لأول مرة عربية تاكسى متعدلة

**YaSSerwIN** · 24-10-2008 04:43 PM

أمبارح كنت بالقرب من جنينة مول مدينة نصر

وشوفت تاكسى متعدل

جنوط وأكصدمات فايبر وفوانيس أمامية وخلفية متعدلة وكراسى طياره وزينون وعدة صوت جامدة

**HeMa_LanCeR** · 24-10-2008 04:55 PM

انا كل يوم بشوف تاكسيات متعدله لأن عندنا في المنطقه حوالي 5 تاكسيات متعدله جنوط وكساحات وعده صوت ورينجات وكراسي ريكارو
وهما تاكسيين 128
وسويفت و2أكسينت

**trablla** · 24-10-2008 05:11 PM

اللى بيحصل الاتى

ان دلوقتى شركات بتيجى تشترى منك التاكسيات القديمه بالنمر طبعا

وتعملهم تنازل وده لأن مش فى تراخيص للتاكسيات فى المرور

وبيشترى مثلا لادا 95 بسبعين الف وكده

ويفك العربيه يبيعها قطع غيار او يلبسها فى شجره

وطبعا يبقى معاه النمر يحطها على عربيات نظيفه ويشغل عليها ناس متعلمه

منه انه مش هايجيب قطع غيار كتير ومنه انه هايعلى الاجره براحته

وهو مشروع ناجح ميه ميه

وهايبدأ ينتشر

والله يوفق

**mahamedaraby** · 24-10-2008 05:14 PM

والله ياجماعه انا شفت تاكسى تويوتا كورولا 2007 تخليوا انا والله لو كان معايا الكاميرا كنت صورته بس للاسف

ياترى ده ياخد اجرى كام وجاله قلب يدهنها ابيض فى اسود

**itsonlyme** · 24-10-2008 05:56 PM

التاكسي يا جماعه مشروع مربح جداً.
أنتم عارفين الشاهين التاكسي بتتباع بكام؟
ب 160 ألف جنيه!!
الي بحصل أنه المَعرض بيشتري تاكسي قديم ويِكَهنُه. ياخد النمر ويحطها على شاهيين 2008 ويبعها تقسيط لسواق تاكسي بالمبلغ السالف ذكره. طبعاً لوالسواق هو اللي عمل العمليه دي بنفسه هتقف عليه بأرخص بكتير. بس العمليه عايزه وقت وواسطه وسكك بتقدر عليها المعارض.

النمر بتاعه التاكسي تمثل نسبه كبيره من سعر العربيه. عشان كده البعض بيجيب عربيه جديده بالمره.

**fady.bekatcho** · 24-10-2008 06:51 PM

انا عندنا فى بنى سويف التاكسيات لازم تبقى موديل السنة دى علشان تترخص

عندنا افيو ولانوس وفيرنا وفيرنا فيفا واكسنت وشاهين واسبيرنزا وكان فى لانسر 2007 بس اختفت مدة وكلها تاكسيات متظبطة

وركبت مع سواق تاكسى عامل الطارة اسبور وجامدة جدا جدا جدا

كان هاين عليا اصورها بس كان هيقول عليا مجنون
والاجرة باتنين جنية عندنا