للنقاش: اخترت طريق (كلية التجارة) بدل من طب أسنان؟ رأيكم!

بسم الله الرحمن الرحيم
لا شك ان كل ما يحدث هو خير بإذن الله،،،،
والأرزاق بيد الواحد القهار،،،،
بعد نتيجة الثانوية العامة ما دخلتني كلية التجارة ، كان قدامي فرصة ادخل طب اسنان خاص في جامعة كويسة
بصراحة رفضت الفكرة لاني حيبت الفلوس اللي هدفعها عشان ابقى دكتور سنان ومعايا عيادة هتكون كبيرة وعشان اعوضها هحتاج في تقديري ٣ -٥ سنين،ف قلت اخذ الموضوع من قصيره وادخل تجارة لاني مش بحب الطب لتلك الدرجة،
وكنت رافض اني ادخل كلية عشان يبقى لقبي دكتور وقلت انا مش عايز اللقب ده!
حقيقة ده في حد ذاته يعتبر اتجاه عكس التيار كليا!
يعني من دلوقتي الواحد بيشوف زمايله بيتنادو بلقب دكتور،ما بالك في المستقبل!!
ده غير ان كل شوية واحد يطلعلي ويقولي لما تيجي تتقدم لواحدة هتقول لأبوها انا خريج تجارة ولا انا دكتور؟
بالإضافة ان دكاترة السنان بيكسبوا كويس بإذن الله !
يعني من الآخر انا غلطان في نظر الناس!
مش مهم مهو الناس شايفاني معظم الوقت غلطان حتى لو كنت صح!
لكن لما جيت اسأل جماعة خريجي تجارة قالوا اني غلطان واني كنت المفروض ادخل جامعة خاصة طب اسنان!
عشان الوضع الإجتماعي والربح وكدة!
بصراحة انا استفريت ع التجارة بس صدري بيضيق من الكلام ده وبيحسسني اني غلطت!
طبعا كله خير
ولكن انتوا رأيكم ايه ف التصرف ده؟

سيبك من كلام الناس المحبطه دى
اهم حاجه تكون متفوق فى كليتك وفى مجالك
ويا فرحتى بدكتور فاشل فى وظيفته والاسم دكتور

اقتباس:

---

المشاركة الأصلية كتبت بواسطة j a g u a r

سيبك من كلام الناس المحبطه دى
اهم حاجه تكون متفوق فى كليتك وفى مجالك
ويا فرحتى بدكتور فاشل فى وظيفته والاسم دكتور

---

يا باشا كلام الناس ملهوش اهمية معايا
انا بتكلم كمستقبل وكدة يعني انت تفضل ايهما؟

اقتباس:

---

المشاركة الأصلية كتبت بواسطة محمود حسن

يا باشا كلام الناس ملهوش اهمية معايا
انا بتكلم كمستقبل وكدة يعني انت تفضل ايهما؟

---

كمستقبل الطب طبعا افضل

لو لسة في مجال حول لطب اسنان. سوق العمل مقفول بس المتخصص ممكن تبقي فرصته افضل والمتخصص بعدد قليل فرصته اكبر والمتخصص بتميز فرصته افضل وافضل.

أنا هريحك . . اسمع القصه الحقيقيه دي :
والدي صيدلي . واحد زميله اتخرج معاه و فتح صيدليه بس فشل و قفلها وراح فتح واحده تانيه بس فشلت بردو سافر السعوديه و فشل ورجع فتح صيدليه وفشل بردو !
وانقطعت أخباره لحد ما جه اليوم ان والدي سمع حاجه غريبه عنه
سمع ان اخو مراته مقاول قاله ماتيجي تشتغل معايا و هعلمك كل حاجه وسيبك من الصيدليات
وفعلا بدأ من الصفر وبعد كام سنه أصبح بنعمه الله أكبر مقاول فالبلد و يمتلك أبراج وعقارات ما شاء الله
بسم الله الرحمن الرحيم " ﻭَﻓِﻲ ﺍﻟﺴَّﻤَﺎﺀِ ﺭِﺯْﻗُﻜُﻢْ ﻭَﻣَﺎ ﺗُﻮﻋَﺪُﻭﻥ "

انت اللي هاتحدد مستقبلك
بانك تدرس الحاجه اللي بتحبها لانك هاتبقي متميز فيها وفرصه نجاحك هاتبقي اكبر من انك تخش طب وانت مش حابه

انا بقول لك عن خبره
لو انت مالكش ميول فى طب الاسنان
ما تدخلهاش وخليك فى كليه التجاره
وانت بتقول انه كان ممكن تدخل طب
اسنان خاص..انا عندى فكره ..انت
المبلغ اللى كان حتدفعوا كل سنه
فى طب الاسنان خللى الوالد يحوشه
لك وبعد التخرج حيبقى مبلغ محترم
ممكن تبدا بيه مشروع وربنا
يكتب لك النجاح.
اما اذا كانت ميولك مش فى كليه
التجاره..ف على طب الاسنان
على طول.
وشكرا

