الريو واستهلاك البنزين

**ezzzzo1983** · 13-09-2014 08:23 AM

يا جماعه انا حتجنن خلاص ازاي العربيه 1400 سي سي
وتستهلك اكتر من السيراتو 1600 سي سي
استهلكها مش طبيعي و تانكها مؤرف بصراحه ييجي عند 35 لتر والاقي الراجل يقوللي فوللت كده !!!!
انا العربيه 2014 وعامله 1600 كم واستهلااااك زززززفت بجد
انا نازل من سيراتو كانت بتعمل الصفيحه 190- 200 كم بالتكييف والزحمه
هنا في الريو 160 - 170 كم كبيرهااا

وفي الصيانه المهندس انا عملتلك ريسيت وحتظبط معاااك وقاللي انا شيكتلك علي البوجيهااات لأن ده
كان العيب في النص الاول من 2012

اعمل اه بجد ؟؟؟

**mnashat77** · 13-09-2014 02:28 PM

ده كده استهلاك كتير جدا،،ممكن يكون عشان لسه جديده،،؟؟؟ انا كان معايا سيراتو ٢٠١١ و اللي اعرفوا عن كل كيا ان مواتيرها بتديك اقصي عزم بس نظير كده بتااااااكل ف البنزين انا دي كانت شكوتي ف عربيتي

**ezzzzo1983** · 13-09-2014 04:13 PM

طب اه الحل ؟؟؟

**mnashat77** · 13-09-2014 05:53 PM

انا كنت قريت عن حوار السوفت وير ان الوكيل بتاعه بيكون موفر للبنزين عن الخليجي بس لا اعلم هل الكلام ده صح ام خطا ياريت حد من ملاك الريو يفيد،لو مشكله سوفت اكيد هايكون علاجها سهل

**ahmedz310** · 15-09-2014 09:52 AM

مش عارف بصراحه ايه الخلاصه في حوار استهلاك البنزين للريو :
ناس تقول آه فيه مشكله وبتتحل بالسوفت ، وناس تقول آه فيه مشكله وبتتحل بتغيير نوع البوجيهات ! ، وناس تقول مافيش مشكله اصلا لأن العربيه استهلاكها كأنها 1600 ! ، وناس تانيه تقولك آه فيه مشكله بس دي كانت في موديلات 2012 ، وناس تالته تقولك دي مشكله في الخليجي مش الوكيل ! طب وبعدين فين الحل !؟

**mnashat77** · 15-09-2014 04:05 PM

المشاركة الأصلية كتبت بواسطة ahmedz310

مش عارف بصراحه ايه الخلاصه في حوار استهلاك البنزين للريو :
ناس تقول آه فيه مشكله وبتتحل بالسوفت ، وناس تقول آه فيه مشكله وبتتحل بتغيير نوع البوجيهات ! ، وناس تقول مافيش مشكله اصلا لأن العربيه استهلاكها كأنها 1600 ! ، وناس تانيه تقولك آه فيه مشكله بس دي كانت في موديلات 2012 ، وناس تالته تقولك دي مشكله في الخليجي مش الوكيل ! طب وبعدين فين الحل !؟

ده كلام مظبوووووط :018a1d~146:

**TAFO** · 15-09-2014 04:14 PM

بص يا باشا، اللي يدلك على الحل هو واحد معاه الربو، عربيتي ما شاء الله تعالى معايا بقالها أسبوع و شاريها استعمال خفيف، و بنا اني موسوس جدا ف حجزت في التوكيل و ان شا ءالله هغير بوجيهات اسمها اريديوم دي ممتازة و هعمل update. للسوفوير الكلام ده يوم الخميس 18-9 بعون الله، هخلص و ارد هنا اقلك اللي تم.

**ezzzzo1983** · 18-09-2014 09:47 AM

المشاركة الأصلية كتبت بواسطة tafo

بص يا باشا، اللي يدلك على الحل هو واحد معاه الربو، عربيتي ما شاء الله تعالى معايا بقالها أسبوع و شاريها استعمال خفيف، و بنا اني موسوس جدا ف حجزت في التوكيل و ان شا ءالله هغير بوجيهات اسمها اريديوم دي ممتازة و هعمل update. للسوفوير الكلام ده يوم الخميس 18-9 بعون الله، هخلص و ارد هنا اقلك اللي تم.

مستني رددك بفارغ الصبر

**ahmedz310** · 18-09-2014 01:06 PM

متااااابع

**DOJY** · 18-09-2014 02:45 PM

بصوا يا جماعه ..انا لسه شاري ريو 2015 من شهر تقريبا..
موضوع البنزين ده في كذا حاجه لازم تتحط ف الاعتبار..انا حاسس ان استهلاك البنزين من غير تكييف ولا حرق يعتبر معقول..اه مش بتاع عربية 1400 بس معقول

نيجي بقى مع تشغيل التكييف و الجري و كده,,لا بصراحه العربية استهلاكها كتير , و كون ان التنك بتاعها تقريبا 43 لتر بيخليه بيفضى بسرعه,, ف الواحد بيلاقي نفسه كل شوية بيحط بنزين ..و دي حاجه تخنق الصراحه

مش عارف بقى الواحد يعمل ايه..بس انا مقلق بصراحه من موضوع السوفتوير ده..و حاسس انه اشتغاله و كل اللي السوفتوير حيعمله انه يقلل معدل الحرق بانه يخنق على العربية (حاجه زي الeco) ..يعني كاني بطلت احرق على العربية..بس غصب عني!!