يا ريت لو تجيبلنا اللينك و شكرا ليك مقدماً
محدش قالي علي عنوان للمدرسه اللي بطلع رخص اناساكنة في الزيتون وتبع مرور عبود اروح فين
لازم وسطه ولازم رشوه مش في الرخص وبس في اي مكان حكومي او اي مصلحه
http://www.nilemotors.net/Nile/showt...E3%CA%CD%C7%E4
والموقع عنوانه futuredriver.org
موضوع الرخصة دة تاعبني انا خايف اسقط واستني 3شهور تاني
ولو جبت واسطة بابا مش هيثق فيا ويخليني امسي بالعربية عادي
معادلة صعبة
الواحد لو ممكن يستغرق سنة في عمل الرخصة يبقي علي عيني وراسي بس تكون هي دي القوانين ساعتها مفيش حديخبطك من الجنب ولا النقل يمشي علي الشمال وكل الظواهر الجميلة في الطريق
في عضو معانا قال انو فضل يذاكر تقريبا 3سنين عشان ياخد الرخصة من اول مرة وصورتو تنزل في جريدة البلدة الي هو فيها بس دة كان من هولندا مش فاكر بالضبط البلد بس هيا في اوروبا
توكلى على الله يانهى وروحى وماتخافيش
فعلا اللى بيخاف ربنا ويتحرى اوامره ونواهيه ربنا بيقف معاه
بجد مش كلام عن تجربة واقعية
الموضوع مش صعب قوي كدا !!!
انا سمعت الكلام دا كتير قوي قبل ما اطلعها !!! كل اللي عملته واحد من اللي بياخدو الورق رخم كدا و اديته 10 جنيه !!
و علي حظي ان بتاع الاشارات مجاش :biggrinjester:
غير كدا الباقي عدي عادي جدااا يعني !! ولا واسطه ولا بتاع
اللي عاوز يطلعها يتوكل علي الله و يروح يجرب بنفسه الاول :)
هو إنتى تبع مرور السلام بأمانة ربنا يكون فى عونك أنا من م. السلام والمفرض إنى تبع مرور السلام بس الحمد لله محتاجتش منهم آى حاجه لإنى رخصتى طالعة قوات مسلحة دا على أساس إنى والدى ضابط ولحسن حظى برضه إنى مختبرتش ولا الهوا كمان والرخصة طلعت فى ربع ساعة بالضبط ( على فكرة أغلبية النظام فى مرور القوات المسلحة كدا)
عمومآ إنتى الأول لازم تكونى بتعرفى أ ب سواقة . ويوم متحبى تطلعى الرخصة مش لازم تيجى بعربيتك طالما إنتى لسه مش آوى وخايفة . فى قدام مرور السلام عربيات زى ال 127 وحاجات كده بتتأجر تخشى تمتحنى بيها بس . إنتى قوى قلبك ويوم ما تنوى أبقى عرفينا . ومتقلقيش من مرور السلام نهائى
انا كنت فى نفس موقفك دة بالظبط من شهرين وكنت عايزة اطلع الرخصة من غير رشوة او واسطة وكل اللى حواليا ضحكوا عليا وقالولى مستحيل ( وعلى فكرة انا تبع مرور بين السرايات )يعنى سئ زى كل مرور مصر
المهم رحت أول مرة وامتحنت وسقطت:funny34d:.... حسيت انة امتحان من ربنا عشان اشوف نفسى هتمسك بمبدأى ولا لأ مع أول تجربة فشل ...
وسألت عسكرى قبل ما امشى من المرور قلت لة انا لازم استنى 3 شهور:sweatdrop: عشان اعمل الرخصة تانى قاللى لأ ممكن تيجى بعد اسبوع وفعلا رحت بعد اسبوع والحمد لله طلعتها من غير ولا رشوة ولا واسطة وبجد فرحت جدا انى طلعتها فى الاسبوع التانى عشان حسيت بفرحتها اكتر بعد تجربة الفشل الاولى :auto:
اهم حاجة تمسكى بمبدأك وان شاء الله ستنالى ما تريدين مادمت لا تريدين إلا الخير
وإياك واليأس من رحمة الله
ويارب أكون أفدتك وثبتك على مبدأك الصحيح