انا خريج تجارة وبقلك بدون تفكير ...طب اسنان


بص لو طلعت الاول على الدفعة في التجارة (( دا لو يعني !! )) ...احتمال تتعين معيد واحتمال ( كبير ) ...هتطلع هيبقي زيك زي اللي جايب جيد وجيد جدا ..وهتبدأ تدور على شغلة نضيفة اللي هي شغل البنوك فقط (( ودي برضو مش اللي هي )) وطبعا كشغل خاص بتجارة في مصر ...انسي ....رواتب زبالة ومفيش اصلا .....


طب اسنان المجال مفتوح كبير قدامك ....ممكن تشتغل في مستوصف ولا مستشفي او تفتح عيادة خاصة
دا غير انك لو حبيت تسافر مجالك مطلوب اكتر من تجارة كتير جدا ( انا اعمل خارج مصر ) وراتب ممتازة جدا اعلى من تجارة بكتير


متضيعش مستقبلك ...

ماشى موافق انك مش بتحب الطب وشويه الحاجات الى انت كاتبها فوق
بس ايه بقى خطتك فى مجال كليه التجارة يعنى شهاده وخلاص ولا بتشترى دماغ من المذكرة

اعذرنى حاسس انك ضعيف الخبرة جدا

لو ملكش خطه فى كليه التجارة او عارف انت داخلها ليها ارجع لطب على الاقل فى حاجه اسمها
career path

اقتباس:

---

المشاركة الأصلية كتبت بواسطة adnfalcon

أنا هريحك . . اسمع القصه الحقيقيه دي :
والدي صيدلي . واحد زميله اتخرج معاه و فتح صيدليه بس فشل و قفلها وراح فتح واحده تانيه بس فشلت بردو سافر السعوديه و فشل ورجع فتح صيدليه وفشل بردو !
وانقطعت أخباره لحد ما جه اليوم ان والدي سمع حاجه غريبه عنه
سمع ان اخو مراته مقاول قاله ماتيجي تشتغل معايا و هعلمك كل حاجه وسيبك من الصيدليات
وفعلا بدأ من الصفر وبعد كام سنه أصبح بنعمه الله أكبر مقاول فالبلد و يمتلك أبراج وعقارات ما شاء الله
بسم الله الرحمن الرحيم " ﻭَﻓِﻲ ﺍﻟﺴَّﻤَﺎﺀِ ﺭِﺯْﻗُﻜُﻢْ ﻭَﻣَﺎ ﺗُﻮﻋَﺪُﻭﻥ "

---

القصص الحقيقة اللي زي كدة هيا اللي خلتني افضل تجارة!
بس برضو مش معنى كدة ان طب اسنان مرفوضة

اقتباس:

---

المشاركة الأصلية كتبت بواسطة a_taamer

ماشى موافق انك مش بتحب الطب وشويه الحاجات الى انت كاتبها فوق
بس ايه بقى خطتك فى مجال كليه التجارة يعنى شهاده وخلاص ولا بتشترى دماغ من المذكرة

اعذرنى حاسس انك ضعيف الخبرة جدا

لو ملكش خطه فى كليه التجارة او عارف انت داخلها ليها ارجع لطب على الاقل فى حاجه اسمها
career path

---

في الحالتين من وانا في الثاكان عندي خطة بديلة وكانت التجارة وبرضو مخطط الدورات التدريبية اللي من المفروض اني اخدها، مش بشتري دماغي من المذاكرة بالعكس في الحالتين مطلوب اني اذاكر وربما في التجارة اكبر
وفي ٣ مشاريع موجودين في دماغي ،لكن تنفيذهم مش سهل ومحتاج تفكير وفلوس !
ومبدأ ان الطب مستقبل افضل واضمن بإذن الله هو اللي خلاني اكتب الموضوع ده
وشكرا

غلطان فى رأيى

مصاريف كلية اسنان الخاصه تقريبا من 200 ل 250 الف
يعني كمان اربع سنين هتلاقيهم ما يجيبوش عربيه زيرو
.....
وموضوع غلطان ولا مش غلطان
والله كل واحد ادرى بظروفه
لو مبلغ الدراسه موجود ومش هيكون عبئ على والدك في المصاريف يبقى انت غلطان واسنان طبعا افضل 100000000 مرة من تجارة . مع الاحترام للجميع ..

