الانس و الجان و التصوف فى الميزان
بسم الله الرحمن الرحيم
اللهم صل على محمد وعلى آله وصحبه أجمعين
الساده الاعضاء الكرام بعد ما شاهدته فى موضوع سابق (يتكلم عن هناك من رأى شخص يمشى و يختفى داخل شقته)
و بعد ما افرد الساده الاعضاء فى حكايتهم و ما حدث لهم
احببت ان اعمل موضوع منفصل نناقش فيه بجديه تلك المواضيع و لكن من زوايا اخرى
و ليساعدنا من له علم فى هذا المجال
على بركه الله نبدأ :
ما اود ان ابدأ به هو اختلاطى فتره من الزمان بمجموعه صوفيه فى القاهره و رأيت فى اعضائها صفوه المجتمع
و اخذت كتاب اورادها و ادعيتها و ما الى ذلك
كنت اود ان ازيد ايمانى زى ما انا شايف ان معظمهم عليهم تقوى وورع لم اجدهم فى جماعات اخرى
كانت فتره مبعثره بعض الوقت فى حياتى العمليه و بالتالى انسحب ذلك على تفكيرى
المهم فضلت شويه و بعدين خلعت منهم
و اللى مستغرب له , انى لما اقرأ عن الصوفيين اجدهم عباد تقاه ورعين (سيبك من خلط الصوفيه بمشاهد الهبل اللى بنشوفها فى مصر من بعض طوائفهم)
كمان اجد اذكارهم لا يوجد فيها شئ غلط , هى تسبيح و تهليل و حمد بعدد مرات معين
طيب ايه الغلط فى كده
و شفت منهم حاجات برضه زى ان واحد اول مره اشوفه يسلم على بالاسم ,
قيل لى ان هناك مستويات تصل لها بدرجات ايمانيه متدرجه نتيجه اذكار معينه
و قيل لى ان هناك من يرى اشياء لا يتحملها عقله ( زى انه بيشوف الحيطه بتترعش , انها بيشوف تسبيحها )
و اسماء اخرى مثل الجلجلوتيه و البرهتيه
دى كانت الخواطر اللى بالى الان
ملحوظه صغيره : الموضوع للنقاش الجاد بهدف الوصول الى معلومه و ليس للتريقه او ما شابه
اشكركم