توت باشا .. اخبارك ايه ؟؟ يا رب تكون بخير
عرض للطباعة
كنت دايما بقول انه بيحل جزء من مشاكل التوكيل السئ
ولكن تقريبا حظنا كده فمراكز الخدمة والتوكيلات المصرية !!
قول الحمد لله
أنا صلحت عتدهم الواجا بـ ٢٠,٠٠٠ جنيه -للأمانة كان فيه قطع غيار مختلفة- ومش عايز أقولك إن العربية زي الزفت
١- الرش كان سكينيز بس تقدر تعد ٤ بصمات وشوية تسييلات لوز
٢- تغيير جنط وأكس لعجلة خلفي , ومن ساعة الإستلام صوت العجلة دي كأنك سايق جرار
٣- نفس العجلة السابقة تلاحظ إنها مش مظبوطة بالعين المجردة, قولتلهم وأنا بستلم قالولي زبط زوايا
٤- الخبطة كانت في الشنطة والرفرف خلفي , الشنطة -اللي المفروض اتغيرت- لازم تترزع ومش ماسكة نفسها والدراعين بتوعها مصديين
٥- كنت لسه مركب فرش جلد من جينز كار قبلها بشهر ونص, الجلد اتهرول عشان البهوات وسخوا الجلد بشحم فغسلوه تقريبا بصابون سايل وسلك مواعين
================
طبعا أنا غلطان إني مركزتش أوي في الإستلام مع إني برضه الملاحظات أغلبها قولتها لهم بس قالولي مش عارف إيه بيطبع ومش عارف إيه عايز ترصيص وزوايا, شغل طلصأه
وطبعا بعد إكتشاف المشاكل وإنها دائمة, مرجعتش ليهم لإني عرفت إنهم مركز ***** بلاش الطيب أحسن
ووديت العربية لواحد معرفة ظبط لي أغلب الحاجات, ما عدا موضوع العجلة الخلفية اللي طلع حوار أصلا
معلش هطول عليكم كام سطر كمان
الراجل المعرفة بعد ما خد العربية يظبطها, كلمني وبيقول لي إنت متأكد إن العربية في التوكيل!!!
ولما أكدت له, قال لي إن العربية محتاجة زرجينة ومش مظبوطة خالص واللي الشغل بوظ أكتر :(
وروحت له وشرح لي المشاكل على العربية, وفعلا حسيت إن الناس دي أد إيه معندهاش ضمير
يعني يقول لي العربية هتتكلف تقريبا ١٠,٠٠٠ جنيه وهتتصلح في ٣ أسابيع, وبعد المماطلة يسلمها لي بعدها ب ٣ شهور ويفاجئني ليلة الإستلام ويقول لي ٢٠,٠٠٠ رغم إني سألته كذا مرة وكان يقول لي نستنى ونشوف!!!
تانى... انا بحزر اى حد يتعامل مع المكان ده ..هم اخرهم شغل صيانه دورية وتغير سيور وفلاتر غير كده انسى...انا ندمان لحد دلوقتى على المره الى روحتلو فيها ودفعت 5000 الاف جنيه وخدت العربيه زى الزفت .....
هو الموضوع بتاعي مش جديد قوي
يعني من أكتر من سنة..لكن طبعا كان ممكن أرجع له وأعمل فيلم عشان الحاجات تتظبط
بس الواحد زهق الصراحة من القرف بتاعهم فصلحت اللي بوظوه بره بـ ٣,٠٠٠ جنيه
وجع قلب
أنا رأيي بعد قرائة التعلقات الآتي:
-عايز تعمل صيانات أو عندك مشاكل خفيفة روح لعصام وصفا بينجزوا في الوقت ومشوارهم أقرب أو روح أي مركز خدمة تاني مش هتفرق هما عارفين أنهم هيقلبوك في مبلغ محترم عشان يغيرولك زيت ويربطوا عفشة فهيبقي مرحب بيك.
-عندك مشكلة كبيرة أو لا قدر الله عامل حادثة يبقي قدامك حل من الأثنين:
يا تروح أبو رواش وهناك مهما بلغوا من سوء فأنت بتتعامل مع شركة في النهاية ولو فيه حاجه مظبتطش هيبقوا ملزمين يصلحوها بس في النهاية محدش هينفضلك ويقولك خد عربيتك وأمشي.
أو تروح بره عند حد تثق فيه وتوفر فلوسك بس هتخسر في الغالب الضمان لو كنت لسه فيه لكن تروح مركز خدمة في مشكلة كبيرة يبقي تضييع وقت وفلوس
مش اول مرة ده بيعامل الناس من فوق اوى انا اتخانقت معاه من اول ما اشتريت العربية ومرحتش تانى ومش حروح وحبيع العربية دى اصلا واشوف لانسر او اى حاجه تانى
السلام عليكم ورحمة الله وبركاته
برجاء الرد ضرورى جداً جداً جداً جداً جداً جداً
هى بروتون بيرسونا موديل 2015 هتنزل شهر كام علشان اللى الموجودة دلوقتي موديل 2014
حسبي الله ونعم الوكيل تاني .. بعد كل اللي عملوه معايا .. المساعد اللي ركبوه مقعدش 3 اسابيع وجاب زيت .. ولما روحت للعفشجي قاللي انت متأكد ان العربيه كانت في مركز خدمه معتمد ؟؟!! قولتله ايوه .. قاللي الشغل دا اي كلام وخدوا فلوس على الفاضي .. حسبي الله ونعم الوكيل
يا جماعة
انا عصام بيكلمنى بعد ما اتعرفت عليه
لانه عايز يشترى لما عرف ان عندى حجات للعربية جبتها استيراد احتياطى عندى
لكنه ملح وممل
اعتذرت له اكتر من مرة ومفيش فايدة وقطعت معاه خاص دلوقتى
اوعوا تفتكروا انه بيركب جديد ..... واضح كده انه بيعك
هو عرف منين ان الحاجة اللى عندى دى مميزة اصلا
دا
بيشترى عميانى من غير ما يشووف اصلا المهم سعر رخيص والزبون موجود ....