كله محصل بعضة تقريبا الا لو هتفتح عياده و العياده تشتغل ساعتها هتبقى العياده مشروعك لكن زى اى شىء معرضه للفشل او النجاح
الفرق بين مرتبات تجارة و اى تخصصات تانيه مش كبير لو انت اشتغلت فى قطاع خاص ساعات بيبقى مرتبات المحاسبين اعلى من المهندسين و الاطباء فى البدايه غير ان شغلهم نوعا ما مريح نفسيا شوية
ثالثا لو انت بتبص على الفلوس الفلوس مش مضمونه بالشهاده و حتى لو جت مش مضمونه انها تخليك مبسوط برضه
انت اعمل الى يريحك و يوازن بين حياتك العمليه و الشخصيه بدل ما تتسحل فى كليه قمه تقرفك و تخليك مش قادر تتلفت و لا تتنفس 4..5 سنين و فى الاخر كله محصل بعضه دلوقتى
رابعا لو على المكانه الاجتماعيه فالمبدأ السائد دلوقتى معاك قرش تسوى قرش يا فرحتى اسمك دكتور و مرتبك 500..1000 جنيه فى الشهر يعنى محصلتش مرتب موظف كول سنتر شغال بمعهد 4 سنين

لا انت غلطان ١٠٠٪، مافيش مقارنه اصلًا بين الاتنين مع احترامي، انت ممكن تقول محصله بعضها والرزق بايد ربنا وكده، :) بس لو هتمشي بالمبدأ ده يا باشا وخلاص يبقى ادخل معهد وخلاص..!! مافيش مقارنه بين فرص طب اسنان وتجاره، أضمن بكتييير، اه في تجاره ممكن تضرب معاك وتعمل مشروع وينجح جامد، بس ده مش أساسي بيحصل مع اي حد...!! لو انت اجتهدت في طب اسنان وعملت اللي عليك ممكن تفتح عياده خاصه.

أنا لسة داخل كلية و أقدر أفيدك ... اوعي تسمع لكلام حد و اوعي تندم علي أي حاجة عملتها عشان الندم مش حلو و ممكن يسببلك مشاكل صحية ... ايه المجال اللي انت بتحبه أكتر و هل هتبقي مبدع فيه ولا لا ؟! ... لو مش بتحب الطب محدش يقدر يجبرك عليه ... فكك من موضوع أبو العروسة و الهري ده عشان ده كلام ما بيأكلش عيش ... أي واحد عايز يطمن علي بنته ف طول ما انت معاك فلوس يبقي في نظره لا يعيبك شائبة ... يا فرحته بدكتور و مش عارف يفتح بيت !!! ... مش إجباري نهائيا إنك لما تفتح عيادة تبقي مشهور أو أي حد يجيلك و هي فلوس طايرة في الهواء ... اعمل اللي انت بتحبه و نفسك فيه و في الأخر كدة كدة المكتوب مكتوب و تأكد إن ربنا كاتبلك الخير

لو لسه فى فرصه تدخل كليه اسنان خاصه والظروف الماديه تسمح
يبقى مش تتاخر ولا تتردد وربنا يوفقك

بص يا باشا طبعا الارزاق بايد ربنا دي حاجه مفيهاش كلام ...
بس اانا بقولك هتندم اشد ندم وساعتها مش هتعرف ترجع تاني
اسنان برستيج عن تجاره
اسنان باذنك يارب هتعرف تجيب فلوس عن تجاره
اسنان هتفتح عيادتك وتبقي شغال عند نفسك وبراحتك وبمزاجك مش شغال في بنك ولا شركه ( وابقي قابلني اصلا لو لقيت شغل ) يبقي عندك مدير يقرفك او ع الاقل تبقي ملتزم بمواعيد رسميه وروتين في كل حاجه
اتخيل رايح تتقدم لواحده في الوضعين وشوف الفرق .. مع كامل احترامي لخريجين تجاره
ياراجل حرام عليك بتقارن ايه بايه ...
عايز رايي بقي ...
لو ليك حد قريبك مستشار او ليك حد في السلك ده خش حقوق وشد وهات جيد ويعينك في النيابه ساعتها دي هتبقي احسن من 100 طب
من الاخر يا باشا يا اسنان ... يا حقوق ( لو ليك حد يسندك ) ولو ملكش يبقي اسنان بس

هل أنت عايز تخش تجارة لمجرد أنك مش عايز الأسنان و للا عشان أنت حابب المجال ؟!

