عاملي نضيف طب انا حوريكم مقامكم وبالزبالة ! اة يا شعب مش عايز ينضف

الجملة دي رنت في ودني وانا ماشي.

الموضوع بيلخص حاجات كتير في بلدنا.


الفكرة في مقلب زبالة قدام بيوت ناس وانا في طريقي للشغل بعدي علية كل يوم.

طبعا نبيشة او فريزة الزبالة بيروحوا يفتحوا الاكياس و يلموا البلاستيك و يخلوا المنظر ايييية قمة في الحلاوة ... زريبة بهايم!


الناس غلبت تخلي البوابين ميرموش الزبالة في المكان دة و يمشوا 50 متر لقندوق الزبالة الكبيييير و يبطلوا يرموا في الشارع

و لا الفريزة بقي بالسلاح للي يفتح بقة.


المهم الناس مسكتتش

اجروا بلطجية واستنوا عربية الزبالة تلم وقام هوب نط البلطجية اللي تبع السكان

فرشوا زرع و قعدوا يمنعوا البوابين و الفريزة من الرمي في المكان دة و يوجهوهم للمقلب الكبير اللي قدام (الصندوق الكبير)


عدي اسبوعين حلوين وانا مراقب الموقف في طريقي الي عملي

و بصبح و بمسي عالبلطجية :)


خلاص انتهي الموضوع و البلطجية تأجيرهم خلص و عدي 24 ساعة


واول كيس اترمي !!!

ودي الجملة اللي خرمت ودني من بواب بيوجهها لساكن اعترض علي الكيس اللي اترمي.


بصراحة

عداهم العيب

الناس اللي بترمي و بشوفها بعيني شايلين الكيس وهوب احدف

الي البوابين بصناديق الزبالة ام عجل

الي الغول الاكبر الفريزة وهما بيقطعوا الكياس


عداهم العيب لية بقي


هما سابولهم الزرع في مكانة ورموا في اول بلاطة بعدها

والبلاطة شدت بلاطة و شدت بلاطة


والناس الزبالة تقول وانتوا مالكم احنا بنرمي في الشارع!


والناس السلبية اللي اخرها تمصمص شفتيها وخلاص

و بقي المنظر كالاتي

انا واقف وسط صواني الزرع و بصور

http://nileup.com/up/uploads/nilemotors_14105333871.jpg

الموقف دة خلاني اقول ان خلاص البلد دي و منقذها هو اخلاق الناس

و اللي ينفذ القانون

للاسف غالبية الناس مش بتلتزم غير بالضرب و قلة الادب

لكن تكلمها بالادب و الذوق تقولك حوريك مقامك بالزبالة.


عشان مبقاش بنقد بس فكرت في حل.


رجعوا الزبالين تاني تلم يوميا من البيوت

وقتها مكنش فية المناظر دي


كان الزبال بييجي ياخد شهرية 5 جنية ويلم الزبالة ويمشي و يفرزها هو بمعرفتة في المقلب بتاعة


و رجعوا الخنازير تاني اللي كانت بتاكل الزبالة

والغوا التعاقد مع الشركات الهبلة بتاعت النضافة

و ارحموا البلد

والله الكلام مش ليا ولا للي في سني

انقذوا البلد عشان عيالنا يلاقوا حتة يعيشوا فيها

الرحمة يا شعب الرحمة

كلامك صح والله
انا بادفع اتاوة 6 جنيه ضمن فاتورة الكهرباء للنظافةاجبارى
مع انها موش قانونى ولا دستورى حتى
وعمر ماحد عبرنا ومر ياخد زبالة فنضطر نرميها فى الشارع
المصيبة قعدنا سنين نطلب يتكرموا علينا بصندوق ذبالة واخير ا
تم حصولنا على الصندوق وفرحنا كتير لان ده اول حاجة اتحققت لينا من انجازات الثورة
وزغرطى ياللى انتى موش غرمانة المهم يلموا فلوس وخلاص

احنا لازلنا نتعامل مع الزبال اللي بيلف علي العمارات و ياخذ الزبالة من امام باب الشقة. و فيه فترة كان فيه ناس مش السكان بيرموا قدام مبني تحت الانشاء و كل فترة علي ما عربية الزبالة تتكرم و تعدي تاخدها. السكان بقي اول ما اتلمت مرة عملوها ركنة سيارات و محدش بقي يرمي فيها. مش عارفة مين اللي كان بيرمي احتمال العاملين في المحلات او المكاتب.الله اعلم. المهم انتهت المشكلة, ونفسي اعرف ليه الي الان اتاوة ال8 ج زبالة شهريا اللي بتتحصل علي فاتورة الكهرباء بدون وجه حق . ازاي بعد الثورة محدش اتكلم عليها.زيها زي الضريبة العقارية اللي اخترعوها قبل الثورة و ناس قانونيين قالوا انها غير دستورية.اكتر حاجتين غيظني بعد الثورة

