انا اضحك على :(

**Mo.Kareem** · 11-09-2014 06:40 PM

المشاركة الأصلية كتبت بواسطة hi_nmr

خلاص يا عم قلبك ابيض معلش
انت كريم وهو ما يستاهل
اللي يضايق اكتر انه بيجي يعد معاك ويتكلم ويتفق ويفاصل وهو بايعها اصلا :(

ههههههههههههههههه هو ده مربط الفرس ، انت بعت العربية ومحترمتش حلفانك بالله ، ايه الداعى بقى تفضل طول الفترة دى تشتغلنى؟؟؟؟؟؟؟؟؟؟؟؟؟؟؟

**Mecha** · 11-09-2014 07:16 PM

اانت مدحكش عليك
الحمد لله مخسرتش ,شويه مشاريب و دخان
بيع وشرا وناس ملهاش كلمه وانت متتعشمش قوي وممكن يحصل من جانب الشاري
طظ ولا يهمك

**Mo.Kareem** · 11-09-2014 07:24 PM

المشاركة الأصلية كتبت بواسطة mecha

اانت مدحكش عليك
الحمد لله مخسرتش ,شويه مشاريب و دخان
بيع وشرا وناس ملهاش كلمه وانت متتعشمش قوي وممكن يحصل من جانب الشاري
طظ ولا يهمك

فعلاً طظ ولا يهمنى ، وزى ما حضرتك قولت بلاش تتعشم فى ناس مش قد كده

**KemozTanta** · 11-09-2014 08:53 PM

هو معلش في الكلمة .. ركنك جنبة كام يوم علي بال مايشوف اعلي سعر يجيلة
وشكلة انسان مادي وحد رماله الف ولا اتنين زيادة و متمرش فيه اى عزومات..
ابعتله رساله مش مسامحك علي بهدلتي وفي كل قرش طفحت وشربت بيه..
ومرة تانية البيع مع ناس اول مرة تتعامل معاها يبقي كلمة ونص ,, هيبيع واتاكدت من العربية وتمام..تاني يوم تشتري وتدفع وتخلص الموضوع

**Mo.Kareem** · 11-09-2014 10:25 PM

المشاركة الأصلية كتبت بواسطة kemoztanta

هو معلش في الكلمة .. ركنك جنبة كام يوم علي بال مايشوف اعلي سعر يجيلة
وشكلة انسان مادي وحد رماله الف ولا اتنين زيادة و متمرش فيه اى عزومات..
ابعتله رساله مش مسامحك علي بهدلتي وفي كل قرش طفحت وشربت بيه..
ومرة تانية البيع مع ناس اول مرة تتعامل معاها يبقي كلمة ونص ,, هيبيع واتاكدت من العربية وتمام..تاني يوم تشتري وتدفع وتخلص الموضوع

ماهو الواحد مش بيبيع ولا بيشترى كل يوم علشان كده مفيش خبرة جامدة فى الموضوع ده ، مديرى فى الشغل مصرى بس متربى ومتعلم فى اميريكا وانا شغال معه من حوالى 18 سنة اتعلمت منه ان مفيش افضل من انك تكون دوغرى ومن غير لف ودواران ، ده بقى طلع عينى بكرة لاء بعدة لما زهقنا فى عشتى حسبى الله ونعم الوكيل فيه

**Land_Cruiser** · 11-09-2014 10:57 PM

قدر الله و ما شاء فعل. بصرف النظر عن المصاريف و عدم احترام الراجل ده لكلمته اعتقد ان اللي حصل لحضرتك ده اقل الخسائر و انت الكسبان يعني تخيل انك اشتريت عربيه حوادث من شخص غير مسئول زي ده تخيل بقي المشاكل اللي كانت ممكن تطلعلك فيها و ساعتها و لا هيعرفك طبعا و هيبقي اضحك عليك فعلا لانك هتخسر ال ٥٠ الف دول حتي و بعدين اي فلوس هتدفعها في العربيه للتصليح هتبقي كأنها مرميه في الارض لان العربيه خلاص بقت تصنيفها حوادث و احتمال حتي تتعب في بيعها اصلا . عندي نصيحتين لحضرتك و هما انك تبعد عن موضوع عربيات الحوادث لانها خطر حتي و ليست اعتماديه و اللي بيشتريها يا اما بيبقي علشان يستخدمها كقطع غيار او هيعرف يتصرف في تصليحها لما تعطل منه يعني يعرف صنايعيه كويسين يلحقوه و خليك في حاجه استعمال بس حاله كويسه حتي لو كانت فئه اقل بس تبقي سليمه و ما تتعبكش معاها. النصيحه التانيه انك ما تتخدعش في المظاهر لان اغلبيه النصابين بيعتمدوا علي المظهر او الوظيفه او المكان اللي ساكنين فيه فلا تضع للموضوع ده اولويه قوي و اهم حاجه حاله العربيه الفعليه و الكشف في التوكيل او في مركز خدمه معتمد