حط في بالك كويس أوي أوي, أن سكة طب أسنان هتكلفك ثروة مش صغيرة, سواء في الدراسة عشان جامعة خاصة, أو بعد التخرج عشان تفتح عيادة, لأن عيادات الأسنان مكلفة جداً جداً في أجهزتها و الأدوات المستخدمة فيها..
لو أنت حابب مجال التجارة دوس فيه بقلب جامد بس تحط في دماغك أن شهادة الجامعة دي تساوي صفر في سوق العمل و مش هتأكلك عيش إلا في بعض الحالات الفردية لكن مش دي القاعدة,
عشان يبقى ليك وزن في سوق العمل في مجال كلية التجارة, لازم تمشي في سكة الشهادات الدولية التقيلة, mba, cma, cpa, cfa, وفي غيرهم.. لو مش في دماغك تكمل مذاكرة في السكة دي يبقى متستناش مقابل من شهادة التجارة..
فكك تماماً من حوار البرستيج ده, ده كلام موضة قديمة و سوق العمل مبيعترفش بيه..
المهم مستوى تعليمك, دماغك فيها ايه, شخصيتك عاملة أزاي..

.....................................

بلاش تجارة ابعد
انا خريج تجارة واخويا خريج تجارة وابن خالتى تجارة وبنت خالى تجارة
اقولك اشتغلنا اية بقى
اولا انا
اشتغلت الاول مندوب مبيعات فى شركة ادوية اسبوع بالظبط
طلع عين اهلى فيهم والشركة قفلت اصلا فى اول اسبوعين ليها شغل .. تخيل بقى
رحت اشتغلت بعدها علطول فى خلال يومين مندوب فى شركة توريدات فى الهرم وكنت بشتغل مندوب مبيعات جبنة المصريين وماسك منطقة فيصل 3 شهور شفت فيهم الويل كلة وماكنتش باخد نص مرتبى لان الشركة واقعة ومالها سوق
سبت الشغل وقعد فى البيت 5 شهور باين
وبعد كدة نزلت اشتغلت فى شركة تصوير فوتغرافر كبيرة ولمصور مشهور جدا
اة الشغلانة حلوة ومريحة بس المرتب كنت بصرف زيادة من جيبى 1000 جنية كل شهر
اخويا بقى : اشتغل الاول فى شركة حجز طيران بمرتب 400 جنية وهو اصلا سجايرة شهريا ب 600
قعد فيها مدة واشتغل فى جرين لاند مندوب وكان ماسك مناطق ف محافظة بنى سويف والتوكيل اصلا فى المنيا
كان يسافر ياخد بضاعة من المنيا ويرجع يلف في بنى سويف
قعد 6 شهور وسابها
ورحت دخلتة مكانى فى شركة التصوير بعد ما قررت انى اسيب مصر
ابن خالتى : فى اسيوط مالقاش شغل خالى شغله امين مخازن فى الشركة الى هو شغال فيها وهيا شركة ماكولات عالمية
بنت خالتى خريجة تجارة انجليزى برضو مش لقت شغل لحد ما خالى عرف يدخل اتش ار فى الشركة عنده
الخلاص خريجى تجارة على افا من يشيل ومش لاقيين شغل ولما بيشتغلو مش بيشتغلو بشهادتهم
لو ليك فى الكمبيوتر ادخل برمجة احسن مستقبلها حلو خصوصا الفترة الى جاية

انا هرد عليك من وحهه نظرى ومش عاوز حد من الأعضاء يزعل

انا لما قرأت الموضوع افتكرت انك جايب مجموع الكليتين فى الجامعات الحكوميه وساعتها كنت هنصحك بطب الأسنان طبعاً

انما لما عرفت انك بتقارن بين طب جامعه خاصة وتجاره جامعه حكوميه
فمتزعلش منى انا هديك مثال كهندسه
معظم اللى بيتخرج من جامعات خاصة هندسيه مفيش مكتب هندسى بيبقى عاوز يشغلهم وخاصة فى التصميم
ممكن يلاقى فرصه فى التنفيذ وده برضه بتبقى قليله ( الكلام ده عن طريق الشغل بدون واسطه )

انا مش عارف دلوقتى الجامعات الخاصه بتاخد من كام مجموع بس على أيامى كان طب بشرى بياخد تقريبا من 65 فى المائه وطبعاً هوه المجموع مش مقياس بس فى حالات قليله يعنى ممكن يكون واحد جايب 65 غى المائه ودماغه كويسه واحسن من واحد جايب 95 فى المائه والظروف مكانتش ماشيه معاه ايام الثانويه انما النسبه الاغلب لا

فطبعاً كطالب كلية طب وجايب 65 فى المائه هيكون تحصيلك قليل أوى وحرام ان المريض يقع تحت ايد جراح يفتحله دماغه بالمجموع ده :)

فيه نوع من الطلبه بيدخل جامعه خاصة علشان الشهاده وده بتلاقى مثلا ان والده عنده شركه مقاولات فهوه بيدخل جامعه خاصة علشان ياخد لقب مهندس وده مش بيضر حد لانه مش بيشتغل بايده هوه بيشتغل فقط شغل ادارى
والنماذج كتير

