الفئه دي عجباني وممكن اقسط و اجبها .بس ياتري السيراتو تستاهل المبلغ ده ؟ انا متردد سعرها دلوقتي 185 الف وده مبلغ مش بسيط. ياريت تنصحوني. العربيه فيها كل الكمالايات الي انا عاوزها, يعني من الاخر مش حعمل فيها حاجه تاني
عرض للطباعة
الفئه دي عجباني وممكن اقسط و اجبها .بس ياتري السيراتو تستاهل المبلغ ده ؟ انا متردد سعرها دلوقتي 185 الف وده مبلغ مش بسيط. ياريت تنصحوني. العربيه فيها كل الكمالايات الي انا عاوزها, يعني من الاخر مش حعمل فيها حاجه تاني
عربية محدش اشتكى منها لغاية دلوقتي من ساعة ما طلعت فأكيد هتعجبك ان شاء الله ومبروك عليك مقدماً
مستني اسمع اراء تانيه المبلغ كبيروعاوز اخد قرار مندمش عليه انا لغيت فكره المستعمل من حسباتي و عاوز اجيب عربيه تقعد معايا فتره
انا شايف انها كويسه جدا
شكل لسه الجديد ...الكروز خلاص شكلها حيتغير
والالنترا كمان
حاجتها بقت موجوده استعمال وده حيقلل سعر قطع الغيار ليها
حتاخد اوبشن حلو
بس للامانه المنافس ليها
التويوتا كرولا ..لان وسائل الامان فيها اكتر
ابقي بص برضو علي التويوتا وقارن بينهم
واختار
حسب متطلباتك لعربيه يعني عندك السيراتو مفهاش ولا عيب جامد وعيبها الوحيد ان بعض ملاكها لاحظو سخونه عند الدواسات وحلوها عن طريق عزلها
اللي هكتبه يعتبر ملخص العربيه من حيث:
1- الثبات: كويس مش وحش ولا حلو
2- العزل: حلو او تقدر تقول جيد
3- الكماليات: دي اكتر ميزه في السيراتو :d
4- التسارع: مواتير كيا وهيونداي معروفه بجبروتها :)
اعتماديه: كويسه وهتقعد معاك من 6-9 سنين
شكل : روعه واكتر من تحفه .... انا لما بشوف العربيه دي قدامي بقعد امشي وراها بعربيتي الالنترا واقعد ابص لعربيتي بقرف وبقولها شايفه العربيات
حضرتك لو من النوع اللي بتحب الجري ممكن تبص بصه علي الاوكتافيا الفئه اللي بين الاولي والتانيه ودي زياده عن الاولي حساسات وشاشه وجنوط
عيب الاوكتافيا ان فيه صوت خبط من ورا و فيه صوت هوا بيدخل العربيه
تحياتي ليك والسيراتو اختيار موفق جدا وشوف المقارنه اللي عملتهالك .... معلش ده اللي قدرت اقدمه ليك
انا برضة بفكر فيها وعجبانى قوى بسسسس كل لما انوى التوكيل يغلى العربية وبصراحة حرام 185000 او اللى بعديها 194000 فى عربية كورى لانى بحس الكورى يجيبك اوبشن فقط لكن ثبات وامان اقل كتير من الاوربى واليبانى لو بتكلم فى المبلغ فكر فى اوكتافيا اول فئة عربية امان وثبات منقطع النظير وفخامة وشيك ,,,,خلى بالك قطع غيار السيراتو الجديدة والكورى عموما نارررر مولعة واسال علشان تتاكد
يادي الناس الي عندها عقده الكوري دلوقتي الكوري والياباني اخوات الفرق في الاروبي
العربية جميلة
توكل على الله