من فضلكم عايز حل للمشاكل دي سيراتو 2014

**2tsh** · 12-09-2014 01:24 AM

هناك بعض المشاكل اللي حاسس انها مضايقاني في العربية.و عايز اعرف حلها ايه..اولا: العربية الدهان بيلم تراب جامد و مش بتنضف الا بالغسيل يعني مثلا ابقي لسه غاسلها في اكثر من مكان و لما يجي عليها تراب مش بتتمسح باي قماشة يفضل التراب لازق فيها يعني التراب ما بيتشلش علي الناشف خالص حتي بفوطة زفرة لازم اغسلها بالمياه..حاجة غريبة مش عارف ايه حلها علي الرغم ان السيارة وكيل زيرو فيراني عاملة 4000 كم...تاني حاجة صوت السماعات اللي ورا ضعيف اوي مش زي اللي قدام خالص...ثالثا سخونة بتطلع من عند دواسة البنزين في المسافات الطويلة..رابعا بحس انها بتاكل بنزين يعني مثالا من القاهرة للاسكندرية 210 كم بلاقي تلات اربع التانك خلص لو كنت مفول قبل ما اطلع علي الطريق...ما هو الحل في هذه المشاكل..ويا ريت اللي عندهم العربية نفس اللون الفيراني يقول لي هل دهان العربية كدة بردو ولا ايه شكرا

**john55** · 12-09-2014 01:37 AM

ممكن حضرتك تروح اي ورشه دوكو وبلمع العربيه بلواكس wax بيخلي العربيه متلمش تراب وسهوله ازالته

**Adnfalcon** · 12-09-2014 02:19 AM

السخونه بسبب سوء عزل ماسوره السخن وتقدر تعزلها بسهوله او تفصل السخن

**Hosam_Optrawy** · 12-09-2014 02:24 AM

المشاركة الأصلية كتبت بواسطة 2tsh

اولا: العربية الدهان بيلم تراب جامد و مش بتنضف الا بالغسيل يعني مثلا ابقي لسه غاسلها في اكثر من مكان و لما يجي عليها تراب مش بتتمسح باي قماشة يفضل التراب لازق فيها يعني التراب ما بيتشلش علي الناشف خالص حتي بفوطة زفرة لازم اغسلها بالمياه..حاجة غريبة مش عارف ايه حلها علي الرغم ان السيارة وكيل زيرو فيراني عاملة 4000 كم...

إنت بتغسلها بصابون عادى وبريل والحاجات دى ولا إيه , أفضل حاجه تجيب Armor All أو Sonax دول اللى أنا باستعملهم وعربيتى نفس اللون على فكره عشان تحافظ على الدهان

غطا واحد على جردل المياه وتشطف كويس وتنشف

ونصيحه بلاش الفوطه الزفره

تاني حاجة صوت السماعات اللي ورا ضعيف اوي مش زي اللي قدام خالص...

دى بتتظبط من ال Setup بتاع ال Sound على ما أذكر هاتدوس على Fader Balance هاتلاقى جايبلك الأربع السماعات وانت تشوف عايز تخلى كله اد بعضه ولا جنب أعلى من جنب ولا ورا أعلى من أدام أو العكس

ثالثا سخونة بتطلع من عند دواسة البنزين في المسافات الطويلة..

في بعض الملاك ظهر عندهم الموضوع دا وإختفى وفى ناس ماظهرش لو الفضل العيب مستمر عندك ممكن تعزل الحته دى

رابعا بحس انها بتاكل بنزين يعني مثالا من القاهرة للاسكندرية 210 كم بلاقي تلات اربع التانك خلص لو كنت مفول قبل ما اطلع علي الطريق

هو فعلا تلات اربع التانك كتير في 210 كم بس هي مش بتتحسب كدا , بتتحسب مشيت كام كيلو بكام لتر يعنى تفول وتمشى مسافه معينه وترجع تفول تانى وتشوف خدت كام لتر

يعن مثلا لما انت فولت ومشيت 210 كيلو لو فولت تانى بتاخد كام لتر ؟

**2tsh** · 12-09-2014 02:43 AM

المشاركة الأصلية كتبت بواسطة adnfalcon

السخونه بسبب سوء عزل ماسوره السخن وتقدر تعزلها بسهوله او تفصل السخن

العزل بيفك ايه بالظبط و هل بيأثر علي حاجة مستقبلا و بيدخل في الضمان ولا ﻷ...شكرا

**2tsh** · 12-09-2014 02:53 AM

المشاركة الأصلية كتبت بواسطة Hosam_Optrawy

إنت بتغسلها بصابون عادى وبريل والحاجات دى ولا إيه , أفضل حاجه تجيب Armor All أو Sonax دول اللى أنا باستعملهم وعربيتى نفس اللون على فكره عشان تحافظ على الدهان

غطا واحد على جردل المياه وتشطف كويس وتنشف

ونصيحه بلاش الفوطه الزفره

دى بتتظبط من ال Setup بتاع ال Sound على ما أذكر هاتدوس على Fader Balance هاتلاقى جايبلك الأربع السماعات وانت تشوف عايز تخلى كله اد بعضه ولا جنب أعلى من جنب ولا ورا أعلى من أدام أو العكس

في بعض الملاك ظهر عندهم الموضوع دا وإختفى وفى ناس ماظهرش لو الفضل العيب مستمر عندك ممكن تعزل الحته دى

