عندي 20 جهاز pcهقسمهم الي 10 اجهزة علي شبكة وليهم روتر وسويتش لوحدهم و10 تنيين علي شبكة وليهم روتر وسوتش لوحدهم وفي جهاز رئيسي عليه برنامج ادارة للاجهزة ديه (برنامج هاندي كافيه) ازاي اربط الشبكتين ببعض بحيث ان كل الاجهزة تظهر عندي في البرنامج عرف اني ممكن اعمل واصلة بين السوتشين ولا اجيب كارت شبكة تاني للجهاز الرئيسي ولا اعل ايه وانهي افضل حل؟
يا باشا ممكن تعمل دمج للشبكتين و دى فى منها أكثر من طريقة هارشح لك أسهل طريقتين
* الطريقة الأولى : تشترى جهاز دمج ( و ده فى منه من خطين لحد تسعة خطوط دمج ) مميزاته انه هيدمج لك السرعات بمعنى لو عندك على الراوتر الأول 2 ميجا و الراوتر التانى 4 ميجا هيطلع لك مجموع 6 ميجا ، و فيه كمان هوت سبوت بمعنى انك هتشوف جميع الأجهزة على الشبكة و تقدر تتحكم فيها سواء بتزود سرعة جهاز أول تقلله أو تفصله و الكلام ده كله
* الطريقة الثانية : هتشترى أى جهاز أوريجينال ( و لازم يكون أوريجينال علشان يستحمل شغل 24 ساعة ) و هتحط فيه عدد 2 كارت لان { الكارت الأول هيبقى كارت الدخول و ده هتدمج عليه الراوترين ، و الكارت الثانى هيبقى كارت الخروج و ده اللى هيطلع السرعات لليوزرات اللى عندك } و باردوا هتتعامل معاه عن طريق الهوت سبوت و تتحكم فى جميع الاجهزة اللى على الشبكة مع ملاحظة ان السيرفر اللى هتعمله ده لازم يكون ميكروتك .
ملحوظة هامة : فى الطريقة الأولى ممكن تدخل على السيرفر بتاعك من أى مكان فى العالم ، و لكن فى الطريقة التانية انت بتدخل على السيرفر بتاعك من على شبكتك بس
و ان احتاجت أى حاجة كلمنى على الخاص
شكرا يا بشمهندس بس في حد قالي علي طريقة سهلة اوي (كل الي هجيبه كبل كروس وفر واوصل السوتش بالسوتش مع مراعاة تغيير ايبهات الاجهزة هل الكلام ده ينفع )
لا للأسف ما ينفعش لأن الكابل الـ Crossover ده للتوصيل بين جهازى كمبيوتر فقط أو بين PC و أى Device آخر زى مثلا ً DVR ، ماكينة تصوير ، فاكس .............الخاقتباس:
المشاركة الأصلية كتبت بواسطة aborawash alam
أما اذا وجد سويتش أو HUB لابد من التوصيل عبر الـ STRAIGH-THRU CABLE .
و بعدين حاجة مهمة أوى هو حضرتك عاوز توصل الشبكتين ببعض بس و لا عاوز تجمع الـ Bandwidth
( سرعة الراوترين ) فى مكان واحد و تتحكم فيهم من أى مكان على الشبكة ؟؟؟
ياريت حضرتك ترد على فى الجزء ده ضرورى لأن على أساسه هاقول لحضرتك تعمل ايه بالضبط بأقل التكاليف
:satelite:
اسف علي التأخير انا مش عايز ادمج السرعتين انا عايز ال workgroupيكون واحد للاجهزة ومش عايز ادمج السرعتين مع بعض ولا حاجة .وكل عشرة ليهم سرعة خاصة بيهم وراوتر ارجوك رد علية انا تعبت اوي من اللف و التدوير.وقولي اعمل ايه ومش عايز اتحكم في الشبكة خالص ولا اتحكم في سرعة النت الي واصلة لكل جهاز كل طلبي ان يكون ال workgroup ليهم واحد او يظهر علي جهازي ونظام التشغيل ويندوز xpكمان حاجة عايز اقولك عليها مش ضروري الاجهزة تشوف بعضها المهم جهازي انا يشوفهم كلهم علي شبكته نوع الشبكة عادي خالص الي هوة لو تكتبلي رقم موبيلك هكلمك يكون اسهل workgroup .small net work
من كلامك شبكتين يعني كل شبكة ليها:
IP range
Sub net
Gateway
وطبعا طالما subnet مختلف يبقى عمرهم محيشوفوا بعض.