فانا دلوقتى مش عارف الجامعات الخاصه بتاخد من مجموع كام
لو بتاخد اعلى من 90 فى المائه يبقى كويس وادخلها
واسال الخريجين بتوعها بيلاقوا شغل بسهوله ولا وبالتوفيق

عارف الكلام بتاع ((خش اللى تتفوق فيه ايا كان المجال )) ,,
ارميه ف الزبالة لانه نادرا ما بيحصل ف مصر

هى كلمة واحدة ,,
لو مصاريفك الجامعة الخاصة مش هترهق والدك ماديا ,, يبقى تروح تحول من سكات

اقتباس:

---

المشاركة الأصلية كتبت بواسطة dede_dodo88

هل أنت عايز تخش تجارة لمجرد أنك مش عايز الأسنان و للا عشان أنت حابب المجال ؟!

حط في بالك كويس أوي أوي, أن سكة طب أسنان هتكلفك ثروة مش صغيرة, سواء في الدراسة عشان جامعة خاصة, أو بعد التخرج عشان تفتح عيادة, لأن عيادات الأسنان مكلفة جداً جداً في أجهزتها و الأدوات المستخدمة فيها..
لو أنت حابب مجال التجارة دوس فيه بقلب جامد بس تحط في دماغك أن شهادة الجامعة دي تساوي صفر في سوق العمل و مش هتأكلك عيش إلا في بعض الحالات الفردية لكن مش دي القاعدة,
عشان يبقى ليك وزن في سوق العمل في مجال كلية التجارة, لازم تمشي في سكة الشهادات الدولية التقيلة, mba, cma, cpa, cfa, وفي غيرهم.. لو مش في دماغك تكمل مذاكرة في السكة دي يبقى متستناش مقابل من شهادة التجارة..
فكك تماماً من حوار البرستيج ده, ده كلام موضة قديمة و سوق العمل مبيعترفش بيه..
المهم مستوى تعليمك, دماغك فيها ايه, شخصيتك عاملة أزاي..

---

الرد بتاعك جاب الزيتونة بجد!!!!
فعلا دخلت تجارة هروبا من اسنان اساسا شغل المحاسبة مش ممتع بالنسبة ليا!
بس موضوع الجامعة الخاصة هوا اللي وقفني!!
وانا فعلا ناوي بإذن الله اشتغل في الmba وهي اساسا احد الحاجات الي شجعتني ع التجارة لاننا بنسمع مرتبات خيالية ليها!!

اقتباس:

---

المشاركة الأصلية كتبت بواسطة dede_dodo88

هل أنت عايز تخش تجارة لمجرد أنك مش عايز الأسنان و للا عشان أنت حابب المجال ؟!

حط في بالك كويس أوي أوي, أن سكة طب أسنان هتكلفك ثروة مش صغيرة, سواء في الدراسة عشان جامعة خاصة, أو بعد التخرج عشان تفتح عيادة, لأن عيادات الأسنان مكلفة جداً جداً في أجهزتها و الأدوات المستخدمة فيها..
لو أنت حابب مجال التجارة دوس فيه بقلب جامد بس تحط في دماغك أن شهادة الجامعة دي تساوي صفر في سوق العمل و مش هتأكلك عيش إلا في بعض الحالات الفردية لكن مش دي القاعدة,
عشان يبقى ليك وزن في سوق العمل في مجال كلية التجارة, لازم تمشي في سكة الشهادات الدولية التقيلة, mba, cma, cpa, cfa, وفي غيرهم.. لو مش في دماغك تكمل مذاكرة في السكة دي يبقى متستناش مقابل من شهادة التجارة..
فكك تماماً من حوار البرستيج ده, ده كلام موضة قديمة و سوق العمل مبيعترفش بيه..
المهم مستوى تعليمك, دماغك فيها ايه, شخصيتك عاملة أزاي..

---

اقتباس:

