عرض للطباعة
بعد انتشار الجيلى اميجراند و بدأت تغطى على BYD بشكل ملحوظ
و أنتشارها فى دول الخليج كمان بيأكد انها كويسة
ماهو مصير الجيلى Mk و الجيلى Ck 2 فى مصر مع التوكيل
هل متوفر قطع غيارهم فى التوكيل
أو من تجارب الملاك هل قطع الغيار سهله يعنى ممكن اى ميكانيكى يشتغل فيها حتى لو هيوفق لها من سيارات اخرى ؟
و أية أخبار العفشه و المطبات و التكييف و الكماليات و الراحه الداخليه ؟
عشان بصراحه العربيه دى داخله دماغى فى شكلها بس عمرى ما جربتها و سعرها حلو مستعمله
انامعايا من سنه وحجاتها كلها متوفرة في التوفيقية عند ابو عوف وليه فرع في الاسكندرية وفي طنطا وفي حاجات من اسبرينزا بتمشي عليها والموتور جبتلها اسطوانة ودسك تيوتا كورولا 98 قبل كده وركبت عليها عادي والعربيه اداء ميه ميه وصاج كويس دنا وقعت بيها سور السد العالي ولا الهوا اتكل علي الله ومش حتندم
و انت معترف انك وقعت بيها سور السد العالى ؟اقتباس:
المشاركة الأصلية كتبت بواسطة atwany2
ازاى يعنى سور السد العالى وقع و محدش اعتقلك ولا اتجاب سيرتك فى التليفزيون :018A1D~146:
خلينا نتكلم بجد طيب
لانى شوفت كذا عربيه جيلى ck الى شكلها من ادام عامل زى المرسيدس دى عاملة من 30 الى 35 الف جنيه و بيبقى قابل للتفاوض كمان
و شوفت جيلى mk بنفس السعر
يعنى العربيتين سعرهم حلو جدا لانهم زيرو كان زمان اسعارهم قليلة جدا
لكن دلوقتى هل مع قلة السعر دة تستاهل ولا هتتعب الواحد ؟
والله عربيه حلوة بجد وتستاهل وانا شايف انها زي الكوري دا اذا مكانتش احسن انا معايا ck 2009 من سنه وزي الفل مع اني عملت بيها حادث و غيرت الفتيس لانه اتكسر بواحد مستعمل من الوكاله وتمام مفيش صوت وتكيف تمام وقطع غيار مش غاليه واللي تشوفة برضة
طيب سؤال مش عارف ليه الناس بتزعل منه مش عارف انت هتزعل ولا لأ
جيبتها بكام ؟
و حاليا الحالة النضيفة منها بتعمل كام ؟
سنة 2006 اشتريت جيلي ck1 ب 64 الف كاش كانت 1600 سي سي توكيل ناشيونال موتورز .. التوكيل خلع وفلسع بعد سنة وفضلت ادلل عليها عشان ابيعها لما انعدمت قطع الغيار تماما من مصر
وبعتها ب 41 الف بعد سنة وشهرين وبوست على ايد الراجل اللي اخدها مني
سيارة صيني يعني كل حاجة فيها غير معمرة وعرضة للتلف مثال :- مكن السنتر لوك - وحدة الكمبيوتر الخاصة بالزجاج والانذار - علبة الباور ... الخ
انا عن نفسي شايفها كويسه وقطع غيارها متوفرة وفيه حاجات كتير بتمشي عليها وانت لورحت شركة ابوعوف عندك في الاسكندرية حتتاكد من كلامي وانا عربيتي 2009
دكتور محمود انت بتصعب عليا فى التجارب و اخر عربيه الفيرنا الى معاك فراملها عامله ايه ؟
atwany2 أكيد عربية حضرتك حلوة لانها بتاعة حضرتك بس
لكن يا جماعة برضه خلينا نعترف بأعتراف حلو ماشى ؟
العربيات الصينى بالتأكيد بالنسبه للكورى لا تزيد عن 70% من القوة فى أمكانيات التشغيل
يعنى بمعنى اصح هيا عربيه و بتمشى صح ؟
يعنى لو واحد استخدامه خفيف و هادى كدة و مش بتاع معجنه فى العربيه اكيد هتعيش معاه و هتريحه فى قطع الغيار
لان فيه ناس محسسنى ان الصينى دة غريب اوى ولا الصينى بيبوظ و هو مركون ولا أية ؟
الفرق كبير غبور توكيل كبير فعشان كده محدش هيخاف من قطع الغيار و العربيه هتنتشر و تغلى ده غير ان حاجات التويوتا بتركب فيها مفيش احسن من كده
مصيرهم للنسيان للاسف
حضرتك قصدك على الأميجراند ؟اقتباس:
المشاركة الأصلية كتبت بواسطة midooo_119
مسيرهم النسيان بسبب قلتهماقتباس:
المشاركة الأصلية كتبت بواسطة m i d o
زى الدايو اسبيرو و التويوتا تيرسل و الداتشيا نوفا و هكذا
وجهه نظر برضة