معقول اللي بسمعه ده؟؟
ايه اللي غيرهم بالطريقة دي؟
عرض للطباعة
معقول اللي بسمعه ده؟؟
ايه اللي غيرهم بالطريقة دي؟
انا كمان بقيت حاسس انه م\ عصام اتغير
انا كنت من اوائل الناس اللي اتعاملت معاه وكان اسلوبه غير دلوقتي خالص
اكنت عنده من حوالي 3 شهور تقريبا وغيرت طلمبه مياه وفوجئت ان عنده طلمبه اصلي وطلمبه هاي كوبي
ازاي يبقا مركز معتمد من الوكيل ويجيب هاي كوبي؟ وبعدين اذا اخترت اني اركب الاصلي اضمن منين ان الطلمبه اللي ركبت هيا الاصلي ؟ الاول كنت بركب عنده تيل فرامل بديل وكان بيوافق عادي بدون مشاكل دلوقتي جيت اركب عنده تيل ( جايبه معايا ) بصلي بقرف وقالي ماشي بس هاتستني شويه
سيبته ومشيت
انا ناوي اجرب امير وجوزيف بما اني من سكان مدينه نصر والله المستعان
ياجماعة ده نتيجة لزيادة الطلب عليه والزحمة اللى بقت عنده
الأول كان بيتنشق على زبون وكان لازم تبقى معاملته كويسة ويشتغل كويس أو يبين حتى إنه بيشتغل كويس عشان الناس ماتسيبوش وتمشي
لكن دلوقتي الناس بقت واقفة طوابير على الباب بتاعه وبقى خلاص مش فارقة معاه لو عشرة مشيو هاييجي غيرهم 20
أنا حكيت مرة زمان إن وأنا با اعمل الصيانة عنده قفشت الواد الفني وهو رايح يزود الرادياتير مية من الحنفية ... ولما مسكته وزعقتله لاقيته بيقولي مش مشكلة يعني ما جاتش من بق
وراح داخل جايب جركن مياه خضراء من جوة من المخزن يزود بيه ... طب طالما عندك من الأول مياة خضراء يبقى كان لازمته إيه ... فارقة معاك الجنيه اللى هاتخسره قوي ... مانت لاهف قد كدة فلوس مصنعية
مش ساعتها لو روحتله أروحله في حاجة محددة وأنا عارفها وأقف معاه وما اسيبوش
والله انا كنت ناوي اروحله بعد ما اسيب التوكيل
بس بالطريقة دي انا اروح التوكيل او اروح لميكانيكي برة ارحم بكتير
للأسف أنا برضه آخر مرة تعاملت معاهم دفعت ألوفات ملهاش معنى وخرجت غير راضي عن الأداء ولا عن المعاملة وقررت أبطل أتعامل معاهم. بعدها عملت حادثة خفيفة واضطريت أروح لهم علشان معرفتش أروح فين غيرهم، عملوا لي مقايسة مبدأية بسعر خرافي مرعب.. سبتهم ومشيت ولميت الموضوع برة بفلوس أقل كتييير.
للأسف الواحد ممكن يتغاضى عن الأسعار مقابل الثقة في أن المكان نزيه ولا يغشك ولا يغير ما لا يحتاج التغيير ولا يخدعك في قطع الغيار..
لكن لو شكيت في دي كمان... يستوي بقى ده مع غيره :(
أنا بعمل كل صاناتي في عصام وصفا .... واتعرضت لمشكلة في صيانة الخمستاشر
الباشا اللي بيعمل اليانة غيرلي التيل الأمامي وخلص المصتعية عادي
.
عند ال 18 ألف كنت ماشي في يوم سمت رنة بسيطة في العربية .... تاني يوم وانا ماشي اللي قدامي وقف مرة واحدة جيت اقف العربية ما وقفتش وعملت حادثة
.
