عرض للطباعة
السلام عليكم اسرة دايهاتسو الأعزاء...
ربنا رزقني بشاريد 2007 و محتاج اعملها صيانة شاملة (موتور، عفشة، فرامل و مراجعة علي الكهربا) ومن خلال متابعتي لموضعات الصيانة لاحظت ان فيه اثنين متخصصين في صيانة دايهاتسو في الحرفيين وهما م. سيد الفراش و د. علاء طلعت...
ياريت يا جماعة اللي جربهم يفيدني بايهما الانسب لعمل جميع الصيانات المطلوبة و لكم جزيل الشكر...
هل من مجيب؟
محدش جرب حد منهم و يفدنا بتجربته معاه؟
سيد الفراش كويس انا جربته معايا سيريون 2001 بتاعة مراتي و قطع الغيار تجيبها من اوشين او اولاد حمزه
و صنايعي هناك اسمه سيد غير المهندس سيد الفراش كويس وبيفهم فيها و سيد ده بيشتغل عفشه و ميكانيكا برده ولو عايز اي خدمه انا ساكن في جمال عبد الناصر بعد الرشاح وانا تحت امرك
قولا واحدا المهندس سيد الفراش او التوكيل
غير كده بتبهدل عربيتك
الف شكر يا جماعة علي الافادة... ان شاء الله هروح للمهندس سيد الفراش و هعمل تقرير عن الصيانة اللي هتم في العربية... لانها محتاجة تغير حاجات كتير خصوصا في العفشة...
بس يا تري ايه اخبار اسعار المصنعية؟ هل معقولة ولا مبالغ فيها؟
حسب حضرتك هاتعمل ايه قولي كده و يمكن افيدك
اللى مطلوب عمله
1- الموتور: محتاج اغير زيت + فلتر و يبص على البوجيهات و ضبط الموتور بالكمبيوتر.
2-العفشة: مراجعة على العفشة بالكامل (فيه صوت طقة قدام فى المطبات)
3-الفرامل: مراجعة على الفرامل بالكامل (العجلتين اللى قدام بيسخنوا جامد)
بسيطة ان شاء الله
سؤالين كمان معلش تقلت عليكم
هل م.سيد الفراش عنده كمبيوتر لضبط الموتور؟ و هل كمان عنده ونش لرفع السيارة لعمل صيانة العفشة و السيارة من الاسفل؟
عملت ايه ؟؟