السلام عليكم
ديه اول مشاركة ليا فى المنتدى الرائع NileMotors
والصرحة من كتر اعجابى واستفدتى منه كثير قبل كده قررت ان اسجل فيه
واحب اشكر كل القائمين على المنتدى من اعضاء ومشرفين و زوار
----------------------------------------------------------------------------------
انا الحمد لله تعالى لسه مستلم كيا سيراتو 2015 EX FO وكيل اتوماتيك وديه او تجربة ليا مع العربيات الحديثة والاوتوماتيك ولسه مرخصتش
وكنت محتاج خبراتكم فى كام سؤال كده
ا - انا محتاج اركب لها فرش جلد للكراسى وللارضيه فهل ده لازم عند التوكيل ولا بره التوكيل هل ده يخرجها من الضمان ولا لا ومين احسن مكان ممكن اركبه عنده
2- انا لاحظت ان العربية مفيهاش انذار ولا سنسور بارك فدول ممكن اركبهم عند التوكيل عادى مع العلم ان العربية جاية ب 2 ريموت فهل الانذار هيشتغل على الريموتات الاصلية عادى ولا هيتغيروا ولا ايه
3- انا لاحظت انى لما بقفل العربية بالريموت والزجاج مفتوح الزجاج مبيقفلش لوحده لازم اقفله الاول وانا فى العربية مع انى شوفت الاوبشن ده موجود فى عربيات تانيه قبل كده انه لو االزجاج مفتوح وقفلت العربية بالريموت الزجاج بيتقفل هو كمان .... فديه افعلها ازاااى عندى فى العربية وهتكلف كام تقريبا والاوبشن ده اسمه ايه
4- التكييف اشغله ولا لسه شويه ... علشان فى المعرض قلى متشغل التكييف الا بعد صيانة 1000 فهل ده صحيح
5- العربية اتوماتيك وفيها ستبترونيك وبتاع المعرض قلى ده متشغولش وخليها على الاوتوماتيك فهل ده صح وايه الحالات اللى استخدم فيها وضع الستبترونيك
ولو فى اى نصائح ممكن تفيدونى بيها يبقى جزاكم الله كل خير لحسن اخوكم لسه خام
ومتشكر جدا ليكم واسف على الاطالة
المفضلات