---

المشاركة الأصلية كتبت بواسطة bekatcho

بلاش تجارة ابعد
انا خريج تجارة واخويا خريج تجارة وابن خالتى تجارة وبنت خالى تجارة
اقولك اشتغلنا اية بقى
اولا انا
اشتغلت الاول مندوب مبيعات فى شركة ادوية اسبوع بالظبط
طلع عين اهلى فيهم والشركة قفلت اصلا فى اول اسبوعين ليها شغل .. تخيل بقى
رحت اشتغلت بعدها علطول فى خلال يومين مندوب فى شركة توريدات فى الهرم وكنت بشتغل مندوب مبيعات جبنة المصريين وماسك منطقة فيصل 3 شهور شفت فيهم الويل كلة وماكنتش باخد نص مرتبى لان الشركة واقعة ومالها سوق
سبت الشغل وقعد فى البيت 5 شهور باين
وبعد كدة نزلت اشتغلت فى شركة تصوير فوتغرافر كبيرة ولمصور مشهور جدا
اة الشغلانة حلوة ومريحة بس المرتب كنت بصرف زيادة من جيبى 1000 جنية كل شهر
اخويا بقى : اشتغل الاول فى شركة حجز طيران بمرتب 400 جنية وهو اصلا سجايرة شهريا ب 600
قعد فيها مدة واشتغل فى جرين لاند مندوب وكان ماسك مناطق ف محافظة بنى سويف والتوكيل اصلا فى المنيا
كان يسافر ياخد بضاعة من المنيا ويرجع يلف في بنى سويف
قعد 6 شهور وسابها
ورحت دخلتة مكانى فى شركة التصوير بعد ما قررت انى اسيب مصر
ابن خالتى : فى اسيوط مالقاش شغل خالى شغله امين مخازن فى الشركة الى هو شغال فيها وهيا شركة ماكولات عالمية
بنت خالتى خريجة تجارة انجليزى برضو مش لقت شغل لحد ما خالى عرف يدخل اتش ار فى الشركة عنده
الخلاص خريجى تجارة على افا من يشيل ومش لاقيين شغل ولما بيشتغلو مش بيشتغلو بشهادتهم
لو ليك فى الكمبيوتر ادخل برمجة احسن مستقبلها حلو خصوصا الفترة الى جاية

---

تجارة انجلش ده هي الاساس الي بنعشم نفسينا بيه!!!

اقتباس:

---

المشاركة الأصلية كتبت بواسطة amr011111

انا هرد عليك من وحهه نظرى ومش عاوز حد من الأعضاء يزعل

انا لما قرأت الموضوع افتكرت انك جايب مجموع الكليتين فى الجامعات الحكوميه وساعتها كنت هنصحك بطب الأسنان طبعاً

انما لما عرفت انك بتقارن بين طب جامعه خاصة وتجاره جامعه حكوميه
فمتزعلش منى انا هديك مثال كهندسه
معظم اللى بيتخرج من جامعات خاصة هندسيه مفيش مكتب هندسى بيبقى عاوز يشغلهم وخاصة فى التصميم
ممكن يلاقى فرصه فى التنفيذ وده برضه بتبقى قليله ( الكلام ده عن طريق الشغل بدون واسطه )

انا مش عارف دلوقتى الجامعات الخاصه بتاخد من كام مجموع بس على أيامى كان طب بشرى بياخد تقريبا من 65 فى المائه وطبعاً هوه المجموع مش مقياس بس فى حالات قليله يعنى ممكن يكون واحد جايب 65 غى المائه ودماغه كويسه واحسن من واحد جايب 95 فى المائه والظروف مكانتش ماشيه معاه ايام الثانويه انما النسبه الاغلب لا

فطبعاً كطالب كلية طب وجايب 65 فى المائه هيكون تحصيلك قليل أوى وحرام ان المريض يقع تحت ايد جراح يفتحله دماغه بالمجموع ده :)

فيه نوع من الطلبه بيدخل جامعه خاصة علشان الشهاده وده بتلاقى مثلا ان والده عنده شركه مقاولات فهوه بيدخل جامعه خاصة علشان ياخد لقب مهندس وده مش بيضر حد لانه مش بيشتغل بايده هوه بيشتغل فقط شغل ادارى
والنماذج كتير

فانا دلوقتى مش عارف الجامعات الخاصه بتاخد من مجموع كام
لو بتاخد اعلى من 90 فى المائه يبقى كويس وادخلها
واسال الخريجين بتوعها بيلاقوا شغل بسهوله ولا وبالتوفيق

---

الكلام دلوقتي غير الجامعات الخاصة معترف بمعظمها
مثلا جامعة النهضة ممكن اخد الامتياز بتاعي في مستشفى حكومي مع خريجي الجامعات الحكومية

اقتباس:

---

المشاركة الأصلية كتبت بواسطة monamize4

عارف الكلام بتاع ((خش اللى تتفوق فيه ايا كان المجال )) ,,
ارميه ف الزبالة لانه نادرا ما بيحصل ف مصر

هى كلمة واحدة ,,
لو مصاريفك الجامعة الخاصة مش هترهق والدك ماديا ,, يبقى تروح تحول من سكات

---

هو مش فكرة كدة ! الفكرة ان المجال في ناس كتير وكله عايز يتفوق احنا دفعتنا قربت من الألفان طالب

بص من الاخر الفرق مش في طبيب أسنان أو محاسب .. الفرق في اللي فاهم شغله و متفوق فيه و بيطور من نفسه .. و لو بصيت لأي شركه كبيرة هتشوف فيها المحاسبين عاملين ازاي .. أصلا هتلاقي حاليا الأطباء و المهندسين و الصيادلة بيروحوا ياخدوا mba عشان يدرسوا بزنس .. عشان في الأول و الاخر هدف أي منظمة حتى لو كانت مستشفى انها تكسب فلوس.