بعد اصلاح العربية ظلت الرنة موجودة بنبص على سببها لقينا التيل الخلفي خالصان تماما.... يعنى عمنا اللي كان بيعمل صيانة ال 15 مانتبهش علشان يغيره وخلاني اعمل حادثة بسبب اهماله
البيرسونا فيها ebd وده بيوزع قوة الفرامل على العجلات الأربعة من خلال الكمبيوتر حسب ظروف الطريق ... وده معناه إن غالبا التيل في الأربع عجلات بيكون متقارب جدا في عمره لغاية ما يخلص وطالما اللى قدام خلص على 15 يبقى كان لازم يتطمن على اللى ورا بالتأكيد
الخلفي بيكون عمره طويل في أي عربية مافيهاش ebd ... لأن في الحالة دي التيل الخلفي مش بيستخدم غير في شد فرامل اليد لما العربية تكون فعليا واقفت خلاص ...
كلام يحترم جدا
لازم نغير مفهوم ان التيل اللى ورا بيقعد 3 اضعاف اللى قدام
مع سيستم ebd
لأ
معدل سرعة تاكل التيل الخلفى بقى سريع زى التيل الامامى
http://www.nilemotors.net/Nile/3874609596-post1.html
معلومة جديدة التوكيل بيلزم مركز عصام وصفا يحط زيت توتال ولزوجة عالية وزيت معدني اللي هو ال 20w 50 بيتغير علي 5000 كم لو رفضت فالمركز وقلتلهم عايز تخليقي يقلك امضي بانك تطلع موتورك من الضمان !! وفيه ميل مبعوت من عز العرب بكده ! لان في مواتير باظت !
يعني الكلام ده لو حقيقي يبقى مواتير باظت من الزيت التخليقي المصنوع ومعبأ في فرنسا .. فاهو بيبوظها أكثر بالزيت المعدني الثقيل المصنوع ومعبأ في مصر .. والذي لايستطيع الوصول لكل أجزاء الموتور بسبب لزوجته العالية وبالذات في بداية تشغيل السيارة في الجو البارد والغير موصى به غالبا
ما شاء الله بيفهموا قوي بصراحة
قلنا زيت توتال ده فاشل ومش عايزين يقتنعوا
هو أنا سألت عشان بس أتأكد أني فاهمت كلام صح الأول أسمحلي أختلف معاك
نظرياً وعملياً أي مركبة تمسك فرامل من الأمام فقط تتقلب للأمام وخاصة أن ثقل الموتور في الأمام مش الخلف وممكن تتخيل دا في العجل والموتوسيكل مثلاً.
الفرق بين العربيات اللي فيها ebdاللي مفيهاش مش فرق أن الفرامل اللي ورا شغالة ولا لأ هي في كل الحالات شغالة لكن في حالات العربيات اللي فيها ebd قوة فرملة كل عجلة بتختلف عن التانية حسب متطلبات الطريق وحمولة العربية أما في العربيات اللي بدون كله بيمسك بنفس القوة.
سبب تآكل التيل الأمامي أكتر من التيل الخلفي هو أن العربية جر أمامي فالقوة اللي محتاجها عشان تفرمل العجل الأمامي أكبر لأن عزم الموتور متركز عليه والدليل العملي علي دا أني غيرت الأمامي أول مرة علي 27 ألف وغيرت الخلفي علي 52 ألف.
