يا ترى رايح على فين يا سوق الهاتشباك؟

**OlaOsman** · 24-10-2008 01:49 PM

انتشرت في الفترة الأخيرة أنواع غريبة عجيبة الشكل مريبة من السيارات الهاتشباك ذات المواصفات و الكماليات الخرافية و في نفس الوقت سعرها تحت أوي.. من ضمنها عربية معلن عنها في أهرام النهاردة اسمها Benni، تقريبا في حجم الشيري QQ أو أصغر شوية، بس مواصفاتها كما يلي:
- 1300 سي سي
- 85 حصان
- باور ستيرينج
- زجاج كهربائي أمامي و خلفي
- جنوط سبور
- فوانيس شبورة
- فرامل ABS+EBD
- وسائد هوائية
- سنتر لوك
-تكييف
- CD+MP3

الوكيل بتاعها الشركة العربية لتجارة السيارات.. حد سمع عنها دي؟ و في الآخر الإعلان لوجو اسمه CHANA

صيني دي يا جماعة؟ و سعرها كام يا ترى؟ دي لو سعرها رخيص دي تغلب ماركات نانية كتير محترمة.

طبعا ده غير البيري اللي كل ما حد ما يعرفش السيريون بتاعتي يقول لي: و اشمعنى الصيني يعني اللي جبتيه؟.. أصلها في الهيكل شكل السيريون شوية :D

البيري دي برضه مواصفاتها و كمالياتها بينافسوا جدا، خصوصا ان سعرها يبدأ من 52000 زي ما هو مكتوب في جرنال النهاردة.. يا ترى الموجة دي واخدة سوق السيارات في مصر على فين؟

**blazer** · 24-10-2008 01:56 PM

مودياه على ان اى حد عاوز يجيب عربيه و نفسه يشترى زيرو هيقدر يجيب بس فى مقابل ان العربيات دى مش معروفه الا عندنا و ضمانها و توكيلها وقطع غيارها مش معروفه
و الزحمه هتزيد اكيد

**ibrahimsaad** · 24-10-2008 02:07 PM

البينى دى سياره صينى من شركه Chana لكنها اكبر من الشيرى واقوى موتور

عموما انتشار السيارات الصينيه بمصر راجع الى

1- قله دخل الفرد من الدخل القومى
2-كثره الالتزامات العائليه
3-ارتفاع اسعار السيارات الاعتماديه وذات الماركات المعروفه
4-احتياج اى اسره اليوم الى سياره لصعوبه المواصلات حيث انها اصبحت من الاساسيات وليس الكماليات

وبالتالى حينما يريد اى شخص من اصحاب الطبقات المتوسطه سابقا وحاليا الطبقه المعدمه شراء سياره لن يجد الا تلك الفئه الصينيه ذات السعر المنخفض حتى لو كانت على حساب الجوده لانه ليس امامه خيار اخر

اما الموت كل يوم فى زحمه وبهدله المواصلات واما الصينى واعتقد ان الصينى مش وحش للدرجه دى

**zizophone** · 24-10-2008 02:18 PM

وانا عندي نفس الرأي دة
اما الموت كل يوم فى زحمه وبهدله المواصلات واما الصينى واعتقد ان الصينى مش وحش للدرجه دى

**OlaOsman** · 24-10-2008 03:40 PM

ده على كده بأه السبارك و السوزوكي الألتو ينزووا خالص و ما يحاولوش يظهروا عشان فرق الكماليات و المواصفات بينهم و بين الBenni مش في صالحهم خالص بكل تأكيد.

**elassar2010** · 24-10-2008 03:47 PM

سعر السزوكى التو والسبارك مبالغ فيهم جدا جدا
ودة سر انتشار الصينى وخصوصا اسبرنزا لوجود توكيل محترم بيدعمها يعنى السبارك ولا a113 طبعا 113

**Dr.A.Nabil** · 24-10-2008 04:02 PM

ما اهو لو انا معيش غير ال 50 الف مثلا
ومش هاقدر ادفع اقساط
وعايز اجيب عربيه زيرو
مضطر اني اجيب البتاعه اللي حضرتك بتقولي عليها !!

**elbaz45** · 24-10-2008 05:28 PM

أغلب الظن ان احنا فى لسنا فى سوق حر ولكن فى سوق احتكارى يعنى مثلا غبور واخد توكيل هيونداى ومحدش بينافسه ولا بيفكر يخش معاه فى التوكيل حتى ولغاية دلوقتى انا مش عارف ليه التوكيل مياخدوش اكثر من واحد لان بكدة الخدمة هتكون احسن والصيانة افضل ومتوفرة زى نوكيا فى الموبايلات هتلاقى ليها اكتر من وكيل زى i2, راية , رينج وبكدة يحصل تنافس لان التنافس هو عدو الاسعار الاول فى العالم

**Karim_Mohy** · 24-10-2008 05:36 PM

nafs el kalam 3la el 3arabya el noble shakl el smart aw akbar sna .....bs fe haga ...el hagat el seeny el mafrood enaha msh mo3amra ya3ny msh bekafa2et el yabany..??? wla eh??