رحت مرور السلام أنقل ملكية النهاردة (وحسبي الله ونعم الوكيل)

**ayman_elkholy** · 23-07-2007 04:25 PM

اية يا جماعة مستغربن لية
هوا فية اية بقة موجود فى الخرابة اللى احنا عايشين فيها دى
دة طبعا بعيد عن السياسة

**ahmed1981** · 24-07-2007 02:01 PM

السلام عليكم ورحمة الله وبركاته

النهاردة إتصلت أسأل على النمر بالرقم اللي إدهولي في مرور السلام
الرقم هو 22809444 وإكتشفت انه مرفوع من الخدمة على طول
وده شيء متوقع من إنعدام الصدق والأمانة في التعامل مع مرور السلام

المهم قلت أخطف رجلي وأروح أسأل
رحت قالولي مفيش نمر روح لشباك النمر رحت قالي مفيش
قلتله التلفون مرفوع من الخدمة قالي هو كده حاولت أناقشه مردش عليا

مشيت وأنا أقول كالعادة
(حسبي الله ونعم الوكيل فوضت أمري إلى الله)

**ahmed1981** · 25-07-2007 03:48 PM

روحت النهاردة تاني وواحد نسيبي بعتني لفلان( واحد هو يعرفة ) في المرور
المهم الأول سألت عادي قالولي مفيش لوحات
روحت لفلان الفلاني وخدت منه ورقة ورحت وكل حاجة إتعملت واللوح الجديدة إتجهزت

وقالولي هات اللوح القديمة
وهنا كانت المشكلة
اللوح القديمة مرور محافظة خارج القاهرة ومكتوبة باليد فمينفعش يستلموها
طب مادام هو ممنوع تتكتب باليد سمحوا ليه للناس تمشي في الشوارع بيها وهي مكتوبه كده
طب لو واحد لوحاته إتمسحت أو إتخبطت وباظت يعمل واحدة تانية فين
(حسبي الله ونعم الوكيل)

قالولي روح سلمها في مرورها وتعالى بكرة

للمعلومية أنا لا أحب إني أروح من طرف فلان وعلان أو أمشي بكارت فلان وعمري ما عملت كده أو قبلت كده
أحب أعتمد على الله وأمشي في وسط عباده وربنا يوفقني بقوته
لكن أنا شبه أجبرت على أني أتعامل مع هذه الواسطة والحمد لله على كل حال

وبرضه (حسبي الله ونعم الوكيل)

**Nader** · 25-07-2007 03:59 PM

اشمعنى يعني النمر بنظهر للوسابط واقارب "عليا القوم البالكم فيهم؟؟

هو دة النظام السائد للاسف، بالنسبة للوحات القديمة، فالمرور مش هيستلمها غير لو كانت اصلية، عاشان في ناس مش بيعجبها شكل اللوحات فبتعمل لوحات على مزاجها.

وكان الله في العون.

**محمدايهاب** · 25-07-2007 11:49 PM

لسة من 3 أيام واحد صاحبي جاب عربية ألنترا الجديدة و عاوز يرخصها بعد أما طلع عينه أطر أنه يدفع رشوة علشان يجيب رقم و جابوه أسود كمان ( الفلوس بتعمل أي حاجة )

**Nader** · 25-07-2007 11:53 PM

الله!!!! ........هو مش للظباط بس ولا الفلوس بتعمل المعجزات ولا اية؟؟؟؟ :?:

**sokasoon** · 26-07-2007 05:39 AM

انا رخصت فى مرور عين الصيرة

الحقيقة انا لما جيت رخصت روحت رخصت فى ساعتين بس

وطبعا لازم تظبط الناس علشان تخلص والا مش هتمشى

وخدت النمر فى نفس اليوم بس كانت معوجة ومبهدلة

خدتها لواحد خطاط يظبطها ويدهنها وركبتها

**ahmed1981** · 02-08-2007 12:07 AM

الحمد لله أولا وأخيراً
رحت بني سويف عن طريق الكريمات وسلمت اللوحات
والغريبة أني وجدت جميع السيارات في بني سويف بلوحات مكتوبة يدوية
المهم رحت تاني يوم مرور السلام وسلمت شهادة البيانات وبعدين طلعولي لوحات قديمة بس حلوة
الحمد لله على كل حال
الواحد حاسس إنه فتح عكا لمجرد إني رخصت عربيتي وحطيت عليها نمر القاهرة

الموضوع: رحت مرور السلام أنقل ملكية النهاردة (وحسبي الله ونعم الوكيل)

LinkBack

أدوات الموضوع

عرض

-

-

-

-

المواضيع المتشابهه

كرتيرة بيت عجل يمين - ضروري -وحسبي الله ونعم الوكيل

حدث قبل صلاة الجمعة... جامعة سيناء..وحسبي الله ونعم الوكيل

لاحول ولا قوة الا بالله وحسبي الله ونعم الوكيل

تحذير من ميكانيكي ريس غير شريف وحسبي الله ونعم الوكيل

حسبى الله ونعم الوكيل ..... مرور السلام

الكلمات الدلالية لهذا الموضوع

المفضلات

المفضلات

ضوابط المشاركة