التيل الأمامي في الجين تو بيخلص أسرع من الخلفي وهما الأثنين بيخلصوا أسرع من عربيات تاني كتيير وجايز والله أعلم برضه أن ال abs يكون ليه علاقة بعمر التيل بشكل عام
معلومة أخيرة دايما التوكيل بيقلك التيل محتاج تغيير وبيكون لسه فيه شوية حلوين فياريت نتأكد أن التيل محتاج تغيير فعلاً قبل ما نغير غشان التيل دا من أكتر الحاجه اللي عاملين عليها سبوبة في عز العرب وفي عصام وصفا كمان
تحياتي ليك
تحياتى ليك
الكلام دا غير حقيقى ولا يصدقه احد
انا مركب تيل بووش اصلى المانى واستيراد كمان مستهلك منه 15% وهارى العربية فرملة ولس بخيره
وممتع جدا بلا صوت وامان وطمأنينة المكابح القوية http://www.nilemotors.net/Nile/413532-2.html
سارى باشا ازيك أولا أنا هيثم بتاع البرسونا سابقا لو لسه فاكرنى حقيقى أنا مستغرب جزء كبير من الكلام مش بكدبك أكيد لكن مش فاهم ازاى بقى التعامل كده هو صحيح أنا حاسس إن بقى فيه نوع من الاهمال و فى عيوب بتتكرر تانى غير إن طول عمره كان سعره زى التوكيل رغم إنه بيجيب قطع غيار كوبى بس كان بينجز و بيفهم و دايما كان عصام البنىءادم الذوق اللى بيخلص الليلة لو فى مشاكل فلوس أو جودة فعلا جديد عليا جدا أسلوبه ده بس عادى التصييت اللى معمول للمركز يعمل أكتر من كده و الدفاع الأعمى عن شخص أو عن فكرة بقت سمة عامة فما تزعلش من الأدمينز بتوع Proton Club لأن الشخص للأسف ما بيشوفش غير مشاكل عربيته و المعاملة اللى هو بتعاملها يعنى أنا نفسى أعرف المهندس عصام كويس و أغلب المهندسين اللى هناك حافظيننى لكن برده لو روحت بتوصية و لا معايا حد من اللى عرفونى بيه بتبقى المعاملة و الأسعار غير.
و زى ما قال المرحوم سعد زغلول ما فيش فايدة.
المهم سيبك انت و الله ليك وحشة كبيرة يا باشا و عايز أسمع صوتك قريب إن شاء الله
عذرا ياباشا
... ولكن أي سيارة مافيهاش abs ... لما بتضرب فرامل عادية هاتلاقي العجل الأمامي فقط هو اللى ماسك واللى ورا بيلف عادي وبيزق العربية كمان نتيجة للقصور الذاتي ... وده في حد ذاته أحد أسباب عدم فقدان السيطرة .. وكمان بتلاحظ إن وش العربية بيتكفي على الأرض برضه للسبب ده ... دي ملاحظات كدة ممكن انت بنفسك تلاحظها
الكلام النظري بقى بيقول ... إن الفرامل الخلفية مش بتمسك في النوعية دي من العربيات غير لما تشد فرامل اليد فقط
لو فرامل العربية مسكت العجل الخفلي مع الأمامي مع دوسة القدم والعربية ماشية ومافيهاش abs هاتبقى كارثة محققة لأن العربية هاتفقد السيطرة تماما بصورة خطيرة جدا وتلف حوالين نفسها بدون أي كونترول
ولكن اللى بيتم إن الفرامل الخلفية بتمسك بنسبة لا تتعدى 10% أو أقل أو أكثر بنسب بسيطة ... حسب تصميم العربية ووزنها ... من قوة إمساكها في العجل الأمامي عشان يفضل فيه شيء من السيطرة أثناء الفرامل المفاجئة
... لكن مع الـ abs الوضع اختلف ومابقتش العربية بتفقد السيطرة نهائيا حتى لو السائق قام وقف على دواسة الفرامل ... العجل الأمامي عمره ما هايقفش ويكلبش في الكاوتش ويخليه يزحف على الأرض