احنا محتاجين دوره تعليميه كامله من اول الحضانه حتى الثانوى(تربيه وتعليم حقيقى)فى حدود 15 سنه اول ما تبدء عد 15 سنه حتلاقى الناس اتغيرت اما البشر الان لا امل فيهم
امتى يبدء التربيه والتعليم الحقيقى الله اعلم الامل موجود حتى لو0.0001%
انا 33 سنه من الجيل اللى بيخاف من المدرس بتاعه وممكن يلف شارع احراج من مدرسه(فى الطريق الى الانقراض هذا الجيل)ولن يتبقى الا انقاض بشر من الحشاشين والمبرشمين

قلبي عندك يا دكتور. ... هقول ايه غير ربنا يصلح الحال !

مفيش امل

اللي في داء

لما 2 بلطجية كانوا واقفين كان كلة بيلتزم ويرمي في الصندوق

لما مشيوا رجعت ريما لعادتها القذرة

نفسي الناس تفهم ان الحال مش حيتغير غير لما الناس تغير نفسها

انا بقيت احس ان الفئة النضيفة بقت حتنقرض

بقينا نمشي في الشارع غراب و شكلنا مش راكب عالبلد
90 في الميث تكاتك و بنطلون متسقط وناس ترمي زبالث و ناس واخدها فهلوة

والاعن اغاني المهرجانات

ربنا يحرقهم اوكا واورتيجا و الشعبة دي

للاسف إن في ناس كتير اوي في طريقها للإنقراض
زي اللي مش بيرمي حاجة في الشارع..مثلا المناديل او اي ورق استخدمته او اكياس استخدمتها بحطها في جيبي و ساعات بروح بيها مفيش صناديق زبالة ارميهم فيها
اللي بيقول شكرا واسف
اللي مش بيرضي يسمع اغاني زبالة زي مهرجانات اوكا و اورتيجا
لما بعمل كدة اللي يقول معقد و اللي يقول لخمة و اللي يقول محسوك و فكرت كتير اوي لحد ما وصلت إن انا هعمل اللي عايزه حتي لو كنت واحد من المختلفين وسط الناس
بالعقل الدول المتقدمة محترمين مش بيرموا زبالة بالمنظر ده في الشارع و في نظام و احنا اكيد مش احسن منهم

الابشع من القبح هو ان تعتاد عيناك القبح فتصبح تراة عاديا وليس غريبا

يا باشا انتوا عندكوا الدنيا حلوة الى حد ما
عندنا هنا في اسماعيلية
الشوارع الرئيسية مليانة زبالة الناس بترمي الزبالة في نص الشارع ( عشان يكون في مكان محايد بين البيوت )
و تلاقي الزبالة عاملة ميدان ( صينية ) تلف من حواليها العربيات
و مهما عربيات الحي تشيل الزبالة ترجع الناس ترمي زبالة تاني
عالم معفنة بصحيح مكسل يشيل الشنطة لحد صندوق الزبالة

لدرجة ان النهاردة شفت واحدة نزلت من بيتها ورمت كيس الزبالة قدام باب بيتها من كتر الكسل
شوفت عفانة اكتر من كده

اقتباس:

---

المشاركة الأصلية كتبت بواسطة omar mahmoud

للاسف إن في ناس كتير اوي في طريقها للإنقراض
زي اللي مش بيرمي حاجة في الشارع..مثلا المناديل او اي ورق استخدمته او اكياس استخدمتها بحطها في جيبي و ساعات بروح بيها مفيش صناديق زبالة ارميهم فيها
اللي بيقول شكرا واسف
اللي مش بيرضي يسمع اغاني زبالة زي مهرجانات اوكا و اورتيجا
لما بعمل كدة اللي يقول معقد و اللي يقول لخمة و اللي يقول محسوك و فكرت كتير اوي لحد ما وصلت إن انا هعمل اللي عايزه حتي لو كنت واحد من المختلفين وسط الناس
بالعقل الدول المتقدمة محترمين مش بيرموا زبالة بالمنظر ده في الشارع و في نظام و احنا اكيد مش احسن منهم