هو فعلا تلات اربع التانك كتير في 210 كم بس هي مش بتتحسب كدا , بتتحسب مشيت كام كيلو بكام لتر يعنى تفول وتمشى مسافه معينه وترجع تفول تانى وتشوف خدت كام لتر

يعن مثلا لما انت فولت ومشيت 210 كيلو لو فولت تانى بتاخد كام لتر ؟

لأ انا بغسلها في بنزينة بالفوم جربت اكتر من بنزينة علشان قولت يمكن العيب في البنزينة نفسها..بعد ما بغسلها تاني يوم مثلا تلاقي عليها تراب مش بيرضا يتمسح لا بحته نشفا ولا بفوطة زفرة ولا بمناديل مثلا تلاقي التراب لازق عليها يعني لو مشيت ايدك عليها تلاقيها بتسيب علامات في التراب دا مش بيرضا يتمسح لازم علشان المعها يكون بالمياه..حتي جربت بالمساحة اللي بتتباع و بتكون متظفرة مفيش فايدة..كل الطرق دي كانت بتنفع معايا في عربيتي القديمة...تاني حاجة انا ظابط الsettings تمام و بردو صوت السماعات اللي ورا ضعيف جدا ولو خليت الصوت في السماعات اللي ورا بس تلاقيه ضعيف اوي

**bakkarahmed** · 12-09-2014 04:35 AM

حط عليها شمع وساعتها تنظيفها هايكون سهل
موضوع السخونه ده انا تقريبا اول واحد يﻻحظه وعملت عليه موضوع هنا اول ما استلمت العربيه بس السخونه قلت للنص بعد 5 ايام لواحدها بدون ما اعرف سبب منطقي وانا بعدها عزلتها والموضوع ابسط مما تتخيل ﻻنك بتفك فبره صغيره جنب دواسه البنزين هتﻻقي ماسوره السخن حوالي 15 سم هاتلف عليها شريط مطاط عازل وهاتحط عليها ربع فرخ عازل من بتاع التلاجات ده ماعرفش اسمه ايه وبعدين تركب الفبره تاني ومش هاتحس بسخونه ومش هايكلفك غير 40 او 50 جنيه بالكتير
استهﻻك البنزين عندك عالي وده مرتبط بنمط السواقه ﻻن العربيه البوابه بتاعتها كهربا وفيه ﻻج بسيط بين دوسه البنزين وبين اﻻستجابه وحضرتك بتعوضه بدوسه بنزين عنيفه ...انا جربت سواقه عنيفه كانت بتسف بنزين وحربت سواقه معتدله كان الكمبيوتر بيكتب متوسط استهلاك 6.1 ليتر
السماعات ورا مش ضعيفه وﻻ حاجه بس حضرتك عندك سماعتين جنب منك قدام وتويترين في الطابلوه فطبيعي تحس ان توزيع الصوت عندك افضل من ورا ولو عكست هتﻻقي الصوت مش حلو جرب تظبط التوزيع لغايه ماتوصل للي يناسبك انما الكاسيت اﻻصلي والصوت ممتاز جدا

**Mohamed_1414** · 12-09-2014 02:44 PM

انا عندي نفس المشكلة

**2tsh** · 12-09-2014 08:24 PM

المشاركة الأصلية كتبت بواسطة bakkarahmed

حط عليها شمع وساعتها تنظيفها هايكون سهل
موضوع السخونه ده انا تقريبا اول واحد يﻻحظه وعملت عليه موضوع هنا اول ما استلمت العربيه بس السخونه قلت للنص بعد 5 ايام لواحدها بدون ما اعرف سبب منطقي وانا بعدها عزلتها والموضوع ابسط مما تتخيل ﻻنك بتفك فبره صغيره جنب دواسه البنزين هتﻻقي ماسوره السخن حوالي 15 سم هاتلف عليها شريط مطاط عازل وهاتحط عليها ربع فرخ عازل من بتاع التلاجات ده ماعرفش اسمه ايه وبعدين تركب الفبره تاني ومش هاتحس بسخونه ومش هايكلفك غير 40 او 50 جنيه بالكتير
استهﻻك البنزين عندك عالي وده مرتبط بنمط السواقه ﻻن العربيه البوابه بتاعتها كهربا وفيه ﻻج بسيط بين دوسه البنزين وبين اﻻستجابه وحضرتك بتعوضه بدوسه بنزين عنيفه ...انا جربت سواقه عنيفه كانت بتسف بنزين وحربت سواقه معتدله كان الكمبيوتر بيكتب متوسط استهلاك 6.1 ليتر
السماعات ورا مش ضعيفه وﻻ حاجه بس حضرتك عندك سماعتين جنب منك قدام وتويترين في الطابلوه فطبيعي تحس ان توزيع الصوت عندك افضل من ورا ولو عكست هتﻻقي الصوت مش حلو جرب تظبط التوزيع لغايه ماتوصل للي يناسبك انما الكاسيت اﻻصلي والصوت ممتاز جدا

شكرا لحضرتك..هو الصوت نقي فعلا بس كمان بحس ان الbass ضعيف مش قوي اوي..فهل ممكن تغيير السماعات لحاجة احسن وهل ده بيفرق في الصوت و هل تغيير السماعات او تركيب amplifier يخرج العربية من الضمان..هل من الطبيعي ان العربية تكون لسه زيرو ومحتاجة شمع؟ والتوكيل بيعمله ولا ﻷ