عشان كدة تم ابتكار نظام الـ ebd وهو بيوزع قوة المكابح على الأربع عجلات حسب ظروف الطريق بدون خوف أبدا من فقدان السيطرة أثناء الفرامل .. وللسبب ده عادي جدا ممكن التيل الخلفي يخلص قبل الأمامي وممكن عجلة واحدة فقط التيل يخلص فيها قبل اللى زيها الناحية التانية بكثير (فيب العربيات اللى مافيهاش abs لما فردة التيل بتاعها يخلص قبل الفردة اللى قصادها نعرف إن في حاجة غلط في منظومة الفرامل على طول ولازم كشف عليها)
وعلى فكرة ده حصل معايا أنا شخصيا الأيام دي في العربية البيرسونا ... وعلى فكرة كمان أنا عامل لغاية دلوقتي بالتيل الفابريكا بتاعها 37 ألف كيلو بدون تغيير حتى الآن سواء الأمامي أو الخلفي
المهم حاليا التيل الخلفي الشمال خلص برغم إن اليمين لسة عليه شوية حلوين وممكن يقعد بتاع 4 أو 5 آلاف كمان
والأمامي لسة ممكن يقعد حوالي 3000 برضه تقريبا
- تيل الفرامل بالذات حسب طريقة سواقة كل سائق ... مع واحد ممكن يقعد 40 ألف ... ومع واحد تاني ونفس العربية ممكن يقعد 10 فقط
ودي برضه عن تجربة في عربية بيجو كان صاحبها بيغير التيل كل 8 - 10 - 12 ألف ... ولما خدتها منه هي هي نفس العربية بدون تغيير أي شيء فيها حتى ظروف الطريق كانت واحد تقريبا ... التيل قعد معايا أكثر من 45 ألف
طبعا تجربتي مع عصام صفا برضوا مش مريحة بس هو الأقرب بالنسبة لي.
ملاحظاتي وتجربتي معهم:
معظم قطع الغيار غير متوافرة وفقط كوبي ان كان عاجبك , طرمبة البنزين استيراد تحس انها طالعة من العربية اللي قابلي ومنظفها ومركبها تاني انا اخدت الطرمبة القديمة بتاعتي علشان مايستخدمهاش على انها استيراد
تيل الفارم استيراد اه اقل في السعر بس طبعا مش زي الاوريجينال ؟؟ ازاي حد واخد اسم التوكيل وبيركب تيل فرامل كوبي.
عملت كمان عندهم صيانة 60 الف وربنا يستر من نوع السيور اللي مركبينها ماتكونش خصوصا الكاتينا كوبي!!
المهم استلمت العربية بعد صيانة ال 60 ودفعت حسبة 2800 جنية
لاقيت صوت الماتور عالي وتكتكة غريبة رجعتلة قالي البلف ودة عايز يتغير ب 1500 جنية
يا سيدي الصوت دة ماكنش قبل الصيانة؟؟
مفيش فايدة ابدا
همة بس شاطرين يخصموا 150 او 200 حسب قيمة اجمالي الفاتورة قال بيجامل ومش واخدين ان نص قطع الغيار استيراد او كوبي دا ضحك على الدقون وغش علني
حضرتك أيه الغريب في كلامي؟؟
أنا لا هكدب مثلاً لأن مفيش حاجه تخليني أكدب مثلاً ولا بفتي لأني من ملاك العربية وماشي بيها ٥٧ ألف كيلو يعني مش جيبها جديد!!
فيه تجارب كتيير لناس هنا غيروا التيل الأصلي الأمامي بعد ١٢ ألف بس وأنا كنت معلق علي كومنت في نفس الموضوع دا لواحد غير خلفي علي ١٨ ألف بس وكنت مستغرب علي سرعة إستهلاك التيل فمش فاهم أنت بتقول كدا ليه!!
نصيحة أخويه أخيره أشتري تيل فرامل بوش إيطالي ممتاز أحسن من تيل مستعمل قبل كدا
شوف حضرتك الفيديو دا كدا:
https://www.youtube.com/watch?v=LsJeWar41nA
في العربية اللي دون ABS - EBD في الثانيه ١:٣٣ ضرب فرامل العجل كله وقف عن الدوران ودي مش فرامل خليفة ١٠٪ دا فرمله كامله
علي حسب علمي ال EBD وظيفته توزيع قوة الفرامل علي ال ٤ عجلات مش أنه يشغل اللي ورا مع اللي قدام والتوزيع برضه.