لازم تعمل routing زي ما البشمهندس قال لحضرتك.
الأسهل والأكثر عملية تجيب جهاز محترم وتنزل عليه TMG ويكون ليه 3 كارت (3 legs network)
دا حيخليك تشوف الأجهزة كلها وحتقدر تتحكم في كل جهاز علي حد أو المجموعة كلها دفعة واحدة.
حضرتك تركب الروتر علي كارت - وكل مجموعة علي كارت - دا لو روتر واحد. زي الصورة دي
http://docs.grouplogic.com/download/...4330330&api=v2
أما لو 2 روتر يبقى تزود كارت كمان لكل روتر
وتعرف الكارتين بتوع الراوترز علي أهم (External) وتعمل (Loud Balance)
يبقى عندك 2 External و 2 Internal
وتقدر بقى تلعب زي منتا عايز.
شكرا لأهتمامك شكلها كدا هترسي علي روتر بورد.طيب ايه موضوع اني ممكن اركب كرتين شبكة علي جهاز واحد؟ هل الجهاز الي هركب عليه 2 كارت شبكة هيشوف كل الاجهزة ولا لاء؟
بص يا باشا واضح ان حضرتك عاوز سيستم سهل أوى تشتغل عليه وواضح كمان انك مش عاوز تشغل دماغك بسرعات ولا تحكم فى أيبيهات انت عاوز تعمل workgroup بس ،،،
سهلة خااااااااااااالص
الأول لازم حضرتك تفيدنى الراوتر الأول ( نوعه - الخدمة اللى عليه منين يعنى اتصالات - لينك - تى اى داتا ،،،،،) و كذلك الراوتر الثانى
وكمان وضح لى ايه هى برامج الشبكات اللى بتعرف تشتغل عليها علشان أقول لك على أفضل نظام بأقل التكاليف
تحياتى
الروتر الاول D-linkوده تبع شركة لينك والروتر الثاني هواوي وده تبع شركة te data والبرنامج بتاعي هاندي كافيه بيتحكم في وقت الاجهزة وكدة بس مفيش اي برامج تاني وتحياتي ليك ....متااااااااااااااابع انا تعبت من البحث والتدوير
من الآاااااااااااااااااخر
الـ Ip range ممكن أغيره لك
و لكن الـ Supnetmask و الـ DNS بتاع الشبكتين مختلف
ولو حاولنا نوحدهم على شبكة واحدة هتفقد سرعة الراوتر التانى ، كنت أتمنى ان الخدمة تطلع على الراوترين لنفس الشركة
و لكن للأسف مزود الخدمة عندك فى الراوتر الأول مختلف عن الثانى ،
المهم علشان ما اصعبش الموضوع عليك
أفضل خيارين لك
* RouterBoard
* Mikrotek Server
الأول تكلفته عالية نسبيا ً بس هيعمل لك كل حاجة و تشغله و تنسااااااه
الثانى تكلفته بسيطة نسبيا ً بس طالما حضرتك ما لكش فى الصيانة و وجع الدماغ يبقى خليك فى الأولانى و دى نصيحتى لك ، و على فكرة اوعى تشغل أى راوتر بورد من غير استبلايزر اللهم بلغت
و باردوا لو احتاجت أى حاجة أنا تحت أمرك
تحياتى