اسعار و مواصفات Grand I10 Sedan الجديدة من الوكيل

**El Prince** · 14-09-2014 01:19 PM

المشاركة الأصلية كتبت بواسطة nagy wassef

يعنى اشترى عربية منغير abs ولا اير باج بس اعادة البيع حلوة؟
ولا عربية فيها abs و اير باج و اعادة البيع مش قوى ؟

يعنى اجيب السوزوكى و لا الهيونداى جواب نهائى؟

شكرا مقدما

حضرتك لو واحد عمل حادثة جامدة بعربية من غير abs ولا اير باج بس اعادة البيع بتاعتها حلوه

تفتكر هايلحق يستمتع بميزة اعادة البيع الحلوه دى !! ؟؟؟؟

وجهة نظر - و حضرتك اللى هاتعرف الاجابة من نفسك

و ربنا يكفينا جميعا شرور الطرق و بلاويها و يرجعنا سالمين لأولادنا و أهالينا

**mestca** · 14-09-2014 02:06 PM

لو سمحتوا اللى مجربش متشوبيشى اتراج ميتكلمش عنها انا شايف انها عربية معجزة و فيها تكنولوجيا عالية و الحمد لله مرتاحة فيها اوى و على فكرة انا معايا كيا سيراتوا 2010 و بحب اركب الاتراج اكتر لانها ناعمة وسلسة وتسارعها زى 1600 وموضوع 3 سليندر دة بقى بايخ قوى نفتى فية لان شركة زى متشوبيشى مش بتهرج لما تنزل ماتور 3 سليندر 12 صباب بامكانيات 1600 فى السحب على فكرة الاتراج تلات اربع وزن مع تلات اربع متور يعنى نفس اداء ال 1600 تماما مع ثبات ممتاز على الطريق حتى 150 و دى اقصى سرعة جبتها بيها بس فى ناس جابت لحد 200

**2CODE** · 14-09-2014 02:30 PM

رأيي انها موتت الفيرنا طبعاً وانا اللي كنت بفكر في فيرنا او حاجة صيني أكيد ممكن أبص على العربية دي لان شكل باقي العربيات اللي في نفس فئتها مش نازلي من زور هههههههههههههه

فلو عجبني شكلها وكماليات الهاي لاين كويسه أوي وأهم حاجة عندي المرايات الطي كهربا غريبة انه نزلها مع ان غبور بيشوف المرايات دي زيادات اساسا ههههههههههه

المهم بقى الموتور كده هيبقى استهلاكه للبنزين في البطاطا ودي احسن حاجة - مفيهاش وسائل امان مش عايز انا مش هجري بالعربية دي كلها مشاوير وسط البلد بس عايز عربية شيك وحلوه وهيونداي تصميماتها جميلة انا واثق بس برضه عايز اشوفها على الطبيعة في أول اجازه ان شاء الله

**nagy wassef** · 14-09-2014 02:37 PM

المشاركة الأصلية كتبت بواسطة El Prince

حضرتك لو واحد عمل حادثة جامدة بعربية من غير abs ولا اير باج بس اعادة البيع بتاعتها حلوه

تفتكر هايلحق يستمتع بميزة اعادة البيع الحلوه دى !! ؟؟؟؟

وجهة نظر - و حضرتك اللى هاتعرف الاجابة من نفسك

و ربنا يكفينا جميعا شرور الطرق و بلاويها و يرجعنا سالمين لأولادنا و أهالينا

كلام سليم 100 % بس هى السوزوكى فين ؟؟؟

دا شراء دبابة كسر زيرو اسهل من السويف

ولا كأنك بتشترى سلاح روسى ثقيل

**ashrafwolf** · 14-09-2014 10:58 PM

"يالهوووووووووووووووووووو� �ووووووي
ديه هيونداااااااااااااااااااا ي"
"هيونداي يا بشر
ياعني غبور
يعني لو عمل بي بي في ازازه و حط عليها شعار هيونداي هتبقي اعادة بيعها احسن من المرسيدس "
"انا فرحان اوي و نفسي العربيه ديه تنتشر اوي اوي اوي "
فعلا لو جبت صرصار و لبسته و نضفته و جبتله جاتوه اول لما يهرب منك هينط في البلاعه تاني

**Mohamedjetta** · 14-09-2014 11:27 PM

المشاركة الأصلية كتبت بواسطة mestca

لو سمحتوا اللى مجربش متشوبيشى اتراج ميتكلمش عنها انا شايف انها عربية معجزة و فيها تكنولوجيا عالية و الحمد لله مرتاحة فيها اوى و على فكرة انا معايا كيا سيراتوا 2010 و بحب اركب الاتراج اكتر لانها ناعمة وسلسة وتسارعها زى 1600 وموضوع 3 سليندر دة بقى بايخ قوى نفتى فية لان شركة زى متشوبيشى مش بتهرج لما تنزل ماتور 3 سليندر 12 صباب بامكانيات 1600 فى السحب على فكرة الاتراج تلات اربع وزن مع تلات اربع متور يعنى نفس اداء ال 1600 تماما مع ثبات ممتاز على الطريق حتى 150 و دى اقصى سرعة جبتها بيها بس فى ناس جابت لحد 200

ازاي الاتراج تسارعها زي سيراتو !!!! احنا كان عندنا لانسر بومه 1300 وكانت تشل وكانت الياريس بتخيطها
نيجي لاتراج عشان وزنها يمكن خفيف بس برضو متبقاش زي سيراتو نهائي وانا علي فكره بشد مع عربيات كتير وعربيتي النترا 2010 والعربيات اللي عرفت تسد معايا هي الهوندا سيفك و الالنترا md و الفيرنا والسيراتو
فاستحيل تيجي الاتراج تبقي ثابته في الشد مع الالنترا ولا السيراتو
تحياتي ليك وانا مش بكدبك ولا حاجه لاني عمري ما شديت مع اتراج وانا مستني رأي الخبراء

**crazy car** · 14-09-2014 11:42 PM

العربية دى هتاكل الاتراج والسويفت وهتحل محل الفيرنا :)

**S O P H O S** · 15-09-2014 11:19 PM

طيب ميزة العربية كده بقت ايه ؟؟!

**Colin Chapman** · 17-08-2016 09:19 AM

المشاركة الأصلية كتبت بواسطة dr.mohamed a

مفهاش abs ولا ايرباج ؟؟!!

تتوفر السيارة هيونداي جراند i10 2016 في السوق المصري بسعر يبدأ من 125000 جنية للموديل المتوفر بناقل حركة يدوي و 135,500 للموديل المزود بناقل حركة اوتوماتيكي و140,500 للموديل المتوفر به جميع الكماليات.

وتتمتع جميع الموديلات بضمان 5 سنوات أو 100 ألف كيلو متر (أيهما أقرب).