لو الفرامل الخلفية ملهاش لازمه في العربيات اللي بدون EBD مكنتش أتوصلت علي ماستر الفرامل وكانت أتوصلت علي الهاندبريك بس ومكنتش هتستهلك من أصله لأنه مفيش أستهلاك عليها غيرك لو بتأمرك مثلاً
يمكن بس أكيد ده مش في كل العربيات ... يمكن في العربيات اللى الفرامل بتاعتها ديسكات فقط مش درمز أو الجديدة مش القديمة .. والله أعلم
لان أنا طول عمري باشوف العربيات على الطبيعة وهي بتقف وقوف مفاجيء اللى ورا بيمسك بس مش لدرجة إنه يقفش على العجل ... في حين اللى قدام هو اللى قافش وبيزحف ... وده معناه إن اللى ورا في الفرامل العادية مش الجامدة ماعليهوش أي ضغط تقريبا
وكمان أنا مغير التيل الخلفي للعربية القديمة بتاعتي على 250 ألف تقريبا الفابريكا بتاعها بعد يمكن أكثر من 20 سنة
هيثم باشا .. وحشني جداً والله .. ذوقك واخلاقك وحبك لخدمة الناس بدون مقابل وسلام كبير لأيمن باشا ويا رب تكونوا بخير وف اتم صحه ... والله دي مش اول مره مع عصام صفا .. لكن اول مره مع ادمنز Proton Club بصراحه اخلاقهم وعدم الحياديه وعدم تحكيم الضمير لمجرد مصالح شخصيه وخصومات وعلاقات مع عصام صفا وعلشان حاجات صغيره متستهلش ابيع مبادئي واخالف ضميري علشانها بصراحه الناس دي غيرك انت وايمن خااالص .. وبالنسبه لعصام صفا انا كنت من اوائل المتعاملين معاه لكن حصل تغيير 180 درجه .. ممكن الدنيا مشيت معاه قوي وخد شهره ميستحقهاش فطمع ومبقاش يهتم وموضوع قطع غيار الاستيراد ده طمعوا اكتر .. وفي الوقت ده بتظهر الاخلاق الحقيقيه والضمير .. لكن في بداية شغل المركز كان لازم يبقى ذوق ومحترم وشغل كويس علشان يكسب زبون .. لكن دلوقتي خلاص كل حاجه بتظهر على حقيقتها لدرجة انه بيكدب ويقول كلام وافترى ربنا حيحاسبوا عليه ورغم اني شهدت عليه اخوه واغلب اللي شغالين عندوا واتحديتوا ان يكدبني او اي حد من عندوا .. لكن والله يا هيثم انا حكيت الروايه بكل امانه وربنا يعلم .. وعموماً انا مفوض امري لربنا .. لكن حبيت انبه الناس اللي معاها العربيه علشان محدش يمر بتجارب زي دي .. خالص تحياتي ليك يا هيثم وانشاء الله نتقابل على خير ويا ريت لو فيه اي ايفنت تبلغني وحتبقى فرصه سعيده جداً بالنسبالي .
مركز عصام و صفا , مبيعرفوش يركبو سير تقسيمة صح و تدخل بالعربية بعيوب بسيطة ولو انت مبتفهمش في الصيانات هتلاقي نفسك بتدفع فلوس في حجات مش من المفروض تعملها .
الاغرب بقى انه الاستيكر بتاعه بصراحة يقرف
بصراحة شيء مقرف انه يحط ستيكر بالمنظر ده على شنطة العربية وللاسف الناس مبسوطة بيه .
انا فاكر ان علقت ببساطة على سوؤ منظر الاستيكر ولقيت الباش مهندس عصام بيتصل بيا و بيكلم باسلوب مش قد كده بان ارجعله تاني عشان يشيل الاستيكر .. بصراحة مكنش مني غير ان اقفل السكه وهو بيتكلم ..
يا جماعه الجين 2 عربية سهله ومش معقدة واغلبية الميكانيكية يعرفو يشتغلو فيها ...