---

معقد و لخمه؟؟؟!!! ليه يعني؟؟؟ انا من جيل منقرض ايضا. ايامي مش بس البيت لا كمان المدرسة كانوا بيعلمونا ان النظافة اهم حاجة و من اول سنة kg1 كان اسمها علي ايامي سنة حضانة كانو بيفتشوا علي المظهر و المريلة لازم مكوية كويس و الحذاء متلمع و الله فاكرة كويس الطابور اليومي دة و احنا داخلين الفصل. كمان الكذب علمونا انه جريمة. قطف الورد دة كان مصيبة و عقابة الحرمان من الفسحة. رمي الورق في الحوش كذلك و الاكتر ممكن لو لقوا ورق كتير و الله كانوا بيخلونا نلمه عقاب جماعي بس ده كان في ابتدائي.مدرستي كانت راهبات و تعاليمهم الاخلاقية مفرقتش عن اللي موجود عندنا في ديننا اللي بنتعلمة في حصة الدين. العقيدة اتعلمنا ان كل واحد يخليه في نفسه. بس معرفش دلوقتي المدرسة اخبارها ايه و لا الجيل متمرد و جامح و غير قابل للتربية؟
اما الان فانا زي حضرتك بس معايا شنطة سوداء صغيرة في شنطتي ارمي فيها اي حاجة و و الله ما بعرف ارمي ورقة حتي لو ماشية في شارع كله زبالة. بحس انه غلط و لو معايا ناس اعرفهم بنبههم بس محدش بصراحة قال معقدة و لا حاجة. و لو قالوا ميهمنيش ابدا. اللي ماشي صح يبقي صح.و اللي يقول يقول.
فيه عبارة رائعه سمعتها في درس ديني: قال بعض السلف: عليك بطريق الحق و لا تستوحش لقلة السالكين و اياك و طريق الباطل و لا تكترث بكثرة الهالكين.

النظافة مسئولية الدولة في المقام الاول
توفر الامكانيات وعربات جمع القمامة وسلال في كل حتة
حملات توعية وتنشئة للاطفال بقيمة النظافة والجمال
ثم ياتي العقاب في النهاية

اقتباس:

---

المشاركة الأصلية كتبت بواسطة lena jo

معقد و لخمه؟؟؟!!! ليه يعني؟؟؟ انا من جيل منقرض ايضا. ايامي مش بس البيت لا كمان المدرسة كانوا بيعلمونا ان النظافة اهم حاجة و من اول سنة kg1 كان اسمها علي ايامي سنة حضانة كانو بيفتشوا علي المظهر و المريلة لازم مكوية كويس و الحذاء متلمع و الله فاكرة كويس الطابور اليومي دة و احنا داخلين الفصل. كمان الكذب علمونا انه جريمة. قطف الورد دة كان مصيبة و عقابة الحرمان من الفسحة. رمي الورق في الحوش كذلك و الاكتر ممكن لو لقوا ورق كتير و الله كانوا بيخلونا نلمه عقاب جماعي بس ده كان في ابتدائي.مدرستي كانت راهبات و تعاليمهم الاخلاقية مفرقتش عن اللي موجود عندنا في ديننا اللي بنتعلمة في حصة الدين. العقيدة اتعلمنا ان كل واحد يخليه في نفسه. بس معرفش دلوقتي المدرسة اخبارها ايه و لا الجيل متمرد و جامح و غير قابل للتربية؟
اما الان فانا زي حضرتك بس معايا شنطة سوداء صغيرة في شنطتي ارمي فيها اي حاجة و و الله ما بعرف ارمي ورقة حتي لو ماشية في شارع كله زبالة. بحس انه غلط و لو معايا ناس اعرفهم بنبههم بس محدش بصراحة قال معقدة و لا حاجة. و لو قالوا ميهمنيش ابدا. اللي ماشي صح يبقي صح.و اللي يقول يقول.
فيه عبارة رائعه سمعتها في درس ديني: قال بعض السلف: عليك بطريق الحق و لا تستوحش لقلة السالكين و اياك و طريق الباطل و لا تكترث بكثرة الهالكين.

