الموضوع: حد يفيدنى فى مشروع مزرعة سمكية

ممكن تروح اي كليه طب بيطري - ف قسم متخصص اسمه الاسماك بيدرسوا فيه كل حاجه تقريبا ليها علاقه بالسمك
كمان فيه ف مراكز البحوث
لو عاوز بقي عمال او مهندسين فاهمين عليك بالمزارع الكبيرة
زي مزارع العباسه جنب ابو حماد - شرقيه

لو عاوز بقي تدرس وتشتغل صح وبما يرضي الله
في مزارع بتتعمل ف البحر نفسه - بتبقي عبارة عن شبكة كبيرة وبتحطلهم الاكل وطبعا دي ممتازة لكن محتاجه فلوس لتركيبها ومفيش كتير بيفهم فيها ف مصر وممكن تستوردها مخصوص بسعر حلو

المشاركة الأصلية كتبت بواسطة s.h.a.h.e.r

ممكن تروح اي كليه طب بيطري - ف قسم متخصص اسمه الاسماك بيدرسوا فيه كل حاجه تقريبا ليها علاقه بالسمك
كمان فيه ف مراكز البحوث
لو عاوز بقي عمال او مهندسين فاهمين عليك بالمزارع الكبيرة
زي مزارع العباسه جنب ابو حماد - شرقيه

لو عاوز بقي تدرس وتشتغل صح وبما يرضي الله
في مزارع بتتعمل ف البحر نفسه - بتبقي عبارة عن شبكة كبيرة وبتحطلهم الاكل وطبعا دي ممتازة لكن محتاجه فلوس لتركيبها ومفيش كتير بيفهم فيها ف مصر وممكن تستوردها مخصوص بسعر حلو

انا حاليا بفكر ابدء بدورة فى الموضوع ده لو فيه
هل الاماكن اللى انتا ذكرتها دى بتقدم دورات تدريبية انا كنت سمعت ان وزارة الزراعة بتعمل دورات من النوعيات دى بس مش عارف اذا كان حد عنده معلومات

المشاركة الأصلية كتبت بواسطة mtak

عندك مكان كبير (بالفدان) و لا عايز مجرد تجربه فى جنينه البيت

ناوى تدفع و لا عاوز تجرب حاجه على صغير ( يعنى هوايه و لا مشروع تحط اللى قدامك ووراك)

لو مكانك صغير و عايز تجربه صغيره ومتدفعش كتير انصحك تبتدى بالاكوابونيكس


و طبعا كل ما تزود فلوسك و مساحتك هاتحط اقفاص اكتر و انت الكسبان



الشغل الكبير و البلدى مدورتش فيه قبل كده

صراحة انا مسافر و احتمال افتح المشروع ده برة فى البلد اللى انا رايحها (لان فى 3 مشاريع قدامى) - فيه واحد رئيسى والاتنين التانيين منهم واحد هو المزرعة السمكية عشان كده عايز افهم المشروع ده وادرسه
حضرتك لو ممكن تفاصيل اكتر - انا ابيض :) وعايز اعرف ابدء منين
انا كنت شفت مزرعة سمكية لاحدى الشركات فى فيديو على اليوتيوب تقريبا كانو حاطين السمك فى حاجة شبه احواض كبيرةشبه البراميل الزرقة اللى فى الصورة اللى حضرتك حاططها كده بس طبعا كبيرة (او شبه حمامات السباحة اللى بتتنفخ دى) :)
مش عارف اذا كان فى مكان فى القاهرة ممكن ابدء منه او لو فى مزرعة صغيرة فى القاهرة ممكن اتمرن فيها ولو بمقابل
ومش عارف لو فكرة حضرتك دى تنفع تطبق فى مكان كبير برضه ولا مينفعش وتفرق

ولو قدر الله موضوع السفر فشل اهه حاجة تنفعنى هنا افتح مشروع يسند الحال بدل مالفلوس بتطير