زي ما حضرتك قلت عربية سهلة
مش عارف ليه الناس هنا في المنتدي بيكرروا كلمات زي صيانتها صعبة و معقدة من غير ما يشوفوا
حاجات كتير في الموتور مشتركة مع اللانسر
مرة كنت بغير زيت في بريدجستون اللي محي الدين (زيت توتال) بقول للراجل في فلتر جين 2؟؟ قاللي بتاع اللانسر يركب و البروتون و اللانسر مشتركين في حاجات كتير.....إنما الميكانيكية بتوع لا البوروطون عربية معقدة و ميركبش ليها اي لقطع الغيار دي غلطة الناس انهم بيروحوا لميكانيكية اخرهم 128.
دا يا باشا اللي كان بيحصل معايا .. بس مكنتش بدقق لأني كنت بتعامل بثقه .. يعني من فتره ركبت عندهم طقم كاتينه وكنت جايب معايا طقم من المدينه بتاع شارع دمشق وقعد يقنعني انه مش حينفع ونوع سيئ وقاللي انا عندي الاصلي وافضل من دا كتير وفعلا وافقتوا وقاللي ركبتلك الاصلي .. وقريب اكتشفت انه مركب نوع اسمه ميتسوبيشي تقريباً.. يعني مش الاصلي .. شغل نصب .. لكن لو يعرف ان النصب والفلوس الحرام دي حيتحاسب عليها مكنش عمل كده ..
طبعا
بس دا احسن نوع سيور تجيبها بركبها فى الهوندا من زمان ويابانية الصنع
https://www.google.com.eg/search?q=%...sp%3B400%3B300
http://www.ushio-ind.co.jp/
اقرئوا هذا الموضوع ياجماعه عن مركز امير وجوزيف لانى كنت رايح عصام وصفا ولما قرأت موضوعكم عن عصام وصفا هنا ترددت ورحت الى امير وجوزيف بتوع مدينة نصر, اللي اتضح انهم اوسخ وحراميه وكمان مابيفهموش وشفت عندهم ناس بتتخانق معاهم كتير
http://www.nilemotors.net/Nile/451975-a.html
صلوا ع الحبيب
او ممكن يكون اخد من عربيتك التيل الخلفي اللي هو لسة فيه على الاقل 70% ومن الطبيعي انك مش هتعرف ..
بالشكل ده الراجل ده غير امين..
من ناحية تانية ومن خلال متابعتي للموضوع فهمت ان فيه واحد من الاعضاء كان المركز ده بيخيره ما بين قطعة غيار اصلية و واحدة هاي كوبي !! وطبعا العضو استغرب لانه في مركز معتمد ,
انا حابب افهمه ان الاسلوب ده في حد ذاته متبع في ابو رواش و بمثال بسيط و هو تنوع تيل الفرامل الغير اصلية المتوافرة عندهم .
في حد ذاته ده اذعان بانه مش بيبيع قطع غيار موثوق فيها .
انا قولتها قبل كده لو دخلت بعربيت عند عصام و صفا عشان تعمل صيانة , هتروح وانت في الطريق هتكتشف انك مش راكب عربيتك .
الموضوع بقى بشكل انك لو مثلا رايح لمكان هيصلح اللاب توب بتاعك ومكان مش موثوق فيه , هتخاف يبدلك قطعه بقطعه تانية او يحاسبك على قعه اصلية وتطلع على العكس ..
سوق خضار برعاية مركز حماية المستهلك
مع احترامی الكامل والتام لصاحب الموضوع الاستاذ ساری
انا اتكلمت شخصيا مع المهندس عصام صفا وقلی ان 70 % من الكلام دا ماحصلش . وانه مفروض مايوفقش ان قطع غيار مستعملة تخش المركز وعمل كدا استثناء لاستاذ ساری تقدير لحالة والحدثة . كمان قلی ان الاستاذ ساری بيزعق فی الناس اكنهم شغالين عندة . وقلی انه طلب منه انه يمشی لعدم الدخول فی جدال سوف يتطور .
شهادتی الشخصية بعد التعامل مع البشمهندس عصام صفا
انسان قمة فی الاحترام والزوق والامانة