سقطت يعني و احد سمي و ركب و لسه هيطلع الضابط قله انزل ساقط و احد تاني العربيه كل شويه تقف منه و سواقه هباب بس نجح اصل الضابط كان بيكلم واحد و مخدش باله هو في اليومين الي رحتهم كل يوم من 8 الصبح ل 5 العصر و في الاخر سقطنا :k17:

معلش لو إنت بتعرف تسوق كويس و مغلطش هتنجح ...
و لو الظابط عمل زى ما أنت قلت ده إنت تنزل من العربية و تروح تكلمه لبخ معاك تزعق و تصر إنك تقابل اللواء مدير مركز المرور و تعمل مشكلة و متخفش و مايهمكش حد تقول ما إنت بأدبك و بثقة و قوى الكل هيعملك إحترام

**Noha-Esmat** · 24-10-2008 07:52 PM

المشاركة الأصلية كتبت بواسطة calipha3

ليهم موقع و تشتري كارته و تشوف الاسئله بس برضه ناس كتير سقطوا فيه

ممكن تقولنا ايه الموقع ده ؟؟؟ قصدك موقع على النت يعنى؟؟؟

**masterzmind** · 24-10-2008 08:50 PM

la2 ya noha ana 3amlt zayek bosi ana moror fasel we ro7ot we gay bklem el 3skari we 2delo flos ra7 nadali el zabet we el zabet 2li 2b2a 5ali .... yetl3halak balaaash tetfa3i flos lea el 3skari bosi men el 25er we ana 3aref lazem tetfa3i 400 lea ay zabet anti 3arfa 3shan hoa 2li yershi el nas dea we bdal bldek keda mafhash 7ormanya ht3meli eh ya3ni

**Noha-Esmat** · 24-10-2008 09:22 PM

المشاركة الأصلية كتبت بواسطة masterzmind

we bdal bldek keda mafhash 7ormanya ht3meli eh ya3ni

يعنى لو الناس كلها بتسرق أروح أسرق زيهم

مش مقتنعة الصراحة

**calipha3** · 24-10-2008 09:51 PM

المشاركة الأصلية كتبت بواسطة Relentless_mayhem

معلش لو إنت بتعرف تسوق كويس و مغلطش هتنجح ...
و لو الظابط عمل زى ما أنت قلت ده إنت تنزل من العربية و تروح تكلمه لبخ معاك تزعق و تصر إنك تقابل اللواء مدير مركز المرور و تعمل مشكلة و متخفش و مايهمكش حد تقول ما إنت بأدبك و بثقة و قوى الكل هيعملك إحترام

فعلا ده الي حصل مع الراجل الي قلبي و هو كمان سواق و عاوز يطلع رخصه عشان شغله و يدوبك ركب ملحش يطلع بالعربيه راح الضابط قله اطلع ساقط و الله كل الناس بقت تخبط ايد علي ايد و الراجل هيعمل ايه مفيش لواء ولا لوز هو مركز مرور صغير!
اما انا فكنت احسن شويه سيبني اسوق و الف بين كل القراطيس و اقبل اما الف راجع قالي انزل ساقط

ايه ليهم موقع علي النت هو معروف و الله تايه عن دماغي الان بس اكيد الناس هنا عرفينه اصل انا كنت متعلم مدرسه النظام هنا بنسوق 30 دقيقه كل 3 ايام في الاسبوع لمده شهر و الجزء النظري بنشتري كرت ب 10 جنيه من المرور و بندخل الموقع علي النت و هي في العاده اسئله الامتحان!

**Noha-Esmat** · 24-10-2008 10:12 PM

المشاركة الأصلية كتبت بواسطة calipha3

ايه ليهم موقع علي النت هو معروف و الله تايه عن دماغي الان بس اكيد الناس هنا عرفينه اصل انا كنت متعلم مدرسه النظام هنا بنسوق 30 دقيقه كل 3 ايام في الاسبوع لمده شهر و الجزء النظري بنشتري كرت ب 10 جنيه من المرور و بندخل الموقع علي النت و هي في العاده اسئله الامتحان!

مش فاهمة يا calipha3 ممكن توضح لو سمحت .............

**calipha3** · 24-10-2008 10:28 PM

الموقع علي النت فيه اسئله لتعليم السواقه فيه جزء مجاني بيتشوفه و جزء لازم تدخل رقم الكارته الي انت شاريها من المرور و مده الكارته 30 دقيقه انا معرفش نظام باقي المرور ايه بس هو ده النظام في بلدي و انا كنت شايف موضوع علي المنتدي هنا واحد رافع اسئله ممكن تشوفها و هي تقريبا نفس الاسئله
بالنسبه للرشوه ده مش شرط يعني مثلا اما تسوق العربيه في واحد من المرور بيكون راكب جنبك لو اديته 20 جنيه هيساعدك لو مخدش عادي بس مش هيتكلم خالص .

الموضوع: هوا عشان أطلع رخصة .... لازم أدفع رشوة ؟؟؟؟؟؟؟؟؟؟؟؟؟؟

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

من فضلكم عايز أطلع رخصة خاصة

أنا مش من القاهرة !! و عايز أطلع رخصة رياضية

عايز أطلع رخصة بالواسطة

الكلمات الدلالية لهذا الموضوع

المفضلات

المفضلات

ضوابط المشاركة