---

الكلام ده كان زمان و حتي البيت عندي مفيش إني ارمي حاجة في الشارع
انا دلوقتي في اولي كلية من kg1 لحد تالتة ثانوي مفيش اي مدرسة كانت بتهتم بالمظهر الخاص بالطلاب و النظافة ده ماضي و مش هيتكرى تاني...طبعا حضرتك عارفة إن المفروض يبقي في uniform كلنا نلبسه و الولد شعره ميبقاش طويل و البنت لازم تلم شعرها و الجزم لازم لون اسود..اكتشفت إن ده كله كلام علي ورق ملوش لازمة و اللي كان بيحصل للطلبة عبارة عن تهديد اهبل،المدارس دلوقتي مشروع إستثماري،هو في اكتر من مدرس يشتم في الفصل بنات و ولاد شتايم ميقولهاش سواق ميكروباص؟؟؟؟؟؟

اقتباس:

---

المشاركة الأصلية كتبت بواسطة bro

النظافة مسئولية الدولة في المقام الاول
توفر الامكانيات وعربات جمع القمامة وسلال في كل حتة
حملات توعية وتنشئة للاطفال بقيمة النظافة والجمال
ثم ياتي العقاب في النهاية

---

النضافة مسئولية اسرة و بيت حتي لو مفيش صناديق مش مبرر للرمي في الشارع

دة اسمة تبرير للرمي في اي حتة

علي كدة نجيب لكل شقة صندوق

اقتباس:

---

المشاركة الأصلية كتبت بواسطة lena jo

معقد و لخمه؟؟؟!!! ليه يعني؟؟؟ انا من جيل منقرض ايضا. ايامي مش بس البيت لا كمان المدرسة كانوا بيعلمونا ان النظافة اهم حاجة و من اول سنة kg1 كان اسمها علي ايامي سنة حضانة كانو بيفتشوا علي المظهر و المريلة لازم مكوية كويس و الحذاء متلمع و الله فاكرة كويس الطابور اليومي دة و احنا داخلين الفصل. كمان الكذب علمونا انه جريمة. قطف الورد دة كان مصيبة و عقابة الحرمان من الفسحة. رمي الورق في الحوش كذلك و الاكتر ممكن لو لقوا ورق كتير و الله كانوا بيخلونا نلمه عقاب جماعي بس ده كان في ابتدائي.مدرستي كانت راهبات و تعاليمهم الاخلاقية مفرقتش عن اللي موجود عندنا في ديننا اللي بنتعلمة في حصة الدين. العقيدة اتعلمنا ان كل واحد يخليه في نفسه. بس معرفش دلوقتي المدرسة اخبارها ايه و لا الجيل متمرد و جامح و غير قابل للتربية؟
اما الان فانا زي حضرتك بس معايا شنطة سوداء صغيرة في شنطتي ارمي فيها اي حاجة و و الله ما بعرف ارمي ورقة حتي لو ماشية في شارع كله زبالة. بحس انه غلط و لو معايا ناس اعرفهم بنبههم بس محدش بصراحة قال معقدة و لا حاجة. و لو قالوا ميهمنيش ابدا. اللي ماشي صح يبقي صح.و اللي يقول يقول.
فيه عبارة رائعه سمعتها في درس ديني: قال بعض السلف: عليك بطريق الحق و لا تستوحش لقلة السالكين و اياك و طريق الباطل و لا تكترث بكثرة الهالكين.

---

انا برضوا من الجيل دة

اللى لسة بيفتكر مدرسينة بالخير و يدعى ليهم

الجيل اللى حاسس انة ماشي غريب في الشارع و بيدور و يتعامل مع اللى ذية

لدرجة ان حتى في الثقافات والتعاملات اقتصر تعاملة مع اللى ذيية وبس

الجيل اللى لو اكل ساندويتش في العربية او الشارع افضل شايل الكيس في ايدي لحد ما ارمية في سلة مهملات ولو ملقتش مقلش عيب دولة لأ بفضل شايلة لحد البيت وارمية في الزبالة


الجيل اللى لو قعد حتى على قهوة او كافية و بيقزز لب بيرمي القشر في كيس



فين الناس دى .. وحشتونا ... واقترح ننقل كلنا نعيش في كومباوند خاص بينا

ايوا ما احنا مش كتير و يدوبك نتلم في كومباوند

اقتباس:

---

المشاركة الأصلية كتبت بواسطة omar mahmoud

الكلام ده كان زمان و حتي البيت عندي مفيش إني ارمي حاجة في الشارع
انا دلوقتي في اولي كلية من kg1 لحد تالتة ثانوي مفيش اي مدرسة كانت بتهتم بالمظهر الخاص بالطلاب و النظافة ده ماضي و مش هيتكرى تاني...طبعا حضرتك عارفة إن المفروض يبقي في uniform كلنا نلبسه و الولد شعره ميبقاش طويل و البنت لازم تلم شعرها و الجزم لازم لون اسود..اكتشفت إن ده كله كلام علي ورق ملوش لازمة و اللي كان بيحصل للطلبة عبارة عن تهديد اهبل،المدارس دلوقتي مشروع إستثماري،هو في اكتر من مدرس يشتم في الفصل بنات و ولاد شتايم ميقولهاش سواق ميكروباص؟؟؟؟؟؟