انت بس طور نفسك و خد كورسات cpa و cma و الحاجات دي و انت ان شاء الله ربنا هيكرمك.

و لو انت محاسب و متميز و اتقدمت لواحده دكتورة ولا مهندسة ورفضتك .. اعرف ان اللي بتفكر بالطريقة دي متستهلكش و هتتعبك جدا لو اتجوزتها.

اقتباس:

---

المشاركة الأصلية كتبت بواسطة محمود حسن

بسم الله الرحمن الرحيم
لا شك ان كل ما يحدث هو خير بإذن الله،،،،
والأرزاق بيد الواحد القهار،،،،
بعد نتيجة الثانوية العامة ما دخلتني كلية التجارة ، كان قدامي فرصة ادخل طب اسنان خاص في جامعة كويسة
بصراحة رفضت الفكرة لاني حيبت الفلوس اللي هدفعها عشان ابقى دكتور سنان ومعايا عيادة هتكون كبيرة وعشان اعوضها هحتاج في تقديري ٣ -٥ سنين،ف قلت اخذ الموضوع من قصيره وادخل تجارة لاني مش بحب الطب لتلك الدرجة،
وكنت رافض اني ادخل كلية عشان يبقى لقبي دكتور وقلت انا مش عايز اللقب ده!
حقيقة ده في حد ذاته يعتبر اتجاه عكس التيار كليا!
يعني من دلوقتي الواحد بيشوف زمايله بيتنادو بلقب دكتور،ما بالك في المستقبل!!
ده غير ان كل شوية واحد يطلعلي ويقولي لما تيجي تتقدم لواحدة هتقول لأبوها انا خريج تجارة ولا انا دكتور؟
بالإضافة ان دكاترة السنان بيكسبوا كويس بإذن الله !
يعني من الآخر انا غلطان في نظر الناس!
مش مهم مهو الناس شايفاني معظم الوقت غلطان حتى لو كنت صح!
لكن لما جيت اسأل جماعة خريجي تجارة قالوا اني غلطان واني كنت المفروض ادخل جامعة خاصة طب اسنان!
عشان الوضع الإجتماعي والربح وكدة!
بصراحة انا استفريت ع التجارة بس صدري بيضيق من الكلام ده وبيحسسني اني غلطت!
طبعا كله خير
ولكن انتوا رأيكم ايه ف التصرف ده؟

---

عجبتني حته لما هتتقدم لواحده هتلاقها لأبوها ايه و كأن لو انت مش دكتور او مهندس ده يبقي عار و لازم تدرايه
يا باشا من الاخر الدكاتره و المهندسين بيترفضوا برضه مادام الاهل في دماغهم مستوي مادي معين العربس مش قادر عليه
مش كل الدكاتره و المهندسين مرتباتهم و دخلهم عالي بالعكس المعظم دخله اقل من المتوسط
شوف اللي بتحبه ايه و اختاره و ربنا يوفقك فيه

بص . انا خريج تجارة وشغال محاسب فى شركة من اكبر شركات طب الاسنان فى مصر .

بدون تفكير طبعا طب اسنان انت لو معاك فعلا الفلوس انك تدخل طب اسنان خاص و تفتح عيادة على مستوى كويس . يبقى متفكرش و على طب اسنان عالطول . المكسب بتاعها خرافى بس لو انت اشتغلت بطريقة معينة . وطبعا اجتماعيا احسن بكتير

لو دخلت تجارة: بعد خمس سنين مش هاتكون استفدت او تعلمت أي شيء جديد مفيد، ولسه محتاج تبدأ في دراسة الشهادات المحاسبية عشان تبدأ تكتسب أي معرفة مفيدة

لو دخلت أسنان: بعد خمس سنين على الأقل هتكون معاك شهادة متخصصة وبتجيد مهارات مش سهل حد تاني يجيدها، سعر ساعة شغلك أغلى، سعرك داخل وخارج مصر أعلى، تقدر تحاول تعمل معادلة شهادتك بشهادات الخارج وتسافر تشتغل في دول أجنبية

معلش انا عارف إن موضوع هادرس الحاجة اللي باحبها، وهابقى شاطر وأحقق معجزات موضوع له بريق، بس صدقني سوق العمل قواعده مش بتتغير بالسرعة دي، والحالات الفردية مش مقياس عشان تبني عليه

ومن جهة أخرى، ممكن لما تخلص أسنان تروح تنتسب لكلية تجارة أو تعمل دبلومة محاسبة او إدارة لو حسيت إنك محتاج شهادة في المواضيع دي، إنما مش هتقدر تروح تاخد دبلومة تخليك طبيب أسنان

