المراوح كلاكيت تانى مره

**hazoom2006** · 12-09-2014 03:39 AM

انا كنت عملت موضوع عن مراوح الردياتير هنا وانها بتشتغل بعد تدوير بخمس ثوانى
غيرت اكتر من ساعه حرارة او صباع حرارة زى مابيقولو عليه لما اتجننت
روحت لكهربائى قعد يفك فى السلوك اقوله بتعمل اية يقولى سلك مفصول طيب بعد البحث والتفتيش ولما زهق قالى هاتهالى بكره افك الضفيره كلها ونجيب السلك قولتله على اية قلبك ابيض سلام عليكم
روحت لواحد تانى قالى المشكلة فى الكمبيوتر نفسة ماشى هتعملها يا معلم قالى اه يا باشا طلع الكمبيوتر
وجاب افوميتر وبيقيس اى حاجة فى اى حاجة وسلك الافوميتر بيعلق
قالى فى الاخر دى اى سي المراوح هتتكلف 180 جنيه قلته اعملها وانا فاقد الامل واهو مش هيخسر يلعب شوية زى اخواته وانا متاكد انه مش هيجيب نتيجة زى اخواته برده :
دخل جوه 10 دقايق وطلع خير يا ريس تمام نركب يا باشا ركب يا برنس
ركبنا ادور العربيه استنيت شوية المراوح تشتغل ماشتغلتش باينه هيعملها ولا اية استنيت شوية كمان لفى يا مروحة ماتكسفنيش ابداااا قولت الحمد لله .... اية دة طب افرض ماشتغلتش خالص وفضلت كده المكنه تسخن وتضرب قولت اشغل التكيف لقيتها فضلت شوية كده واشتغلت افصل التكيف وقفت الحمد لله الله ينور عليك

روحت مشوار المراوح ماشتغلتش قولت تمام الحرارة فى النص والمفروض سخنه وهيه الف جزمة مش بتشتغل غير مع التكيف

روحت البيت سامع الميه بتغلى والمراوح مواليد برج الطور ومركبة جزمة مابتشتغلش غير مع التكيف المهم احرق واسخن فى المكنه لحد ماالمؤشر طلع فوق النص بهفوه كده لقيت المراوح اشتغلت شوية ووقفت تانى
بس الميه بتغلى وحاسس ان المكنه سخنه اوى
هل كده فى ريلاى بايظ والمفروض بتشتغل على السرعه الاولى امته والسرعه التانيه امته برده ..... وهل لو بطلت العربيه وهيه سخنه المراوح بتلف شوية وهيه مبطله علشان تبرد المكنه ولا العربيه دى مافيهاش الكلام ده

اسف جدا على الاطاله بس مشكلة المروحة دى تعبتنى جدااااااااااااااااااااااا ااااااااااا وعايز اطمن اكتر

**عماد تامر** · 12-09-2014 02:20 PM

المراوح طبيعي بتشتغل اول ما مؤشر الحرارة يرتفع عن النص بشويه بسيطه جدا ولما بينزل عند النص تقف المراوح يعني لو المؤشر عند النص على طول يبقى كله تمام

**Abo_Mazen** · 12-09-2014 02:36 PM

المشاركة الأصلية كتبت بواسطة عماد تامر

المراوح طبيعي بتشتغل اول ما مؤشر الحرارة يرتفع عن النص بشويه بسيطه جدا ولما بينزل عند النص تقف المراوح يعني لو المؤشر عند النص على طول يبقى كله تمام

طيب حضرتك هو بيقول إن المؤشر بيعلى عن النص وبعدين المراوح تشتغل ..وبعدين المفروض المؤشر ما يعلاش أصلا عن النص ..

**hazoom2006** · 12-09-2014 02:50 PM

المشاركة الأصلية كتبت بواسطة عماد تامر

المراوح طبيعي بتشتغل اول ما مؤشر الحرارة يرتفع عن النص بشويه بسيطه جدا ولما بينزل عند النص تقف المراوح يعني لو المؤشر عند النص على طول يبقى كله تمام

لا الميه بتغلى وبسمع صوتها ولما يطلع عن النص مسافه ملى المراوح تشتغل شوية وتفصل
هل طبيعى المية تغلى بالطريقة دى

**hazoom2006** · 12-09-2014 04:06 PM

ولو العربيه سخنه وطفيت الموتور هل المراوح بتفضل شغاله شوية وتفصل ولا لا

**Abo_Mazen** · 12-09-2014 07:11 PM

المشاركة الأصلية كتبت بواسطة hazoom2006

ولو العربيه سخنه وطفيت الموتور هل المراوح بتفضل شغاله شوية وتفصل ولا لا

بص ..المفروض المؤشر ما يعلاش عن النص ..والكلام ده بالنسبه للعربيات الحديثه ..إنك لما تطفي العربيه المراوح تفصل علطول ولا تفضل شغاله لغاية ما تبرد ..دي بتختلف من عربيه للتانيه ..حسب الكهربا بتاعتها عامله إزاي ..حكاية إن المراوح بتشتغل بعد طلوع المؤشر عن النص ..دي فيها كلام

**ahmed2801** · 12-09-2014 08:47 PM

المشاركة الأصلية كتبت بواسطة hazoom2006

ولو العربيه سخنه وطفيت الموتور هل المراوح بتفضل شغاله شوية وتفصل ولا لا

يا عزيزى العربية بتاعتنا دى لما تطفى الموتور المراوح تطفى واعتقد العيب عندك فى صباع الحرارة... انت حاطط مية من الحنفية ولا مية خضرا؟؟؟ علشان مية الحنفية بتعمل طبقة صدأ وبتعزل صباع الحرارة وبتأخر الاستجابة.
وخلى بالك بنزين 80 ده ح يبوظلك موتورك وربنا يستر.

**hazoom2006** · 13-09-2014 03:24 PM

غيرت صباع الحرارة امبارح جديد برده نفس الموضوع
هل طبيعى الميه تغلى

**hazoom2006** · 16-09-2014 02:00 PM

نضفت الردياتير عند واحد عايز اعرف اخد الهوا ازاى

الموضوع: المراوح كلاكيت تانى مره

LinkBack

أدوات الموضوع

عرض

المراوح كلاكيت تانى مره - انشر الموضوع فى :

-

-

-

-

-

المواضيع المتشابهه

ثرموثتات المراوح ... كلاكيت تانى مره ....؟؟؟؟

كلاكيت تانى مرة

كلاكيت تانى مره

كلاكيت تانى مره

كلاكيت تانى مرة

الكلمات الدلالية لهذا الموضوع

المفضلات

المفضلات

ضوابط المشاركة