مشكلة مع وكيل شيفروليه برجاء المساعدة
سلام عليكم
أنا عربيتي أوبترا اوتوماتيك موديل 2013
العربية رحت النهاردة أعمل صيانة ال20 ألف في اخوان مقار نظرا لأنه جنب البيت انا ديما بروح الصيانات قبل معادها لأاني اصلا مهندس ميكانيكا سيارات بعد الصيانة طلعلي تقريرم بان المساعدين الخلفي و كفتين المساعدين الأمامي محتاجين يتغيروا لأن المساعدين بترشح زيت و الكفتين مضغوطين رحت لمدير الورشة و اتكلمنا قلتلوا الكلام ده مش منطقي و أنا بحافظ علي عربيتي جدا و أن ده مش العمر الافتراضي للمساعدين و ان ده اكيد سوء تخزين للعربية عشان انا شاري العربية متخزنة سنة موديل 2013 شاريها شهر 12 قاللي و الله حضرتك أصلا العفشة برة الضمان قلتلوا برة الضمان لما اجي بعربية متبهدلة او ماشية 40 50 ألف لكن عربية مفيهاش ولا خبطة من فوق ولا تحت و عاملة 20 الف في 9 شهور يعني اغلب مشي العربية سفر تقي سوء استخدام يبقي نصب و الأويل سيل بتاع المساعد كان ناشف من التخزين فمستحملش لما لقاني فاهم سكت و قاللي هنكتب تقرير لمنصور شيفروليه و نستني الرد ممكن حد يساعدني اعمل ايه لان كمان في صوت جاي من بلف طلمبة الباور و بيقولي مدام صوت بس مش بيأثر علي الأداء مقدرش أغيرهالك لما تبوظ ابقي تعالي نغيرهالك ممكن حد يساعدني أنا اعمل ايه عشان أخد حقي