لو مصاريف طب الأسنان متاحة لا تتردد

اقتباس:

---

المشاركة الأصلية كتبت بواسطة monamize4

عارف الكلام بتاع ((خش اللى تتفوق فيه ايا كان المجال )) ,,
ارميه ف الزبالة لانه نادرا ما بيحصل ف مصر

هى كلمة واحدة ,,
لو مصاريفك الجامعة الخاصة مش هترهق والدك ماديا ,, يبقى تروح تحول من سكات

---

أرفع القبعة احتراما ليك على ردك العملي ده ......... السوق لا يعترف بالحب والكلام ده ......... أنا دخلت اللي بحبه وكانت نتيجته الفشل المادي في السوق وتفوق زمايلي عليا ماديا ........ ودلوقتي بعد خمس سنين بحاول ادخل المجال اللي مكنتش عاوز ادخله في الاول ...... بلاش تمشي ورا عواطفك ...... لو عندك مشروع في دماغك ادخل تجارة وابتدي فيه من دلوقتي وربنا هيكرمك ......... لو كلام واحلام وكده ادخل طب احسن

انا ف الثانويه العامة كان جايلي طب بيطري وكنت زعلان اوي
لكن مكنتش مقتدر ادخل كليه خاصة
دلوقتي بحمد ربنا اني مدخلتش بشري او صيدله او اسنان
ال حققته ف مجالي مكنتش احلم بيه الحمد لله
الغرض - الرزق بتاع ربنا - انا اعرف صيادله مش لاقيين ياكلوا - اسف اللفظ
وخريجين تجاره وبيكسبوا كويس جدا الحمد لله

التعليم والمركز الاجتماعى والوضع والخ الخ الخ ده شىء ....... والرزق اللى ربنا كاتبهولك من وانت فى بطن والدتك ده شىء تانى .حتاخده غصب عن اى كليه
علشان كده مفيش حاجه اسمها الكليه دى بتكسب عن الكليه دى
لكن كلقب دكتور وكده طبعا بيفرق وممكن تختار على هذا الاساس وان كنت حاسس ان بعد الجامعات الخاصه والناس بتدخل الكليه اللى عاوزاها بالفلوس بدات تختفى الحكايه دى

اقتباس:

---

المشاركة الأصلية كتبت بواسطة عزيز محمد

لو دخلت تجارة: بعد خمس سنين مش هاتكون استفدت او تعلمت أي شيء جديد مفيد، ولسه محتاج تبدأ في دراسة الشهادات المحاسبية عشان تبدأ تكتسب أي معرفة مفيدة

لو دخلت أسنان: بعد خمس سنين على الأقل هتكون معاك شهادة متخصصة وبتجيد مهارات مش سهل حد تاني يجيدها، سعر ساعة شغلك أغلى، سعرك داخل وخارج مصر أعلى، تقدر تحاول تعمل معادلة شهادتك بشهادات الخارج وتسافر تشتغل في دول أجنبية

معلش انا عارف إن موضوع هادرس الحاجة اللي باحبها، وهابقى شاطر وأحقق معجزات موضوع له بريق، بس صدقني سوق العمل قواعده مش بتتغير بالسرعة دي، والحالات الفردية مش مقياس عشان تبني عليه

ومن جهة أخرى، ممكن لما تخلص أسنان تروح تنتسب لكلية تجارة أو تعمل دبلومة محاسبة او إدارة لو حسيت إنك محتاج شهادة في المواضيع دي، إنما مش هتقدر تروح تاخد دبلومة تخليك طبيب أسنان

لو مصاريف طب الأسنان متاحة لا تتردد

---

كلام ده صح و طريقة تفكير صح
نقطة تانيه احب اضيفها
الجو و الناس الى هتحتك بيهم فى طب اسنان هيكونلك شخصية تتتتتانى خااالص
زى ما الزملاء قالو
لو مصاريف طب الأسنان متاحة لا تتردد

اقتباس:

---

المشاركة الأصلية كتبت بواسطة محمود حسن

تجارة انجلش ده هي الاساس الي بنعشم نفسينا بيه!!!

الكلام دلوقتي غير الجامعات الخاصة معترف بمعظمها
مثلا جامعة النهضة ممكن اخد الامتياز بتاعي في مستشفى حكومي مع خريجي الجامعات الحكومية



هو مش فكرة كدة ! الفكرة ان المجال في ناس كتير وكله عايز يتفوق احنا دفعتنا قربت من الألفان طالب

---

انا عرض عليك 4 حالات فى عيلة واحدة ومنهم تجارة انجليش علشان تعرف سوق العمل الى هيستناك بعد ما تخلص