**Mo.Kareem** · 11-09-2014 11:10 PM

عند حضرتك حق طبعا ، بس لو حضرتك لحظت انا قولت فى اول الموضوع ان الخبطة كانت فى الصاج بس والعربية كانت ديرة والتكييف شغال الخبطة كلها كانت فى الشنطة ومسمعة فى القايم اللى وره ، وانا فى الاول والاخر بدور على حاجة شكلها كويس ومريحة فى السوقة

**ENG.MaRk** · 11-09-2014 11:39 PM

اسمحلي أتحامل عليك شوية ... انت غلطان و 60 غلطان كمان ... ماتشبطش في حاجة و اتكلم بغناوة و لف السوق كله عشان تعرف تلعب معاه في السعر و تقدر تقوله ينزل علي طول ... أسبوعين !!! يا طولة بالك يا أخي ... أسبوعين دول كنت لفيت السوق كله و اخترت أحسن عربية و برضه ماكنتش هصرف كل المبلغ ده و لو كنت صرفت علي الأقل ماكنتش هحس إني اتضحك علي ... ربنا معاك و يا رب الأزمة تتحل و نصيحة مني ليك ... لو ضامن عربيتك اوعي تبيعها لأن الألماني النضيف مابيتعوضش إلا لو هتركبه زيرو و أعتقد في ظروفك بعيدة شوية فكرة الزيرو ... سامحني لو تحاملت عليك و لكن لازم تاخد بالك بعد كدة و فكك من حوار عربية عاملة حادثة و تصلحها و اتكل علي الله في النوبيرا أو كورولا قديمة شوية لأنك مش هتقعدها معاك كتير

**Super_Star_h** · 12-09-2014 05:03 AM

المشاركة الأصلية كتبت بواسطة Mo.Kareem

الظروف احياناً بتحكم عليك ، ويمكن علشان معى اوكتافيا مستريحتش فى ولا عربية من اللى اتفرجت عليهم فى القاعدة حتى مش فى السوقة ، دى اللانوس حسيت انى مخنوق ومش عارف ارفع دماغى ، انا طولى على فكرة 188 سم

طب ما تفكر فى الميجان ؟
مش هتلاقى عربيه فى سعرها وبأمكانياتها
عربيه وسعه ومريحه وناعمه جدآ
شرط تدور على واحده حالتها نضيفه ومش هتندم صدقنى عربيه ركوبه محترمه جدآ
ومش هتحس بفرق كبير بينها وبين ال a5 يمكن هتلاقى الميجان انعم واريح منها كمان
على فكره انا فى نفس طولك 188
وبقعد مستريح جدآ فيها
وبسوق بال 24 ساعه مبتعبش

**semi** · 12-09-2014 06:34 PM

ياباشا ده بني ادم غريب جدا يعني مش قادر بصراحة ااقول عليه نصاب
لانه مش نصب عليك في حاجه بس ياريت كان نصب عليك
لان اللي عمله ده مش لاقيله وصف او اسم
بس يمكن كان عايز يبعيلك فعلا بس ركنك يمكن يلاقي سعر اعلى ولا حاجه
بس انت كنت بتروحله تقعد معاه بالساعه بتعمله ايه بتحاول تقنعه يعني
ما انت برضه اللي غلطان سبته عمال يدلع وشكله بني ادم مستغل
عامة عسى ان تكرهوا شيئا وهو خيرا لكم يمكن دي علامة عشان تبعد عن حوار الحوادث ده
خليك احسن في العدل 60 الف تجيبلك اجدعها عربية وعندك الفولكس وتبقى انت نزلت من الماني لالماني
لان صعب تنزل من الماني لكوري او ياباني

الموضوع: انا اضحك على :(

LinkBack

أدوات الموضوع

عرض

-

-

-

-

-

-

المواضيع المتشابهه

هو انا كدة اضحك على

اضحك

اضحك مع ال i10

اضحك

الكلمات الدلالية لهذا الموضوع

المفضلات

المفضلات

ضوابط المشاركة