---

اعوذ بالله. مدرس بيشتم في مدرسة؟ ايه الارف ده. و محدش من الاهالي بيشكيه؟ طبعا احنا بنتكلم علي المدارس الخاصه، امال الحكومية عاملة ازاي؟. الدنيا اتغيرت للدرجة دي؟. لا يبقي ايام زمان طبعا احسن.
الكلام علي ورق اللي حضرتك بتقول عليه ده كله و اكتر كان زمان واقع و مخالفته تستدعي استدعاء ولي الامر . مفيش واحدة تتجرأ تخالف زي المدرسه حتي الشراب الابيض و توك الشعر البيضاء. و اللي سايبة شعرها تتذنب. و الله كان الاطفال بتتعلم الالتزام في كل شئ و الحمد لله البيت مساعد . اللي بيتقال في البيت هو اللي في المدرسة. و الله ايام المدرسه دي كانت اجمل ايام حياتي . الحاجات دي كلها كانت عادية مش بنحس انها خنقه لكن كنا بنستغرب لو واحدة خالفت النظام.
نأسف لصاحب الموضوع قلبناه مدارس و ذكريات الماضي بس هي لها علاقة بالموضوع شوية.

اقتباس:

---

المشاركة الأصلية كتبت بواسطة ashouhdy

النضافة مسئولية اسرة و بيت حتي لو مفيش صناديق مش مبرر للرمي في الشارع

دة اسمة تبرير للرمي في اي حتة

علي كدة نجيب لكل شقة صندوق

---

مش تبرير وانا مقلتش صندوق قدام كل شقة انما على الاقل صناديق وسلال في اماكن التجمعات في محطات القطارات والمدارس وامام النوادي والمحال التجارية والمصالح الحكومية عالاقل الاقي حتة ارمي فيها حاجتي ولو على بعد 20 متر مع التوعية المستمرة .. وده ميمنعش ان بعض الناس بترمي في اي حتة ويمكن جنب صندوق الزبالة نفسه لخلل في التربية او لمرض نفسي او غيره

اقتباس:

---

المشاركة الأصلية كتبت بواسطة ashouhdy

انا برضوا من الجيل دة

اللى لسة بيفتكر مدرسينة بالخير و يدعى ليهم

الجيل اللى حاسس انة ماشي غريب في الشارع و بيدور و يتعامل مع اللى ذية

لدرجة ان حتى في الثقافات والتعاملات اقتصر تعاملة مع اللى ذيية وبس

الجيل اللى لو اكل ساندويتش في العربية او الشارع افضل شايل الكيس في ايدي لحد ما ارمية في سلة مهملات ولو ملقتش مقلش عيب دولة لأ بفضل شايلة لحد البيت وارمية في الزبالة


الجيل اللى لو قعد حتى على قهوة او كافية و بيقزز لب بيرمي القشر في كيس



فين الناس دى .. وحشتونا ... واقترح ننقل كلنا نعيش في كومباوند خاص بينا

ايوا ما احنا مش كتير و يدوبك نتلم في كومباوند

---

الحمد لله. كنت اعتقد اني في الصحراء .welcome to the club. سبحان الله كلام حضرتك مطابق تماما لما افكر فيه. بس كنت باقول نفلتر الشعب و اللي عايز يعيش صح و يحترم البلد اللي عايش فيها و يراعي الاخرين يعيش لكن برده مش هيكون بالطباع القديمة دي لكن علي الاقل بعيدا عن الاجرام و البلطجة اللي في الشارع، والباقي يعيشوا في الصحراء يفسدوا و يسرقوا و يغشوا و يرتشوا ويرموا قمامة و يقرفوا في بعض بعيدا عنا.
و المحسوكين امثالنا كما يطلقون علينا في كومبوند فكرة كويسة و كمان الناس ترتاح مننا بدل ما نزهقهم و نخنقهم من وجهة نظرهم و يخنقونا لكن كل اللي بنقولة دة المفروض عادي و يتماشي مع تعاليم كل الاديان.

ما هيا فعلا مشكلة الدولة ،،

سواء في منظمومة جمع القمامة (( اماكن تجميع - سيارات دورية تتناسب مع حجم المنطقة )) - اخيرا تطبيق قانون علي المخالف

حتي التربية و التعليم ما هوا إهمال من الدولة للطبقات الفقيرة